رواية لهيب الروح بقلم هدير دودو 

مثل والدها بحزم وڠضب لذلك تمتمت بهدوء
مفيش ياماما أنا حكيت لجواد كل حاجة متقلقيش.
اسرعت تواصل حديثها متسائلة تسبق والدتها
هو صح ياماما جواد فين مش شايفاه من بعد ما مشي امبارح.
علمت جليلة أنها تود إخبارها عما حدث فلم تضغط عليها بل ربتت فوق يدها بحنان وأجابتها بهدوء بعدما نهضت لتخرج من الغرفة
ماهو فعلا مرجعش من امبارح عنده شغل على فكرة انا كلمت ابوكي الصبح عشانك بس هو زعق فسيبيه شوية يهدى.

ابتسمت لوالدتها بسعادة حامدة ربها على وجودها معها هي وشقيقها فلولا وجودهما كانوا سيعانون كثيرا ردت عليها بحزن خوفا على والدتها من عصبية والدها الشديدة
لا ياماما متكلميهوش تاني نسيبه شوية لما يهدى أحسن.
سارت والدتها وتركتها بمفردها بعدما جعلتها تهدأ وتتوقف عن البكاء جلست منتظرة عودة جواد حتى تطمئن قلبها القلق.
بالفعل ما أن عاد صعد متوجه نحو غرفته لكن استوقفته والدته التي سألته باهتمام وحنان
ايه ياحبيبي اجهزلك حاجة خفيفة تاكلها في السريع كدة عشان شكلك ماكلتش.
رد عليها رافضا بتعب هو فقط يود الذهاب إلى غرفته مسرعا ليحظى على قسط قليل من الراحة وقيلولة صغيرة حتى يذهب مرة أخرى إلى عمله.
تفاجأ بشقيقته التي دقت الباب مستأذنه بهدوء
جواد ممكن أدخل لو فاضي.
فتح لها الباب مسرعا ممسك يدها جالسا بجانبها متمتما بمرح ليخفف من حزنها
انتي تدخلي وتعملي كل اللي عاوزاه هو أنا عندي كم سما.
ابتسمت بسعادة من حديث شقيقها الحاني وتمتمت متسائلة مسرعة حتى تتركه يرتاح
أنا مش هطول عشان تلحق ترتاح عاوزة اعرف بس عملت ايه في موضوعي.
صمتت لوهلة وأكملت حديثها متلعثمة بتوتر وخجل
ي... يعني قصدي... س سألت عليه ولا لأ عملت إيه
ابتسم على خجلها ثم أجابها بهدوء وجدية محاولا تخفيف الأمر عليها
وللله لسة ماعملت حاجة مكنتش فاضي نهائي بعدين لسة كدة كدة أنتي مستعجلة على إيه
ضحكت بهدوء وأسرعت متمتمة بتوتر نافية حديثه
ل... لأ لأ والله مش كدة مش مستعجلة أنا بس قولت اسألك واتطمن مش اكتر أنا هسيبك ترتاح واخرج.
نهضت تاركة الغرفة ليرتاح بعدما علمت أنه لم يفعل شئ حتي الآن علم أن شقيقته تحب ذلك الشخص كثيرا طريقتها تعكس ذلك بوضوح فابتسم شاعرا بأنها تكبر حقا وهناك من في قلبها متمني أن يكون شخص جيد يستحق كل ذلك الحب المتواجد في قلب شقيقته ولم يخذلها فهو أكثر من يعاني الآن من خذلان الحب وسوء الإختيار..
بعد مرور يومين
في المنزل الخاص بعائلة رنيم..
نهض المحامي ذاهبا بعدما أخبرهم بما سيفعلوه في الجلسة الخاصة بمعقابة رنيم طالعتهم مديحة بنظرات حادة وأردفت بمكر مشددة فوق كل حرف تتفوهه
فهمتوا كدة كل حاجة وإيه اللي هتقولوه.
اومأت لها هالة والدة رنيم وردت عليها مسرعة پخوف من تلك الإمرأة جاحدة القلب التي تستطع فعل كل شئ بكل الطرق الخبيثة
ا... اكيد طبعا ياهانم كل اللي المحامي قاله هننفذه.
تابعت حديثها بتوعد رافعة سبابتها أمامهما وموزهة نحوهما نظراتها المليئة بالغرور
لو حصل غير كدة مش هيحصل لكم كويس أنتم عارفين أوي أنا اقدر اعمل إيه فبلاش تلعبوا معايا.
لم تستمع إلى ردهم بل سارت هي الأخرى تاركة المكان بخطوات متعالية مبتسمة بمكر حالمة بما ستفعله ل رنيم.
بعد ذهابها غمغم والد رنيم برفض وعدم ارتياح لما سيفعله في ابنته
ازاي ياهالة نعمل كدة دي مهما راحت أو جت بنتنا ازاي هنشهد ضدها انتي عارفة كويس تربيتها وأنها محترمة لأ انا مش هعمل كدة.
يا نهار اسود يانهار اسود بتقول ايه يعني ايه مش هتقدر تعمل كدة بعدين خلاص البت دي احنا راميين توبتها من زمان وهي لو محترمة ق تلته ليه كلنا عارفين انها ق تلته وكدة كدة هتتعدم يبقى قټلته وخانته كمان مش مهم.
طالعها بذهول ولازال رافض الفكرة بإصرار
لأ يا هالة مش كدة بعدين ماهي بنتنا برضو يعني سمعتنا احنا كمان وانا واثق أن رنيم متعملش كدة.
مصمصت شفتيها بضيق من تمسكه برأيه ورفضه لتنفيذ ماتريده مديحة وتمتمت بحزن زائف تذكره بما سيحدث لهم إذا استمر
في رفضه
خلاص براحتك بس لو موافقتش هنتحبس كلنا بالشيكات اللي معاهم ولا أنا ولا محمد ابني هنسامحك كدة هتضيع مستقبله ولا ناسي أنهم ممضينا كلنا اعقل كدة وبلاش تدمرنا عشان رنيم احنا كدة كدة سايبينها من زمان وأنت كنت موافق إيه اللي جد بقى.
لم يجد حديث يرد به عليها ماذا سيختار ذاته وزوجته وابنه أم ابنته اختياره لها سيفقده العديد أغمض عينيه بضعف لم يجد أمامه سوى الموافقة عنوة عنه وفعل ما تريده مديحة التي كانت واثقة من موافقتهم وتنفيذ ما تريده.
اقتربت هالة منه محتضنة إياه بهدوء بعدما علمت قراره من صمته بالطبع لن يضحي بعائلة كاملة مقابل فرد واحد فقط..
بعد مرور أسبوع
كانت جميع عائلة الهواري حاضرون يطالعونها پغضب وكره وكأن كل منهم يود ق تلها بيده اشاحت بصرها سريعا مبتعدة عنهم لا تريد أن ترى نظراتهم لها.
بدأت الجلسة لكنها تفاجأت بوجود ذلك المحامي الكبير