الجزء العاشر بقلم زهره عصام

لا
ملك نفخت بضيق و قالت
لا مهو مش هينفع كدا أنا لازم ألقي حل للموضوع دا عاوزة لبس حلو عشان أعرف أروع الإنتر فيو
ملوك نفخت بضيق و راحت بصت على الدولاب طلعت منه دريس أبيض فيه ورود بامبي و اديته ل ملك بملل
ملك بصت لية بفرحه و قالت
آه يا بنت اللظينه انتي عارفة الدريس دا أبوكي كان
محرج عليا ألبسه
خطرت على بالها فكرة و قالت
طب والله فكرة جه وقت الاڼتقام يا مالك يا إبن أم مالك
و بصت ل ملوك و قالت
هو إنتي مش ناوية تتكلمي بقي تاني يا ملوك أنا مشتاقة أوي لصوتك بس انا مش هسكت هوديكي ل دكتوره تخاطب تبدأ معاكي من تاني و باذن الله هترجعي تتكلمي تاني و تصدعينا
ملوك حضنتها و فجأة لقوا باب الأوضة بيفتح و رهف داخلة زي القطر
ملك بصت عليها و قالت
سلاما قوما من رب الرحيم اية يا بت داخلة زي القضا المستعجل كدا لية 
رهف بحزن 
و النبي يا ملك سبيني يختي في حالي أنا اللي جرالي مجراش لحد و أنا دلوقتي زعلانة و مقهورة و شوية و هعيط
ملك بصت ل ملوك اللي هزت كتافها بمعني لا أدري و راحت قعدت جنب رهف تطبطب عليها
ملك بحيرة
أيوة يعني اية اللي مزعلك أوي كدا
رهف إنفجرت فيها و قالت
الوا طي بتاع اللي عنده مراهقة متأخرة بيقول عليا جعفر بقي أنا جعفر يا ملك
ملوك هزت رأسها بايجاب و ملك قالت
إنتي أول مرة تعرفي يا رهف إنك جعفر 
رهف عيطت و قالت
النبي لوريكوا لكلكم حتي إنتي يا ملوك عليا ساد و رب العباد
ملك بخبث 
قوليلي بس ايه حكاية البكيني دي و بعون الله حل جعفر عندي
رهف بلهفة
بجد يا ملك هتشوفي ليا حل 
ملك هزت رأسها بايجاب و قالت
عيب عليك يا بنتي دا إحنا إخوات
رهف بحماس
شوفي يا ستي أصل الواد حازم شاف صور المزز اللي مالك متصور معاهم و اتعاركت معاه بعد ما قال عليا جعفر
ملك بغيظ
بصي بقي عشان أنا جايبة أخري من الموضوع دا و الحقي ر طليقي متصورلي مع شوية أجانب عشان يغيظني بس انا مش هسكت و أنني كمان مش لازم تسكتي لازم تعرفهم إحنا مين وإلا اية يا ملوك
ملوك شاورت بصابع الإبهام بمعني تمام و هزت رأسها بايجاب
رهف بشړ 
عندك خطة نعملها وإلا لا أينعم إنتي رديتي على مالك بقوة بس برضوا إحنا مش لازم نسكت عشان دول عالم محتاجة تربية من أول وجديد و إحنا بعون الله هنربيهم
منال دخلت عليهم و قالت بخبث 
أموت أنا في جو الساسبنس دا طب مش تفطموني على الحوار دا انا منولة برضوا
ملك بخبث
تعالي يا منال إقعدي و إتفرجي عليا و أنا بلعب بقي هما اللي بدءوا و البادي اظلم و أنا مش هعمل حساب لا لقريب و لا لغريب
.
مالك قاعد هيفرقع من كلام ملك و حاسس أنه إتسرع لما طلقها فجأة لقي واحدة من اللي كان بتصور معاها بتغمز له و بتقرب منه
ملك في نفسه 
ينهار إسود و منيل هي اللعبة هتقلب بجد وإلا اية 
البنت قربت منه و ميلت على ودنه مالك أخد خطوه لورا بس البنت قربت منه و قالت بعربي مكسر 
هستناكي في أوضة ٦٦ خبيبتي
مالك لوي شفايفه بتذمر و قال 
احيييية احيييية طلعت شمال تصدقي و تأمني بالله قولي لا الة الا الله
مينفعش معاكي غير ملك و العلقة اللي كنتي هتخديها لو كانت هنا عشان تبقي تعملي حاجة حرام تاني يا منيلة
..
ملك أخدت رهف على بيوتي سنتر و قالت
هنا بقي يا رهف هيعملولك صنفرة لكل حاجة بمعني أصح هيشيلوا جعفر و يحطوا مكانه رهف البنت الكيوت
رهف دخلت البيوتي سنتر و بقت تبص لكل حاجة بإنبهار
جت صاحبه المكان و قالت
تأمري بإية يا فندم 
ملك شاورت على رهف و قالت
عوزاها عروسة لا ملكة جمال
المديرة هزت رأسها و قالت
فهمت طلبك
أخدت رهف اللي بصت ل ملك پخوف و قالت
هيعملوا فيا اية
ملك ضحكت بخبث و قالت
سمعتي عن المثل اللي بيقول تبات بوصة تطلع عروسة
رهف هزت رأسها بحذر و ملك كملت 
هما بقي هيعملوا معاكي كدا يا رهوووف
رهف صوت و قالت
لا