قاصر
المحتويات
شكل انا زهقت ودي مبقتش عيشة .
مريم انت الي عودتني علي كدا
هشام عودتك
مريم كنت بټعذب جدا وانت بعيد عني انت متعرفش انا عانيت وتعبت اد اي اتمرمطت كتير بيعت دهبي كله عشان اصرف عليا وعلي بناتك رميتنا انا وبنتك ومشيت انت حتي مكونتش تعرف ان عندك بنت انت الي كنت عايز كدا انت كنت عايز تبعد..واديك بعدت وانا كمان بعدت انت الي عودتني اعيش من غيرك واعتمد علي نفسي لحد ما خلاص مبقتش فعلا مش محتاجاك .
هشام هو انا كنت مسافر العب انا كنت بشتغل
مريم اه كنت بتلعب كنت عايز تبدأ حياتك مع يارا ولو كانت وافقت عليك كان زمانك متجوزها وسايبنا هنا مرميين حتي التليفون او الاتصال الي كنت بتتطمن عليه بينا بطلته سحبت نفسك من حياتنا بسهولة وبمزاجك انا عارفه اني غلطت واستاهل كل الي يجرالي غلطت اني اختارتك تبقي معايا وشريكي ف حياتي الجاية .
مريم اه عرفت عارفه كل حاجه عرفت من قبل ما يارا تيجي واټصدمت فيك صډمه عمري انا كنت هبلة اوي جريت وراك وكنت لسه عيلة مش فاهمه حاجه وجريت ورا اول واحد يحبني فكرت ان كدا احسن بس لا
سيبتني وسيبت مسئولياتك وجريت ورا نفسك وشغفك واحلامك وطموحك وكأني ولا حاجة ف حياتك .
سكت ومردش عليا نزل وشدني من ايدي وخرج وقفل الباب ركبنا العربية وراح النادي ومتكلمناش اخدنا ناريمان من النادي
ناريمانبابا..انا جعانة
هشام احنا مروحين اهو ي حبيبتي
مريم اشتري اكل من اي مطعم قبل ما نروح
هشام هو كل يوم اكل من برا انا زهقت من اكل برة اطبخيلنا انهاردة انتي
هشام هو معني انك بتدرسي انك متهتميش بالبيت ولا نضافته ولا شغل بيتك اعتقد ان دي شغلانتك وواجب عليكي .
مريم هو انت مش كنت عايز واحدة طموحه ذكيه مثقفة تساعدك وتحقق معاك احلامها مش بس تاكل وتشرب وتنضف عارفة ان دا واجبي بس انا مش دوما هبقي فاضية اعملك الي انت عايزه
دخلنا ومتكلمناش يارا رنت عليا وقالتلي ان خطوبتها بعد اسبوع
قضيت الاسبوع دا مشغولة مع يارا بنختار الفستان وبجهز معاها عزمت اختي وجوزها وماما وبابا وقابلتهم قبل الخطوبة بيوم لانهم جم وباتوا عندنا .
وكنت قاعدة مع بسمة بليل
بسمة اي ي مريم سرحانة في اي
مريم ها لا مفيش
بسمة انا اختك ي هبلة ومش تايهه عنك في اي مالك في مشاكل بينك وبين هشام
انتي بقالك كتير مش بتحكيلي حاجه احكيلي يمكن اقدر اساعدك
اخدت نفس طويل وحكيتلها علي هشام ويارا والي حصل بينا كله ف اخر فترة
مريم تعبت اوي ي بسمة مبقتش عارفة اعمل اي بقالي سنين مشوفتش يوم واحد حلو
مريم اه عرفته تخيلي هو متضايق اني بقيت مشغولة في حياتي و دراستي والبنات وسايباه..
