حب خارج اردتي الجزء الثاني
المحتويات
عم حسين حط القهوه علي المكتب وراح لشريف واخده في حضنه وبقي شريف يبكي .. يبكي علي عز
شريف : (بعياط )لو جراله حاجه انا مش هعرف اعيش من غيره ياعم حسين انا من يوم ما فتحت عيني علي الدنياا دي وانا ماشفتش غيره انت شايف امي سابتني وانا عندي سنه وابويا زي ما انت شايف مكانش يعرف عننا حاجه وراح اتجوز واحده كانت بتقسيه علينا ورانا ايام سودا عشان خاطرها هي وبنتها
عم حسين بقي يطبطب علي شريف ويضمه لحضنه اكتر
عم حسين : ماتقلقش يابني هيقوم منها اخوك عز جبل وهيبقي زي الفل
شريف : ياريت .. ياريت ياعم حسين
عم حسين بقي يبص لشريف كده وحس انه عاوز يقول حاجه
شريف: عايز تقول اي ياعم حسين
شريف: مرميه في الاوضه جوه مغم عليها ان شالله تروح فيها خلينا نخلص منها وتريحنا
عم حسين : ماينفعش يابني الكلام ده البت دي اتبهدلت معاكم
شريف: انت ازاي بتقول كده وهي السبب في اللي حصل لعز
عم حسين: ومين السبب في اللي حصلها ياشريف
شريف: تقصد ايه
اديني المفتاح يابني .. اديني المفتاح الله يهديك خليني اشوفها واطمن عليها
شريف ادا المفتاح لعم حسين وبعدها
عم حسين جه يمشي راح بص لشريف كده وقال في نفسه
عم حسين : ربنا يبعد عنك انت واخوك اي شر يابني
بقلمي مآآهي آآحمد
عم حسين فتح الباب لغرام لقاها مفتحه فاقت وقعده بتعيط
عم حسين : مال صوابعك يابنتي فيكي اي
غرام : مافيش ياعم حسين
عم حسين : ماتخبيش عليا انا عايزك تحكيلي اللي حصل بالظبط
غرام حكت كل حاجه حرفيا لعم حسين ازاي ضربت عز بالسكـ،ـينه وازاي اتحبسوا في المخزن والحرق اللي في صوابعها كل حاجه حرفيا
عم حسين : انا مصدق كل كلمه انتي قولتيها ياغرام وعايز اقولك انك وقعتي ما بين اتنين عمرهم ما شافوا رحمه ولا حب في حياتهم من واحده ست ونصيبك الازرق انك بقيتي وسطهم ومعاهم
غرام : انا طول عمرى حظي وحش ياعم حسين
عم حسين: بكره حظك ونصيبك هيتعدل وهتشوفي ايام هتعوضك كل الذل اللي شوفتيه وهتقولي عم حسين قال وخصوصا بعد اللي عملتيه مع عز
غرام : ههه هو عز ده بيهمه حد غير نفسه
عم حسين: ماتقوليش كده يابنتي عز طيب وشريف اطيب منه بس هما كده يبانوا وحوش قدام الغريب اما القريب اللي بقي من دمهم بيحطوا جوه نن عنيهم
غرام : علي فين ياعم حسين
عم حسين: لازم نربطلك صوابعك اللي بتجيب د,م من امبارح دي ولازم تاكلي انتي وشك اصفر زي الليمونه
غرام : تعرف اني بقالي يومين ما اكلتش وماليش نفس حتي اكل
عم حسين: عشان كده لازم تاكلي ياغرام لازم يابنتي عشان تعرفي تواجهي اللي جاي
عم حسين جه يمسك ايد غرام
غرام : اااه
عم حسين: معلش يابنتي ما اخدتش بالي
عم حسين حط الاكل لغرام وشربها كوبايه اللبن وحطلها مرهم وربطلها صوابعها صوباع صوباع كده بالشاش والقطن
بقلمي مآآهي آآحمد
شريف خرج من باب الفيلا ورزع الباب وراه
وركب الموتوسيكل بتاعه ومشي راح المستشفي لعز
شريف : اي يادكتور مافيش اخبار
الدكتور : للاسف الحاله لسه زي ما هي مافيش جديد نهائي
شريف بص علي عز شويه وراح اتصل بأسر
شريف: ايوه يا اسر قولي في رهان النهارده ولا مافيش
اسر :
شريف: ياعم انت مالك
اسر :
شريف: يووووه تصدق انا غلطان اني اتصلت بيك ما انت لو ما تصرفتش وشوفتلي رهان هتصرف انا من غيرك
اسر :
شريف : تمام هكون هناك في الميعاد
اسر :
شريف: ياعم ان شالله ما جيت
شريف ركب الموتوسيكل بتاعه وطلع علي الطريق وراح مكان الرهان مسابقات رهان تحت بير السلم بيلعبوا بوكس والناس من حواليهم تراهن علي اللي هيكسب شريف اول ما راح هناك
المسؤول عن الرهان : شريف بيه اول مره تشرفنا يعني اومال فين عز بيه
شريف: عز مش موجود انا هبقي مكانه النهارده
المسؤول عن الرهان : ايوه ياشريف بيه بس اللعب ده لعب شوارع وانت عمرك ما لعبت اللعب ده قبل كده
شريف : ( بزعيق) وانت مال اهلك انت ليك فلوسك وبس
المسؤول عن الرهان : خلاص ياشريف بيه حقك عليا انا خايف عليك مش اكتر
المسؤول عن الرهان اخد الفلوس من شريف وحط اسمه وشريف ابتدي يلبس القفازات في ايده بتاعت البوكس ويقلع هدومه طبعا الكل راهن علي اللي بينافس قدامه لان شريف جسمه قليل وكله عارف ومتاكد ان من ضربه واحده هايروح فيها
بقلمي ماهي احمد ملحوظه اي اكونت بينشر الروايه مش بأسمي دي مش روايته
واحد من اللي واقفين : ماله ده
المسؤول عن الرهان : ياعم سيبك منه فاكر نفسه عز اخوه جاي يتنطط علينا بفلوسه اصبر انا هروقهولك وهخليه يقول حقي برقبتي
بقلمي مآآهي آآحمد
شريف دخل القفص بتاع البوكس والمسؤول عن الرهان قال اسمه ورفع ايده كل اللي كانوا بيراهنوا راحوا بقواا يشاوروا بأيديهم لتحت كده وانهم مش عايزينه واول ما دخل التاني اللي قصاده كله بقي يهتف بأسمه
وبعد كده المسؤول عن الرهان قال
متابعة القراءة
