زين

و أعتذر يبقى هو كده تقبل خطأه و عايز يصلحه وعادي يا زين النفس أمارة بالسوء وساعتها هو مكانش عارف يتحكم فيها لكن دلوقتي أنتصر عليها و بيحاول يكون كويس فنيجي أحنا نحبطه ونخليه يبقى وحش تاني
نظر زين ل لؤي ماشي مسامحك بس ياريت متخلنيش أندم
لؤي سلم عليه شكرا عشان سامحتني
زين مش مشكله يا لؤي أهم حاجه زي ما ورد قالت أنك تكون عرفت غلطك
لؤي عرفت غلطي فعلا
ورد ربنا يوفقك في حياتك يا لؤي
لؤي يارب عن أذنكوا
ورد هوصلك لغاية الباب
و بالفعل خرجت ورد معه فقال لؤي لورد 
لؤي أمسكي يا ورد
ورد أيه دي
لؤي المشاهد بتاعة أبوكي حاولي تتخلصي منها قبل ما تقع في أيد حد

ورد أخذتها وقالت شكرا
لؤي بأبتسامه أنتي اللي شكرا بجد فوقتيني أوي
ورد العفو يا لؤي
لؤي عن أذنك
ورد أذنك معاك
ذهب لؤي و دخلت ورد إلي الداخل فقال الجد أمام الجميع 
سعد الله أينعم أنا كبير العيله بس ده ميمنعش أني لما أكون غلطان مع حفيدي أعتذر أنا أسف يا زين عشان ظلمتك
قبل يده وقال متتأسفش يا جدي علي رأي ورد ده كان رد فعلك علي اللي أنا عملته
رويه أنا كمان أسفه اوي يا زين عشان كلمتك بطريقه رخمه
زين خلاص يا جماعة حصل خير و المشاكل أتحلت أهي الحمد لله
نيرة بدموع ورد
ورد نعم يا نيرة
نيرة انا أسفه اوي علي اللي أنا عملته أنا غلطت معاكي كتير و حاولت أبعد زين عنك أنا أسفه جدا لما شوفت معاملة بابا و ماما ليا أضايقت ولما لاقيت أمير و يزيد كلموني بطريقه وحشه زعلت أوي عشان أنا مش متعوده عليهم كده مهما كان أنتوا عيلتي و ماليش غيركوا في الأخر فأنا أسفه جدا والله
روية جايه تعتذري بعد اي
نيرة عارفه اني حاولت اوقع بينهم و عملت مشاكل كتير بس ورد وزين بيحبوا بعض عشان كدا خططي كلها فشلت ياريت كلكوا تسامحوني سامحيني يا ورد انا معرفش انا عملت كدا أزاي عايزة علاقتنا ترجع زي الاول و عايزة ماما و بابا و امير و يزيد يعاملوني زي الاول ورد انا عايزة حياتي القديمه ترجع تاني ينفع تسامحيني
ورد حضنتها بدموع حصل خير يا نيرة ربنا عمل كده عشان تعرفي قيمة عيلتك و أن الدنيا من غيرهم هتبقي وحشه أوي و أهم حاجه حنيتهم و حبهم ليكي
نيرة شكرا بجد أنا أسفه يا زين
زين حصل خير
نيرة هطلع أخد هدومي و أمشي
ورد هتروحي فين
نيرة هرجع البيت
ورد دلوقتي
نيرة لسه الساعه ٦ متقلقيش عليا
ورد طب أجي أوصلك
نيرة لأ يا حبيبتي هركب تاكسي علي طول
ورد طب أستني و أمشي بكره أحسن أروح أنا وأنتي سوا و بالمره أشوف ماما و بابا
نيرة خلاص ماشي
ورد بالمناسبه السعيده دي أنا حابه أقول حاجه
سعد الله ياريت تقولي عشان بقي عندي فضول رهييب
ورد في عريس متقدم لرغد
ثناء والدة رغد بجد
ورد بصوا هو شغال في الكافيه اللي عند الشركة بس بجد محترم جدا هو بس مكملش تعليمه بس بسبب ظروف خاصه عنده لأن والده أتوفي و هو صغير و كان بيجهز أخته و حاليا بيهتم بوالدته و رغد معجبه بيه أنا قعدت معاه و من كلامه حقيقي شخص في قمة الأحترام والله و بالنسبه للمستوي المادي هو معاه فلوس و هيفتح بيهم مشروع قريب
سعد الله أنا موافق بس لازم نقعد معاه و نتكلم الأول
رغد بجد يا جدو
سعد الله بجد يا حبيبتي
سمير والدها وأنا كمان موافق يا حبيبتي أهم حاجه سعادتك
رغد حضنته شكرا أوي يا بابا
