اماني وعوضي
المحتويات
احسن خلينا كده
غرام بتكلم نفسها وهي نايمه وباصه للسقف يعني اي المشكله لما يسألني مره تانيه مالي وبعيط ليه هيتشك في لسانه يعني
عز اخيرا قرر انه هيقول لغرام واخيرا نطق
عز قام وقعد نص قاعده في الارض وقال لغرام
عز مش ناويه تقوليلي مالك بقي
غرام قامت واتعدلت وقعدت نص قاعده علي السرير وبصت لعز وبقت بصاله وبتبص في عنيه وهو كمان بيبصلها في عيونها الزتوني القمر دي وغرام ابتسمت وقالتله
عز غرام اول ما قالتله كده اتعصب وقلها
عز تعرفي ياغرام لو بټموتي بعد كده ما هسأل عنك تاني
غرام نامت بسرعه وحطت الملايه علي وشها واتغطت وهي قلبها فرحان اوي عشان عز سألها مره تانيه راح عز بص كده
عز طيب وحياه امك ماشي ياغرام
عز مد ايده وفصل الكهربا بتاعت الاوضه .. والاوضه بقت ضلمه كحل غرام اول ما شافت كده شالت الملايه من علي وشها وبقت تصوت وبحركه لا اراديه منها وقعت في الارض وبقت نايمه جنب عز
غرام غرام وهي في حضن عز وماسكه فيه زي البيبي هو مش النور قطع ولا اي
عز مش عارف
غرام هو اي
اللي مش عارف غرام بتبص لاقيت من تحت عقب الباب في نور داخل
قامت وفتحت الباب لاقيت النور شغال
غرام انت اللي عملت كده صح
عز بصراحه صح
غرام ادت ضهرها لعز وقالتله
غرام وهي بتبتسم برضوا لاء
غرام هموم الدنيا كلها في قلبها بس بمجرد ما بتكون مع عز بتنسي نفسها وبتبتسم لوحدها في ناس كده مجرد وجودهم جنبنا بنبتسم وبنبقي فرحانين فرحه العيال الصغيره
الناس دي بتبقي جوه قلوبنا ومقفول عليهم
يتبع....
الناس دي بتبقي جوه قلوبنا ومقفول عليهم
غرام شغلت النور ورجعت علي سريرها بس كانت نايمه وهي مبسوطه والابتسامه علي وشها عز كان نايم في الارض راح بص كده عليها وهي نايمه بعد ما راحت في النوم وبطراطيف صوابعه كان عايز يلمسها وېلمس بأيديه ملامحها وخلاص قرب بصوابعه من وشها راحت في حاجه منعته وماقدرش يلمسها رجع في كلامه بسرعه ورجع لمكانه مره تانيه
غرام صباح الخير ياراجل ياطيب
عم حسين صباحك زي العسل ياست غرام
غرام ست .. اي ست دي ياعم حسين انا غرام بس ياعم حسين
عم حسين برضوا يابنتي انتي بقيتي دلوقتي ست البيت وليكي احترامك
غرام ست البيت مره واحده مين قالك كده بقي ده كلها كام شهر واطلع منه خلاص
عم حسين ماظنش ياست غرام
غرام باستغراب ليه ياعم حسين ماتظنش يعني
عم حسين الابتسامه اللي علي شفايفك ووشك المنور ده بيقول غير كده
وانك تصحي بدرى وتدخلي المطبخ عشان تحضري الفطار لعز
كمان بيقول انك ان شاء الله هتطولي معانا
غرام ابتسمت وسكتت وبعد كده راحت حاولت تغير الموضوع راحت قالت
غرام طيب اي ياراجل ياطيب انا عايزه احضر الفطار النهارده وفتحت التلاجه وقالت
غرام عندنا فطار اي
عم حسين طلع كل اللي في التلاجه وراح حطه علي الطرابيزه
غرام طيب سيبني انا بقي ياعم حسين اعمل الفطار ده بعد اذنك طبعا
عم حسين ماشي يابنتي وانا هساعدك
غرام اتفقنا
غرام ابتدت تعمل الفطار بس المره دي كانت بتعمله وهي مبسوطه وهي عايزه تعمله مش مغصوبه زي الاول عملت البيض وعليه رسمت بالكاتشب وش بيضحك وحطيت زتون اسود عليه كأنه عيون ومناخير بالفلفل الاطباق كان شكلها حلو ولذيذ وكلها علي شكل رسمه اطفال
واخيرا حضرت السفره وهي مبسوطه اوي
والساعه جت سته والساعات دقت زي كل يوم
وشريف كان نايم ومن صوت الساعات بقي يحط المخده علي راسه عشان الصوت بيبقي عالي جدا حرفيا
وعز صحي ونزل من علي السلالم عشان يفطر كعادته
غرام اتخبت بسرعه وقالت لعم حسين
غرام عم حسين ماتقولش لعز ان انا اللي عامله الفطار بالله عليك
عم حسين ليه بس يابنتي
غرام قلقت وراحت قالت مش عارفه بس يمكن يكون مايحبش طريقه اكلي.
