سيدنا سليمان الجزء الاول

في يوم من الايام وهو جالس فى ملكة..
دخل عليه حراسة من الجن بـ "عفريت من الجن مقيد بسلاسل"..!
فتعجب سيدنا (سليمان) وسالة عن سبب انه مربوط بالسلاسل!!
- رد (العفريت): انه واحد من الجن الغواصين فى البحر..
وانه عصي امره وفيه (لؤلؤه).. عجبته فقرر انه ياخدها لنفسه وميدخلهاش فى الخزنة..
وفعلا طار بيها عشان يخبيها..

فهجم عليه واحد من الجن من مملكة (الجنوب)..
وخطف منه (اللؤلؤه).. وهرب بيها!!
سيدنا (سليمان) مصدقش قصته.. وأمر بحبسه..
وأمر حراسه من (الانس) انهم يبعتوا للوزير بتاعة (آصف بن برخيا).. 
وساله عن حال الجن.. 
وكان (أصف) عنده علم كبير ويعلم باسم الله الأعظم..
..
**ويرى بعض العلماء أنه هو نفس الشخص اللى احضر عرش ملكة (سبأ) إلى الملك (سليمان) بطرفة عين**
..
قاله (أصف) ان الجني صادق وفعلا فيه مملكة فى الجنوب مجهوله ومش كتير يعرفها ومحدش راحها قبل كده..
وانهم عندهم علماء وسحره معاهم خبرة فى تسخير الجن..
..
فأمر سيدنا (سليمان) بتحرير الجني..
وتوجه للمحراب بتاعه وصلي ودعى لربنا..
واخذ قرار انه يتحرك لمملكة (الجنوب).. وأمر القادة بتوعه كلهم يجهزوا الجيش كامل..
بالحيوانات والطيور والانس 
وأمر الجن بالجهاز للحرب.. وهيتوجهوا فى صباح اليوم التالي لمملكة (الجنوب)! 

يا تري ايه اللى هيحصل وحال الحرب دى هيكون ايه ؟!
يا تري فين النملة الصغيره اللى سيدنا سليمان (ابتسم لها ؟!)
يا تري فين غياب الهدهد ويا تري هو هيغيب ليه ؟!
كل ده هنعرفه بكره فى مقالة جديده وقصة عظيمة.. وعبرة جديده من (اقوي ملوك الارض)..
■ المصادر :
1- - تفسير (القرطبي) و (الطبري) و (الامام الشعراوي) : لسور (النمل - سبإ - ص - الانبياء)..
2 - كتاب ملوك الدنيا الاربعة - للكاتب منصور عبد الحكيم..
3- قصص الانبياء للامام بن كثير : قصة داود وسليمان..
4- البداية والنهايه للامام بن كثير – قصة سليمان عليه السلام..