رويه هو مال كلكوا عمالين تتخطبوا كده ليه و انا لأ
عنود أخت رغد و أسر أصل أحنا مركونين علي الرف يابنتي
عمر أخو رويه أن شاء الله أنا كمان أفرحكوا قريب
سمر والدته يارب يابني
الجد سعد فرحتوني أوي النهارده يا ولاد ربنا يديم السعاده يارب
ورد و يديمك في حياتنا يارب
صعد الجميع إلي غرفته بسعاده فجميع المشاكل تم حلها 
في غرفة زين و ورد 
ورد و بعد ما خلصت كلامي قولتله هستني ردك
زين بنظرة حب انتي عارفه
ورد بأبتسامة اممم
زين كل مره بعرف أن ربنا رزقني بأجمل أنسانه والله
ورد بجد
زين بجد شكرا يا ورد عشان بسببك النهارده عيلتي كلها مبسوطه و شكرا عشان حليتي المشاكل بعقلانيه و عشان وقفتي جمبي من ساعة ما أتجوزنا
ورد متشكرنيش يا زين المفروض أنا اللي أشكرك عشان أنت فعلا وقفت معايا لما لؤي هددك و مش أستغنيت عني أبدا بالعكس فضلت متمسك بيا للنهاية عارف هفضل أحبك طول عمري و مهما يحصل هكون واقفه جنبك
زين حضنها أنا كمان بحبك بس ينفع أسألك سؤال
ورد نعم
زين تركها وقال أزاي يا ورد أنتي بالحنيه دي كلها و مبتتعبيش لما بتتعاملي مع الناس المؤذيه اللي موجودين في حياتك ومش بتأذيهم زي ما أذوكي بالعكس بتنصحيهم و تساعديهم
ورد مش بتعب يا زين عشان أنا فعلا بتمني أشوف كل شخص مبسوط في حياته بحب أنصح الشخص اللي قدامي لعل و عسي يتغير للأحسن بسبب نصيحتي و كمان مش بتعب من المشاكل عشان أنا عارفه أن كل مشكله ليها حل و عارفه أن ربنا في الأخر هيحل المشكله دي بس عايزني أصبر شويه و بيختبر
ثقتي فيه ده غير أني بحاول أحل المشكله بهدوء أفضل من أننا نكبر المشكله
زين أوقات بتكوني طفله و أوقات بتكوني عاقله جدا
ورد بأبتسامه عندي حالات تانيه كمان
زين بأبتسامه بحبك بحالاتك كلها
في الصباح أستيقظت ورد و أدت فرضها ثم أرتدت فستان واسع باللون الأسود و خمار باللون اللاڤندر 
ورد زييين
زين نعم
ورد أصحي يلا أنا جهزتلك الحمام و هدومك أهي علي السرير
زين أيه ده أنتي لابسه كده و راحة علي فين
ورد هنزل أساعد سعدوده عشان الفطار و بعدين هروح أنا و نيرة البيت عشان نتكلم مع بابا و ماما
زين ماشي يا حبيبتي هاخد دش و نازل أهو
ورد ماشي ينفع تقوم دلوقتي عشان أروق السرير
زين هروقه أنا
ورد بجد
زين والله
قبلته من وجنته وقالت شكرا
زين بأبتسامه لو عيزاني أروقه أنا كل يوم معنديش مشكلة
ضحكت وقالت لا أنت مش متعود علي كده
زين هتعود والله
ورد بأبتسامه ماشي هنزل أنا
نزلت ورد و ساعدت سعديه في إعداد الفطار و بالفعل جلس الجميع حول المائده 
نيرة هنمشي بعد الفطار يا ورد
ورد أه يا حبيبتي
علي يعني أنتي مش هتكوني هنا و أنا بجيب النتيجة
ورد متخافش يا علوش أنا واثقه فيك و خليك عارف أن ربنا أستحاله يضيع تعبك و أكيد هو شايف الأحسن ليك و هيختارلك الحلو علي طول ولا أيه يا رنون
رنا أخت زين الصغري معاكي حق يا ورد بس فعلا الموضوع موتر أوي اللي هو مصيري هيتحدد بعد ساعه ولا أتنين
ورد إن شاء الله خير يا جميل
رنا إن شاء الله
ورد أبقوا طمنوني ماشي
علي حاضر
سعد الله أبقي كلمي سليم يا رغد عشان ييجي نشوف هنعمل أيه
رغد حاضر يا جدي
سليم والد زين يعني هيبقي في أتنين سليم في العيلة
رغد بأبتسامه أه صح ده أنتوا الأتنين أسمكوا سليم
