ذئب تخصص أرامل كامله
الام.. حاضر.. اهدي انتي بس واستمتعي بالاجازة بتاعتك وسيبك من الوسوسة بتاعتك دي.. ربنا يسعدك يا بنتي.. يلا تصبحي علي خير
اميرة.. وانتي من اهله..
وفجأة تسمع اميرة صوت امرأة تضحك بصوت عالي.. تركز مع الصوت فتجد انه يصدر من غرفة مجاورة لها انها غرفة زوجة اخري من زوجات عبد الباسط.. تفتح اميرة باب غرفتها تسير في خطوات بطيئة نحو الغرفة تضع اذنيها علي الباب وتحاول ان تسمع الصوت مرة اخري وفعلا تعود المرأة وتضحك بصوت عال مرة اخري.. اميرة تقول
عبد الباسط في قمة الغضب بعد ان علم بما فعلته اميرة
عبد الباسط.. انا مش نبهت عليكي منهوبيش ناحية الاوض دي ؟؟! انطقي ؟
اميرة.. ايوه نبهت.. بس انا اخدني الفضول ووقفت قدام باب الاوضة ولما مسكت القفل بإيدي اتفتح لوحده.. انا مكنش قصدي افتح الباب.. وبعدين انا عايزة اعرف ايه الدم ده اللي مغرق السرير !! ولما قريت في المفكرة بتاعة شريفة مكتوب كلام انا مفهمتوش ؟!!
اميرة.. ليه مش هفهمه.. فهمني انت وانا هفهم
عبد الباسط.. شريفة دي كانت مجنونة.. بتسمع وتشوف حاجات مبتحصلش.. فهمتي ؟!
اميرة.. يعني ايه مجنونة ؟!! امال انت اتجوزتها ازاي وهي بالحالة دي ؟!!
عبد الباسط.. انا لما اتجوزتها كان عقلها يوزن بلد
اميرة.. واتجننت هنا !! صح ؟!! هي كاتبة كدا في مذكراتها.. وفعلا دا اللي انا حاساه.. في حاجات مريبة بتحصل هنا ومش فاهمالها تفسير.. زي ما تكون الفيلا دي مسكونة !! وبعدين تعالي هنا.. انت مش قلتلي ان كل اللي شغالين في الفيلا خرص !! امال عم محمد اتكلم معايا ازاي ؟!!
اميرة.. بقلك اتكلم معايا وسمعني وسمعته
عبد الباسط.. تعالي معايا
ثم يدخل الي حجرة المكتب ويفتح درج المكتب ويخرج شهادة من معهد الصم والبكم
عبد الباسط.. دي شهادة من معهد الصم والبكم بأسم عمك محمد عشان تصدقي انه اصم وابكم
عبد الباسط.. اميرة لآخر مرة هحذرك اسمعي كلامي ومتقربيش من اي اوضة من الاوض المقفولة دي نهائي.. متعمليش زي اللي قبلك كانت دماغهم ناشفة ومبيسمعوش الكلام
اميرة.. انا زهقت من قعدة البيت.. عايزة انزل المستشفي بكرة
عبد الباسط.. زي ما تحبي
اميرة.. وكمان عايزة بنت تكون بتسمع وتتكلم تشتغل هنا في الفيلا
اميرة.. بس مش عرفة اتعامل معاهم !!
عبد الباسط.. مع ان دا مش نظام حياتي بس هخالفه عشان خاطرك.. اي اوامر تاني ؟
اميرة.. عبد الباسط انت في حاجة مخبيها عني ؟!!
عبد الباسط.. انا مخبي حاجات كتير عنك.. لأن بكل بساطه ميهمكيش انك تعرفيها بالعكس انك متعرفيهاش افضل ليكي
