اولاد فريده

ضاحكين بعد استماعهم الى هذا المزاح ليردف رؤوف بمشاكة لأخويه شكلوكو انتوا الي فالاخر هتخرطوا البصل بعد دا كله ...
كمال پخوف مصطنع لا كله الا البصل انا هطلع فوق اكمل تعليق الانتيكات وافنش الشقة..لتردف احلام وانا هخلص مع ابتهال هنا علشان رهف تروح الكوافير مع هيام علشان متبقاش لوحدها هى والبنات وبعدين ابقى اطلع ابص ليكون ناقص حاجة في الشقة.
رؤوف بمشاكة واخد بالك يابو سمره هيطلع يفنش والمدام هتحصله ..ليردف الأخير وهو يرمقه بتفكير مصطنع شكلك شاكك في الي انا شاكك فيه يادوك .. لتتحول الصالة لوصلة من الضحك والمزاح بين الاخوه والاخوات تحت انظار أمهم الراضية .

لتدخل ابتهال بحزم لتنهي هذا المزاح يالا يا استاذ منك ليه ليها ..كل واحد يشوف هيعمل ايه علشان الوقت بيمر بسرعة وورانا شغل كتير وكمان علشان نلحق نخلص ونستعد للفرح ..لتتدخل فريدة بود _متسيبيهم يا بوته يهزروا اليوم لسه قدامنا طويل .
لتهتف ابتهال بيأس افضلي دلعيهم كده ياست فريدة .ليحلق الجميع حولها وهم يتمتمون بالدعاء ربنا يخليها لينا وتدلعنا على طول.
ليتوجه سامر بصحبة الفتايات رفيدة وشروق وهيام الى مركز التجميل ويتوجه هو عائدا إلى البيت ليساعداخيه في بعض
الاشياء ويستعد هو الأخر لمقابلة عروسه .
تطل بالأبيض عليه بصورة ملكية ..بعد أن ذهب برفقة اخوته وزوجاتهم لأستقبالها في فرحة فهى اليوم ستكون له قلبا وقالبا ليستقلا السيارة المزينة بالورود و البلونات الملونة التي تتطاير بفعل الهواء ليستقل كمال وزوجته وأولاده الذين ارتدو حلاتهم الانيقة التي تناسب هذا اليوم ورؤوف الذي يمسك بيد زوجته فهو ترك صغارة مع أمه في السيارة من الخلف لتصعد زوجته بجانبه تحت اصرارها لا اركبي جمب جوزك قدام وانا هركب هنا مع الكتاكيت بتوعي .
تشاهد فتاتيها بسعادة فمن الواضح انهم حتما سيخطبان منها اليوم فهن اصبحن عرائس رائعة فرمقتهم إعجابا ليأتيها من الخلف مشاكسا ايه الجميل سرحان في ايه وهو زي القمر كده ..لتبتسم له بود وهى تشير اليهن سرحانه في عرايسك الحلوين دول ..الي كبرونا .
محمد بنظرة عاشقة مين الي كبر دا الي يشوفك يقول اختهم ..تعالى ياقمر تعالي علشان نلحق الزفة وبعدين لما نروح بيتنا نبقي نشوف مين الي كبر دا واكمل وهو يناشد فتاياته القدوم لتهتف هى سيبهم هيركبوا مع العريس والعروسة .
بقى كده ..طب يالا بينا نشوف مين الي مركبش ناخده معانا ليرمق عديلة التائه الذي يبحث عن ضالته ليهتف له يا نديم ..معايا مكان ..هات الولاد وتعالى .
نديم بإيمائه وهو يتحلى بإبتسامة تمام هاجي بس اشوف الولاد فين ليتفاجأ بمن تربت عليه من الخلف انا هنا يا ديمو.
ليرمقها نديم ببلاهة هاتفا ياابوي هو في كده ..انتى رهف مراتي .
ياسلام ..يعني المكياج غيرني قوي كده 
لا ياروحي انتي قمر من غير الألوان دي ..انا بتكلم على ديمو ..بقالك كتير مقولتيهاش .
لا خلاص طالما هنفضل هنا وسط اهلنا وحبايبنا هتسمعها على طول ياديمو..ليسحبها قائلا طب خفي عليا لغاية منروح بيتنا علشان ممكن ارتكب فعل ڤاضح فالطريق العام دلوقتي ..لتتبعة في سعادة فهو قرر ان ينهي فترة عمله بالخارج ليبقى بين اسرته وانتقل
في سكن في نفس البناية حتي يكون قريب لأبويه .
يسيرا العرسان في زفة شعبية ويحاوطهم الفرقة التي احضرها عمه لتشاركهم الاحتفال ليتراقص العريس بصحبة اخويه وتدخل الام بينهم بعد ان جذابوها اليهم لتتشارك معهم الرقصة وهم راقصوها واحدا يلي الاخر بمسك يديها لتتماسك السيدات بأيدي بعضيهم بمحبه ويتمايلن بخفة مع العروس تحت أنظار اهل الحارة المحبة لهم بفضل اخلاق امهم الطيبة لينتهى الزفاف ويصعد العرسان لأستكمال الاحتفال فوق سطح البناية وتعتلى اصوات المكبرات الخاصة بالديجي ليستمع الى اجمل الاغاني التي تغني في مثل هذا الأحتفال .