عم حسين ماتقلقيش انا من غير ما اقوله هو هيعرف
عز نزل وقعد علي السفره وغرام بقت تبص عليه من بعيد وهي متخبيه ورا العمود وقلبها بيدق اوي خاېفه الفطار مايعجبهووش
عز اول ما شاف الاكل اول حاجه عملها ابتسم
وكل ما يشوف طبق يلاقي علي شكل ايموجي راح ضحك ضحكه بصوت ورفع وشه بقي يحرك راسه شمال ويمين كده اللي هو الكلام ده بجد
غرام وهي بتبص علي عز من بعيد يارب الفطار يعجبه يارب يعجبه .. يارب يعجبه يااارب
غرام كانت ورا عز
عز وهو مدي غرام ضهره وقاعد علي السفره
عز تعالي .. تعالي شايفك
غرام اي ده انت عندك عنين من ورا
عز ههه تعالي ياغرام
غرام الاكل مش عجبك
عز بالعكس جميل اوي ..
غرام حبيت اعملك حاجه مختلفه عن كل يوم تبدأ بيها يومك
عز عجبني جدا علي فكره تعبتي نفسك عشاني
غرام لا خالص ما انت هتجيبلي شيكولاته وانت جاي عشان انا عملتلك الفطار
عز شيكولاته
غرام ماتقلقش دي مش غاليه دي ب ٢٠ جنيه بس
عز ٢٠ جنيه
غرام خلاص هات ام ١٠ صغيره بس هاتها بالبندق
عز ضحك كده وقلها
عز خلاص هجيبهالك بالبندق
غرام حطت ايدها علي وشها وبصت لعز وهو بياكل وقالت في نفسها وهي بتبصله
غرام معقول في ضحكه حلوه اوي كده
عز غرام روحتي فين
غرام اي .. لا ابدا مافيش
عز طيب اي مش هتاكلي
غرام اه .. اه طبعا هاكل
غرام بقت تاكل هى وعز سوا لاول مره وكل واحد منهم بيبص للتاني من تحت لتحت كده
وعم حسين بقي يبصلهم من بعيد وبقي يقول
عم حسين ربنا يهدي بالك يابني
واخيرا عز خلص الفطار بتاعه وطلع عشان يلبس
عشان يروح الشركه بتاعته
غرام لمت السفره مع عم حسين
وعز لبس ونازل من علي السلم ولسه هيفتح الباب عشان يمشي
غرام عز .. عز
عز اي ياغرام عايزه حاجه
غرام ماتنساش الشيكولاته عشان انا عارفه انك هتنسي اصلا ومش هتحطني في بالك حرفيا
عز بصلها كده ورفع حاجبه راحت غرام قالتله
غرام خلاص مش عايزه
عز وهو واقف هو وغرام راحت غرام بتبص لاقت بتاع الجرايد جه اول ما شافت بتاع الجرايد قلبها دق جدا وخاڤت
عز غرام في اي مالك وشك اتغير كده ليه
غرام لا لا ابدا
عز طيب خلاص ماتزعليش هجيبلك الشيكولاته
غرام وانا هستناها
عز ساب غرام وهو مبسوط جدا وركب عربيته
متابعة القراءة
