حطمت حصون قلبي البارات ال 17/18

على عزيز وهو بيتكلم مع الخدم 
لسه هتمشي عزيز شافها واتقدم عليها عايز يعتزر عن الكلام الي قالو بس صبا فاجأتو لما تجاهلتو تماما ومشيت ولا كأنها شيفاه وراحت عند اسيل
وانتهي اليوم على الحال ده صبا متجاهله عزيز ومش مديالو فرصه واحده يكلمها وكانت طول اليوم مع اسيل
باليل كانت الاجواء جميله ورقص وفرحه والمأذوم كتب الكتاب وتعالت الذغاريد واصوات ضړب الڼار واسيل كانت قاعده بحزن مش ده الشكل الي كانت رسماه ليوم جوازها وصبا كانت واقفه جمبها وبتدعمها
عزيز كان مش شايل عيونه من على صبا الي كانت قمر حرفيا وصبا كمان كانت بتبص على طلتو الجذابه ورقصو الجميل وهيبتو بس بتبين قدامو التجاهل الكامل الي كان منرفزو لابعد الحدود
عزيز شدها على جمب وقال..اقدر اعرف بتعملي ايه
بقلمي..زهرة الربيع
صبا استغربت وقالت..عملت ايه واقفه عادي
عزيز اتنهد وقال ليه عامله زي ما تكوني مش شيفاني انتي من الصبح متكلمتيش معايا خالص
صبا ابتسمت بضيق وقالت...اظن احنا خلصنا الكلام امبارح يا عزيز بيه..ومن هنا ورايح هتبقى دي المعامله مابينا صباح الخير ومساء الخير مش اكتر عن اذنك
عزيز اتنرفز منها ولسه هيروح وراها مازن ندالو وقال..يلا الرجاله عايزينك ترقص بالحصان جيب سلاحک وتعالى
عزيز قالت تمام بس هجيب طلق من المكتب
و دخل المكتب يعمر الطبنجه بس اتفاجأ بدخول مرات عمه وقفلت الباب
عزيز بصلها پغضب شديد وقال..انتي بتعملي ايه اطلعي بدال ما افضي السلاح في دماغك
بس سمر كانت مش قادره تتحمل نظراتو لصبا الي كانت واضحه للكل قالت . لا يا عزيز مش هخرج ..انا بحبك قولتلك قبل كده مېت مره اني بحبك حرام عليك ارحمني وخدني في حضنك انا محتجالك اوي... واترمت في حضنو فجأه ومسكتو بقوه وهيه بتقول والله انا بحبك ارجوك خليني جمبك و
بس قطع كلامها دخول اخر شخص كانو يتمنو انو يشوفهم بالوضع ده عزيز غمض عيونه بۏجع شديد ونزلت دموعه وقال..عمي ..انا
احمد كان في حاله صدمه من الكلام الفظيع الي سمعو قبل ما يدخل والمنظر الي الي شافو كان افظع ووو
٧١١ ١٢٥٨ م زهرة الربيع 18
مرميه في حضنو وبتعرض نفسها عليه ابن اخوه الي رباه في احضان مراتو بتعبرلو عن حبها ليه شئ مستحيل عقلو يقدر يستوعبو ولا قلبو كمان
احمد فضل باصص لهم بدموع وعزيز قرب عليه وقال بتوتر..عمي..عمي ابوس ايدك اسمعني مفيش حاجه حصلت بينا والله بص هو الي حصل
بس احمد داخ جدا وفجأه اغمى عليه
عزيز زعق جامد وقال..عميييييي..عمي..عمي انت سامعني..ونادى جامد وقال يا مازن..ماااااززززززن
بس مازن مكانش سامعو من الدوشه عزيز شالو ووداه اوضه من الاوض واتصل على دكتور وطلع نادى لمازن وقال پخوف ...اسمعني ..مشيي الناس قولهم الحفله خلصت واعتذر لهم عمك تعبان اوي
مازن لسه هيسألو مالو شاف سمر قاعده وبتلطم وپتبكي ومن منظر عزيز فهم اتسعت عنيه بزهول وقال..عرف
عزيز هز راسو وقال..روح دلوقتي
وفعلا مازن طلع واعتذر للناس والناس مشيت ودخلو كلهم على اوضه احمد والدكتور كشف عليه وعلقلو تنفس صناعي وقال...قلبو ضعيف شويه واضح ان حد زعلو
عزيز غمض عنيه بالم وقال...طيب..هو هو هيفوق امتى 
الدكتور قال لا هو مش هيقوم دلوقتي ادتلو حقنه مهدأه لان ضغطو مش تمام وان شاء الله يقوم احسن بس ياخد الادويه دي بانتظام وبلاش يتعصب او يضايق
الدكتور مشي وعزيز قعد جمبو وباس ايده وكانت وكان حابس دموعو بالعافيه
سمر اتقدمت عليه وقالت ببكا..انا هفضل جمبو و
بس عزيز قاطعها بقلم قوي فاجأها وفاجأ الجميع
صفوان قال پغضب..عزيز..ايه الي عملتو ده..اعتذر لمرات عمك
بس عزيز كأنو مش سامعو وشدها من دراعها جامد وطلع بيها من الاوضه وكلهم طلعو وراه وزقها على الارض پغضب وقال بعصبيه مرعبه...لو قربتي منو ولا جيتي جمبو ھقتلك..سمعتيني هخلص عليكي
سمر اټرعبت من صوتو وعصبيتو وصبا اتقدمت عليها پخوف قومتها وهيه تقريبا فهمت الي حصل لانها قبل كده سمعتهم بيتكلمو
اما صفوان كان مش فاهم وقال..با ابني فيه ايه عملت ايه مرات عمك لكل ده حد يفهمني
عزيز قال پغضب..بعدين با باباوبص لانور وقال..خد مراتك واطلعو اوضتكم يلا
اسيل كانت مش فاهمه وانور كمان بس محبش يدخل هز راسو بالموافقه وطلع مع اسيل على اوضتها
سمر طلعت تبكي على اوضتها وعزيز قال..مازن احكي لبابا