ذئب تخصص أرامل كامله
مش عرفة افسرها ابدا.. المهم الدكتور عبد الباسط طلب من ياسر جوزي انه يسافر فرع المستشفي بتاعته في الكويت وياسر سافر ومرجعش.. اتوفي هناك.. بيقولوا طلعوا قطاع طريق ضربوة ليه وعشان ايه ؟؟؟؟؟!!! شوفوا حطيت كام علامة استفهام وتعجب.. ومن ساعتها اخدت لقب ارملة في جوازة ما استمرتش غير شهرين... وبدأت المشكلة....
بصراحة رحيل ياسر اثر فيا جامد وتركلي جرح كبير رغم المدة القصيرة اللي عشتها معاه..
كان دايما ساكت وحزين رغم اني كنت شايفة في عنية كلام كتير عايز يقوله.. المهم وانا قاعدة لقيت ماما دخلت عليا بتقلي
الام.. اميرة.. الدكتور عبد الباسط برة عايز يعزيكي
اميرة.. الدكتور عبد الباسط مين ؟!!
اميرة.. غريبة !! الدكتور عبد الباسط معروف عنه انه مش بتاع مناسبات ابدا.. لا افراح ولا احزان
الام.. الراجل كلف خاطرة وجاي يعزيكي.. نقلة انت جاي ليه ؟!!
اميرة.. خلاص اديني خارجة وراكي
المهم انا لبست عبايتي السودا وحطيت طرحة علي راسي وخرجت عشان اقابلة.. بصيت لقيته لابس بدلة سودا شيك اوي وتحتها قميص ابيض وكرڤات.. وانا ببص بعيني لقيت ع الطربيزة بوكيه ورد ؟!! بوكيه ورد في مناسبة زي دي !! المهم سلمت عليه وبعد ما سلمت لقيته وطي علي ايدي وباسها.. بصراحة انا استغربت اول مرة راجل يبوس ايدي حتي اجوازي الاتنين معملوهاش وراح قايلي
اميرة.. نعم !!!
عبد الباسط.. انا مقصدش حاجة.. انا بس ببدي اعجابي بيكي.. لأني بصراحة من عشاق اللون الاسود في كل حاجة
اميرة.. بس حضرتك اللون الاسود دايما عنوان للحزن واليأس والمشاعر الحزينة عامة ٌ
عبد الباسط.. ودا المود بتاعي.. المهم انا مش عايزك تحزني ابدا لأن بصراحة العنين الحلوين دول خسارة في الدموع والوش الجميل ده خسارة في التكشيرة الوحشة دي
عبد الباسط.. اظن انكم معشتوش مع بعض الفترة اللي تخليكي بعدها تحزني علي فراقة.. دول يدوب شهرين يا اميرة !!
اميرة.. حتي لو يوم واحد.. اسمه جوزي برضوا
عبد الباسط.. لا وفيه بجد !! بصراحة انا كل يوم بيزيد اعجابي بيكي عن اللي قبله.. انتي ظاهرة فريدة من نوعها وتخلي الواحد ينشدلك من اول نظرة
عبد الباسط.. جاي اعزيكي
اميرة.. بس انا شايفه ان كلام حضرتك من ساعة ما جيت غزل فيا !! حتي مقلتليش كلمة البقية في حياتك
عبد الباسط.. اها.. بعتذر.. البقية في حياتك يا اميرة.. وبوعدك ان اللي جاي احلي. خدي راحتك خالص ومنين ما تحبي ترجعي الشغل هتلاقية مستنيكي.. بعد ازنك
اميرة.. شرفت يا دكتور عبد الباسط
وبعد ان ينصرف تدخل ام اميرة فتراها في دهشة وحيرة
الام.. مالك يا اميرة ؟!! مبلمة ليه كدا ؟!!