وتنضم الى الاحتفال لبنى التي حضرت من أجل التهنئة والمشاركة لتلك السيدة الطيبة التي لم تنساها في فرحتها بعدما شاركتها احزانها لتأتي لها ملبية وهى برفقتها فتاة رقيقة في سن روفيدة لتستقبلهم استقبال يليق بها وبكل حبور ټحتضنها ليتشارك جميعا الغناء ويهتفن حول الصوت الصادح 
غنو وبلو الشربات وافرحوا دا العمر ساعات
زغرطوا وارقصوا يالا عقبال عندكو يا بنات
عشنا بنتمنا الفرحة وحلمنا سنين وسنين
ياما بفستان وبطرحة ودعينا وقولنا امين
واهو ربنا عوض صربنا خير والدور جة علينا يا بنات
بعد ما كنا هنتجنن م الوقفة قدام المرايات
واهو ربنا عوض صربنا خير والدور جة علينا يا بنات
بعد ما كنا هنتجنن م الوقفة قدام المرايات
ويارب يعدلهالكو تفرحوا فرحتى يا بنات
مبروك عليا كدا مية مية
عريسى خلاص جمبى فى عش الزوجية
عيلتة بقت عيلتى مامتة بقت مامتى
سمعونى زغروطة رقصونى شوية
مبروك عليا كدا ميه ميه .
هيلاقى دايما كل جديد هعيشة هارون الرشيد
هخلى حبى فى قلبة يزيد يشوفنى يبقى مزاجة عالى
هنقضى كل حياتنا هزار وحب دايما ليل ونهار
وهدلعة وهخلية على ڼار من حقى مهو جوزى حلالى
مبروك عليا كدا مية ميةعريسى خلاص جمبى فى عش
الزوجية
عيلتة بقت عيلتى مامتة بقت مامتى
ليأتي هذا المقطع ليلتف الجميع حولها ويرددونه بكل حماس وحب عيلته بقت عيلتي ..مامتي بقت مامتي ..
لتنتهى هنا رسالتها الطيبة بعدما اطمئنت على تلك اليتيمة التي اهدتها لها امها قبل ان ترحل عن عالمنا وقره عينها ولدها السامر الذي يحمل اليوم وبعد عدة اعوام طفلته الصغيرة في حنق يا مااماا ياااما خدي بنتي ..مهو انا مش مسميها فريدة كده ببلاش ..لتأتي هيام مهرولة لتحاول سحب طفلتها التي تتعلق بأبيها في برائه وهي تتمتم بكلماتها الطفولية حايزه الفون بتاحي لتتحدث امها من بين ضحكاتها هات البنت حرام عليك ..مش فاهمه حاجه.
سامر بحنق مفتعل دي مش فاهمه ..دي بلطجية ويكمل وهو يقلدها قال حايزا الفون بتاحي ..قال بتاعي قال .
تتدخل فريدة بعد ان كساها الضحك وهى لا تستطيع التحدث من كثرة القهقة ياااواد سيبييها ..حرام عليك..هات البنت انا هديها الفون بتاعي ملكش دعوه انت.. دي حبيبة ستها دي .
هيام بيأس من افعال زوجها الصبيانية فهو يعامل الصغيرة كند لها وانتي ذنبك ايه بس ياماما ..هو الي مش عايز يعترف
انه بقى اب ..ليأتي زوجها اليها وهو يحتويها قائلا طول ما ست الكل معايا وفحضني عمري ما هكبر ابدا ..ويالا سيبي ريده مع ماما علشان ندخل نكمل شغل المطبخ على ما اخواتي يجو من الشغل .
هيام بعمليه ماشي ياحبيبي ..كل حاجة جاهزة واحلام وأمال كل واحدة قالت هتعمل صنفين في بيتها وهتجيبو وهي جايه علشان نعرف نقعد مع بعض ..
لتجيبهم فريدة بحب ورضى الله يرضى عليكم يابني ..انا الي ربنا ميحرمنيش من دخلتكم عليا انت وأخواتك .. ويالا افتحلهم كلهم بعتولى رسايل انهم بيركنو عربياتهم هما وإجواز اخواتك وطالعين 
ليأتي الجميع ويلتفو حول تلك الشجرة اليانعة التي تظلل عليهم بظلها وتعطيهم قوت روحهم ليلتقطون صوره تذكارية لهذا الجمع والجميع يتسابق كي يظهر بالكادر بجانبها.
اتمني تكونوا استمتعتم بقصتي المتواضعة واكون قدرت اوصل الرسالة بان البر ميكونش يوم واحد في السنة ولا مجرد صورة نبعتها والا رسالة ..البر لازم يكون بالتواصل مع الاب والأم في كل وقت وحين.
تمت بحمد الله