رواية عشق علي حد السيف من البارات الثامن الي البارات الخامس عشر

وهي تنظر لزهره و تقول بهدوء
= مدام ألفت عاوزه حضرتك ضروري تحت
عقدت زهره حاجبيها بدهشه
= طيب قوليلها انا نازله حالا
لتعود وتقبل وجنة صغيرها بحنان
= ثواني ورجعالك يا حبيبي
توجهت زهره للاسفل
لتجد ألفت تقف في ردهة القصر
وهي تبتسم وتشير
لباقه كبيره من الورود الحمراء
ومعها علبه ضخمه مغلفه بطريقه رائعه
شهقت زهره بفرحه

وهي تتناول الباقه منها وتحتضنها وهي تستنشق رائحتها بسعاده وهي تقوم بسحب الكرت الصغير الموضوع فوقها وتقرء الكلمات الرقيقه المكتوبه فيه وعينيها تلمع بدموع السعاده
=إلى أجمل وأغلى زهرة في حياتي..زهره
زهره وهي تحتضن الباقه بسعاده
= سيف الي باعتها
ليرتفع رنين هاتفها وتسمع صوت سيف يقول بحنان
= الورد عجبك..
زهره بفرحه
= حلو أوي يا سيف ربنا يخليك ليا
سيف بحنان
= طيب فتحتي العلبه الي معاها
زهره وهي تبتسم بسعاده
= لاء لسه..
سيف بحنان
= طيب افتحيها وانا معاكي
قامت زهره بفض الشرائط التي تلتف حول العلبه لتفتح العلبه وهي تشعر بالفضول
شهقت زهره و دموعها تتساقط بفرحه وهي تجد بداخل العلبه
فستان رائع من الحرير باللون الازرق الملكي الموشي بخيوط فضيه و حزاء مريح من اللون الفضي الموشي بخيوط زرقاء رائعه
الا ان ما جعل قلبها دقاته تتصاعد بفرحه شديده
هو وجود بدله زرقاء اللون وقميص أبيض موشي بخيوط فضيه تناسب طفل يبلغ من العمر اربع سنوات
وطقم أخر ازرق اللون رائع موشي بخيوط فضيه
يناسب طفل حديث الولاده ليشكلو معا طقم رائع متشابه اللون والتصميم
زهره ودموعها تتساقط من شدة الفرحه وهي تستمع لسيف يقول بحنان
= عجبوكي ..
زهره بفرحه شديده
= حلوين أوي ياسيف ..حلوين أوي
سيف بحنان
= دول هتلبسيهم انتي وولادنا في سبوع ابننا ان شاء الله
زهره بسعاده
= انا فرحانه اوي ياسيف هديتك حلوه أوي
لتتابع بسعاده
= دي احلى هديه جتني في حياتي ربنا يخليك ليا يا حبيبي
سيف بحب
=و يخليكي ليا يا اغلى هديه في حياتي ..المهم عندي ان الهديه عجبتك
ليتابع بحنان
= أنا هخلص الاجتماع وهاجي نروح للدكتوره نطمن عليكي
ونقضي اليوم كله انا وانتي ومالك بره فإجهزي وجهزي مالك علشان نخرج علطول
زهره وهي تقبل الهاتف وتقول بسعاده
= حاضر يا حبيبي انا هطلع ألبس وأجهز مالك
= مع السلامه ياحبيبتي هسيبك دلوقتي وهكون عندك بعد ساعه1
زهره بسعاده وهي تقبل الهاتف
= مع السلامه ياحبيبي
لتغلق الهاتف وهي تمرر يدها بسعاده على الفستان وبدل طفليها الرائعين المشتركين في نفس اللون والتطريز
وهي تقول بندم
= انا كنت هعمل إيه إذاي كنت هغلط غلطه ذي دي8
لتغلق العلبه بعنايه وهي تتوجه للاعلى وتقوم بارجاع ثيابها سريعا مره اخرى الى خزانة ملابسها
وتتوجه الى غرفة طفلها تحت-ضنه بحنان وهي تقول بسعاده وهي ترجع ملابسه هو الاخر الى خزانة الثياب
= بابا جاي وهيخدنا نقضي اليوم كله بره
مالك وهو يصفق بيده بسعاده
= بجد يا ماما بابا هيخرجنا
زهره وهي تحت-ضنه بسعاده
= بجد ياحبيبي بس افطر الاول علشان بابا ميزعلش منك
لتشهق وهي تنهض سريعا

= يا خبر صاحبة سالي نستها خالص زمانها واقفه مستنياني تحت لازم انزل اعتزر لها
لتنزل سريعا وتتوجه للبوابه الخلفيه الصغيره الخاصه بالخدم وهي تنظر في الشارع الخالي
الا من سياره رماديه متوقفه على بعد من البوابه
لتتوجه اليها بتردد وهي لا ترى من يتواجد بداخلها بسبب زجاجها الاسود المغلق
اقتربت زهره من باب السياره وهي تقترب بحزر
وتقول بصوت خافت خوفا من ان يسمعها احد
= حضرتك صاحبة سالي
لتتفاجأ بباب السياره يفتح ويقوم احد الرجال بسحبها للداخل بسرعه وهي تحاول المقاومه بقوه
الا انه قام بوضع منديل مغرق بالمخدر فوق أنفها
لتستمر في المقاومه حتى تسلل المخدر الى جسدها وتغرق في غيبوبه فوريه
بعد مرور أكثر من ثلاث ساعه
إستيقظت زهره من غيبوبتها لتجد نفسها مقيده على كرسي خشبي بداخل غرفه كبيره
بها مجموعه من الكنب الخشبي يجلس عليها سيده كبيره في السن ترتدي جلباب أسود وطرحه كبيره سوداء تلف بها وجهها المملوء بالتجاعيد ويجلس بجانبها ستة رجال أشداء يرتدون الجلباب الفلاحي
فتحت زهره عينيها وهي تشهق بخوف
= عمتي
السيده بغضب
= أيوه عمتك يا خلفة العار
زهره بخوف
= خلفة العار..انتي بتتكلمي معايا كده ليه ومكتفاني ليه كده
ليجيب احد الرجال بغلظه
= إكتمي خالص منسمعش صوتك الا لما الحاجه تخلص كلامها الاول
صمتت زهره بخوف وهي تراقب عمتها
تستند على عصاه ضخمه من الخشب الاسود المشغول وهي تقول بصرامه
= احنا لينا عنديكي حقين
الحق الاول ورثنا من أخويا الي إمك كلته..
ومرضيتش تعطينا حقنا الي ربنا قال عليه وكتبت كل شئ باسمك عشان تهرب الورث وميتقسمش ذي ربنا ماقال
= والحق التاني ..حق شرفنا الي مرمغتيه في الوحل وانتي بتحملي وتخلفي من غير جواز
شهقت زهره بخوف
= لا يا عمتي متقوليش كده انا متجوزه على سنة الله ورسوله