زين أيه يا أستاذ أسر مش هنمشي
أسر أه صح ده التصاميم جايه النهارده
مراد والد رويه النهارده
زين أيوه يا عمي أصل المسابقه بكره أدعولنا
مراد ربنا يوفقكوا يابني
سمير والد أسر بس هتنزل أنهي تصاميم يا زين القديمه ولا الجديده
زين القديمه يا جدي بس ورد ساعدتني في كام تصميم للمحجبات قولت هنزلهم برضوا و جهزوا
سمير إن شاء الله خير يا زين أحنا واثقين فيك
زين إن شاء الله يا عمي
نيرة هاه خلصتي يا ورد
ورد أه يا حبيبتي
نيرة طب يلا
وقفت ورد و قالت يلا بينا
زين ورد
ورد نعم
زين أبقي تعالي علي الشركة عشان تشوفي التصاميم
ورد حاضر يا حبيبي
زين خلي بالك علي نفسك
ورد حاضر وأنت كمان
ذهبت ورد و معها نيرة إلي منزلهم و ذهب زين مع الشباب إلي الشركة 
كانت تتحدث علي الهاتف بسعاده 
رغد أه والله ورد قالتلهم أمبارح و هما وافقوا أنك تيجي
سليم بسعاده بجد
رغد والله يا سليم
سليم مش مصدق نفسي والله أخيراااا
رغد ولا انا كمان مصدقه نفسي
سليم هاجي أنا و أمي و أختي و جوز أختي
رغد بأبتسامه تنوروا
أكملوا حديثهم سوا و أتفقوا أنه سيأتي مساء 
في منزل محمد فتح يزيد الباب و دخلت ورد و معها نيرة و كان يجلس الجميع علي السفرة يتناولون الفطار 
ورد صباح الخير
الكل صباح النور 
نيرة ااا أزيك يا بابا
محمد وقف و قال ده أيه اللي جابها هنا دي
نيرة پبكاء أنا أسفه حقك عليا والله أنا عارفه أني غلطت كتير أنا أسفه والله
محمد أخرجي بره
ورد أستني يا بابا نيرة فعلا ندمت علي اللي عملته ياريت تسامحها يا بابا مهما كان أحنا عيله
محمد عيله! يعني أحنا مش عيلتها لما تقلل من سمعتنا يعني أنتي مش أختها لما تفكر تخرب بيتك و تبعدك عن جوزك
ورد يا بابا نيرة طيبه والله بس الظروف اللي حكمت عليها بكده
أمير أخوها أنتي اللي طيبه يا ورد و الكل بيضحك عليكي بسبب طيبتك دي و بيستغلوها
ورد طب ولنفترض أنها فعلا وحشه معانا بس خلاص دلوقتي يا بابا ندمت و عيزانا نرجع عيله زي الأول و نعيش مع بعض تاني من غير مشاكل ليه مش نديها فرصه يعني لما الأنسان يعترف بغلطه أحنا مش نسامحه يعني أنت كده بتعلمها أنها متعترفش بغلطها بعد كده عشان مش هتلاقي اللي يسامحها و يديها فرصة تانيه تصلح الغلط ده و بعدين أنا و زين حلينا كل المشاكل اللي بينا و أصلا زين مكانش هيسيبني ده هو لؤي هدده بيك انه لو مش بعد عني هيدخلك السچن فهو و نيرة أتخطبوا لغاية ما يلاقوا حل بس زين أتكلم معايا و فهمني كل حاجه و هو حقيقي مش مستعد أنه يخسرني وأنا كلمت لؤي أمبارح و جه أعتذر من زين و حلوا المشاكل بينهم و بقوا أصحاب كمان و أداني المشاهد بتاعتك و أنا كسرت الفلاشة فياريت أحنا كمان ننسي زعلنا من بعض و منخليش الماضي يأثر فينا يا بابا أحنا عيله يعني واجبنا أننا ننصح بعض و نصالح بعض و نكون متفهمين مع بعض لو أحنا مش حنينين علي بعض مين اللي هيكون حنين علينا سامح يا بابا نيرة و هيا والله ندمت فمتخليهاش ټندم أنها أعترفت بغلطها
جميلة بدموع بالله عليك يا محمد سامحها أنا بنتي وحشتني و فراقها مأثر معايا أوي
يزيد ياريت يا بابا نرجع مع بعض زي الأول أنا وحشتني لمة عيلتنا صح يا أمير
أمير صح يا حبيبي ورد معاها حق يا بابا نيرة أختنا لو أحنا موقفناش جنبها مين