اسكربتات 2
المحتويات
السلامات والتعريف بالشخصية طلب مني أقعد أتكلم كأني بتكلم مع نفسي.
أنا عايشة لوحدي بقالي 3 سنين معنديش غير صاحبة واحدة بتستغلني بتحب تشوفني حاجة قليلة رغم اني معملتش حاجة! أهلي ميعرفوش حاجة عني ولا بيفكروا يسألوا عني.
بدأت أفرك إيدي أ أنا مبعرفش أقول على حاجة لا مبعرفش أزعل حد مني ولو على حساب نفسي أي حد معدي فالشارع يعرف يتحكم ف تصرفاتي أنا مترددة وبخاف انا تايهه!
وضع إيه
وضع المجني عليه! مش لازم تكوني الجاني أو الشخص الشرير أنت تقدري تكوني حاجة كبيرة يا رؤى وهقولك تعملي إيه..
أول حاجة حبي نفسك بشرط انك متبقيش مغرورة حبك لنفسك وأنك تشوفي نفسك حد مهم دا ميديكيش الحق انك تشوفي حد أقل منك أبدا.
تاني حاجة مبيبقاش خاېف غير اللي بيعمل حاجة غلط وأنت مش غلطانة أنت بس طيبة تستحقي تعيشي حياة سوية متتخليش عن طيبتك دي حاجة متيعبكيش! خليك طيبة لكن فيه حاجة إسمها حذر.
رابع حاجة ابدأي جربي مواهب كتير عشان تكسري روتين الوحدة ولما شخصيتك إن شاء الله تتغير صدقيني هتلاقي ناس كتير حابة تقرب منك لأنك تستحقي القرب وأنك تتحبي.
متكلمتش ولا كلمة وخرجت برا الأوضة بل برا العمارة كلها سمحت لدموعي المكتومة تنزل حسيت إني محتاجة أعيط يمكن تكون دي المرة الأخيرة اللي أعيط بضعف وأخرج كل دا من جوايا.
ابتسمت وأنا باخد الورقة وبحطها ف كشكولي وبقفل عليهم بإيدي الاتنين كأني خاېفة أنهم يضيعوا.
عدت فترة أنا محسبتهاش لكن أنا واثقة أنها فترة كبيرة مبردش على مكالمات حد بتفرج على كورسات تعزيز الثقة بالنفس متابعة مع الدكتور والموضوع مخادش وقت لكن أنا لسه مش عارفة نتيجته هتكون إيه أو أنا لما أتحط ف موقف بجد هتصرف إزاي!
ابتديت أعمل حدود ف كلامي زي ما الدكتور قال.
مختفية بقالك فترة ليه
معلش مشغولة شوية
أرد على قد السؤال وياريت لو كلمات أقل.
كنت عايزاك تشتريلي تي..
عايزاني أشتريها امتى
دلوقتي
وأنت
انا إيه
مش فاضية دلوقتي
لا فاضية بس انا..
طالما فاضية اشتريها لنفسك أنا أنا مش بشتغل عندك.
انت بتقوليلي لا
ابتسمت من ورا الموبايل أيوة
متابعة القراءة
