سيدنا سليمان الجزء الاول

في يوم من الايام ضربت عاصفه شديدة المحراب بتاع (سليمان) عليه السلام :
فدعاء ربنا يرزقه بملك : (لا يملكه احد من قبله ولا من بعده)..
ربنا ادالة (الجن) و(الشياطين) و(الوحوش) و(الاسود).. و(الريح)..

أداله اعظم ملك فى الارض .. كل حاجة تخليه (انسان خارق)..
بس قصته من البداية ايه ؟! 
تفاصيل قصته كلها عامله ازاى ؟! وازاى ربنا اداله الملك ده كله!!

عايز تعرف كل ده ؟! يالا بينا..

بس اهم حاجة عايزها منك : انك تشغل خيالك.. لان انت لازم تتخيل كل كلمه هنا وتعيش معاها..
يالا بينا..
الملك اللى حكم الارض بايد من (حديد)..
سليمان (عليه السلام)..
الجزء الاول..
■ طفولته :
من صغره كان ذكى..
--
فى يوم من الايام كان (سليمان) قاعد مع ابوه (داود) فى مكان استقبل الشكاوي بيتعلم منه :
..
فدخل اتنين رجاله لسيدنا (داود) يشتكوا له مشكلة :
"واحد منهم عنده (غنم) والتانى عنده (ارض)..
وصاحب الارض صحي فى يوم لقا (غنم) الراجل التانى فى ارضه بتاكل الزرع و خربتها وبوظتها له.."
فرد عليهم (داود) عليه السلام : "صاحب الارض هياخد (الغنم) تعويض عن اللى الغنم عملته فى ارضه"..
= بس (سليمان) الطفل كان عنده راي تانى.. قالهم : " (صاحب الارض) ياخد (الغنم) ويربيه ويستفيد من لبنها.. وصاحب (الغن) ياخد الارض ويرويها ويرجعها زى ما كانت..
ولما يخلص ترجع له الغنم مره تانيه..
- ابتسم (داود) عليه السلام, وقال : "ما القول الا قول سليمان"..
واتفذ فعلا..
..
(فَفَهَّمْنَاهَا سُلَيْمَانَ ۚ وَكُلًّا آتَيْنَا حُكْمًا وَعِلْمًا...)
ومن هنا بدأت قصته فى الحكم بين الناس
■ ازاى اتعلم كلام الحيوانات ؟!
سيدنا (سليمان) اتعلم من ابوه (داود) -بإذن ربنا- الكلام مع الطيور والحيوان من وهو صغير...

وفي يوم وهو جالس على شأطئ البحر :
شاف سيدنا (سليمان) : نمله شايله (حبه قمح)..
ورايحه بيها على ماية البحر..
وبتقرب من المايه اكتر واكتر واكتر.. ومره واحده شاف ضفدع طالع من المايه.. 
فتح بؤقه.. ودخلت فيه النمله..
وبعد دقايق معدوده..
شاف (الضفدع) تانى .. فتح بؤقه وطلعت النملة من غير حباية القمح..

فناداها (سليمان) : وسالها عن حاله وسالها كانت فين فى البحر..
فقالت (النملة) : "يا نبي الله إن في قعر البحر (صخرة مجوفة) وفي جوفها (دودة عمياء) وقد خلقها الله تعالى هنالك, فلا تقدرأن تخرج منها لطلب معاشها , وقد وكلني الله برزقها وسخر (الضفدعة) لتحملني فلا يضرني الماء, وتضع فمها على ثقب الصخرة وأدخلها, فإذا أوصلت رزقها إليها وخرجت من ثقب الصخرة إلى فم (الضفدع) فتخرجني من البحر..
= تعجب سيدنا (سليمان) من النملة.. وتبسم وحمد الله على نعمة عليه بالكلام مع الحيوانات..
ولما جه يوم (مoت داود) وم١ت (داود) عليه السلام 
-زى ما ذكرنا فى قصته المقالة اللى فاتت-
كان يوم وفاته الشمس شديده جدا جدا.. 
فسأل الناس سيدنا (سليمان) ينقذهم من شدة الحر..
فأمر سيدنا (سليمان) الطير تظلهم لحد ما اختفيت الشمس تماما وجه عليهم ريح خفيف (هواء)..
فتعجب (بنى اسرائيل) من المعجزة دى وكانت دى اول علامه يشوفها من ملك سليمان..
=================
■ تسخير الجن والشياطين له :
**عايزك تتخيل معايا كل حرف من الحروف اللى هقولهم كويس اوى!**
=================
مسك سيدنا (سليمان) حكم (بنى اسرائيل).. وكان ثانى (نبى ملك) بعد ابوه..
..
في يوم كان قاعد فى المحراب بتاعة بيتعبد لربنا..
فضرب المحراب ريح شديده ومطر شديد (عاصفه)..
فدعاء سيدنا (سليمان) دعاءه المشهور : 
"رَبِّ اغْفِرْ لِي وَهَبْ لِي مُلْكًا لَّا يَنبَغِي لِأَحَدٍ مِّن بَعْدِي ۖ إِنَّكَ أَنتَ الْوَهَّابُ"..
ولما هديت الريح.. خرج ورجع قصرة ونام..