بسمة غلط ي مريم بردو انتي لازم تبقي مع جوزك وتعملي واجباتك كلها حتي لو مشغولة بدراستك او تعليمك او شغلك او اي حاجه لازم تدي اولوية لبيتك وبناتك وولادك هو مش مضطر ابدا انه يستحمل حاجه زي دي
مريم انا مش عارفة اعمل اي اطلق منه واريح نفسي انا خلاص مبقتش قادرة افضل معاه
بسمهيعني انتي مش بتحبيه طب وبناتك
مريم للأسف انا بحبه فعلا بس مش قادرة مش قادرة ابص ف وشه او اكمل معاه كنت طالبه بس انه يقف جنبي كان نفسي ميخذلنيش مبقتش عارفة مش عارفة اعمل اي .
بسمة متهديش بيتك ي مريم علي الاقل اديله فرصه تانيه .
مريم فرصة فرصة اي بقولك مش قادرة اكمل معاه القرار الي اخدته زمان كان غلط اكبر غلط
بسمة اديكي بتحاولي تعوضي .
مريم بحاول بس عمري ما هنجح حتي لو نجحت مش هبقي زي لو مكنتش اخدت قراري دا
بسمة وانتي اخدتيه ومشيتي فيه يبقي كملي للاخر انتي اه فاتك كتير بس حاولي تعوضي وخليكي معاه
وحاولي من تاني وكملي ف طريقك هو كمان كان لسه شاب ساعتها وكان طايش انا مش بديله مبرر بس الغلط عليكو انتو الاتنين ومادام اخدتو القرار مع بعض يبقي تنهوه مع بعض .
مريم سيبك انتي مني بقي..انتي اخبارك اي بقي
بسمة اخباري ياستي اخباري انا حامل
مريم اي بجد ي حبيبتي الف مبروك انا مش مصدقه
بسمة وكنت فرحانة جدا بيها
بسمة بس لسه مقولتش لحد ولا لماما ولا
لخالد حتي هخليها مفاجأة
كملنا كلام طول الليل وجه تاني يوم الي هو خطوبه يارا
روحت الكوافير ولبست فستان رمادي..واشتريت كمان لناريمان فستان كانت الخطوبة فيها ناس كتير من صحابنا..الي مخطوبة والي لسة متجوزة والي حامل والي لسة بتدرس افتكرت فرح بسمة لما كان نفسي هشام
يبقي معايالما كنت مش عارفة اعمل اي بالبنات ومتخبلة بيهم..لما اتصورت عشان اوريه الصور..
فكرت في كلام بسمة مهدش بيتي افضل معاه ولا ابعد عنه واحاول من تاني طب وبناتي هيعيشوا من غير ابوهم
هشام كان رافض يحضر الخطوبة لولا ان ماما بس قالتله ان دا مينفعش وميصحش وبالعافية وافق وجه
اسماء بردو كانت هناك وعرفت انها حامل اتكلمنا شوية وبعدين وقنا مع شوية بنات وشباب
لا بس فستان يارا يجنن .
بس هي ازاي وافقت تتجوز واحد عنده بنت دي مسئولية وبعدين هي لسه بنت ..ما كانت اتجوزت شاب ميبقاش عنده مسئوليات غيرها
ي جماعه كل واحد حر في حياته.. وبعدين لما نلاقي الشخص المناسب الي نحس اننا هنقدر نكمل معاه حياتنا مفروض منسبهوش حتي لو عشان ظروفه
اي دا مريم معقول شوفتك تاني ازيك
مريم ازيك ي شريف
شريف مين القمر الي جنبك دي
دي بنتها ناريمان
شريف اي دا انتي عندك ولاد
مريم اه عندي بنتين ناريمان وداليا
اومال باباهم فين مش واقف معاكي ليه ولا هو مسافر
ابتسمت بحرجلا هو رجع واقف هناك اهو
شريف تعالي هنا ي قمر انتي مش اسمك ناريمان اي دا مين الي معاكي دي كمان
مريم دي ناريمان ودي ليلي بنت استاذ طارق
شريف طب تعالي بقي ي قمر
شريف شال ناريمان وفضل معاها طول الخطوبة هي وليلي ..
لقيت هشام جاي ناحيتي
هشام مين الي كان بيتكلم وشايل ناريمان دا
مريم دا شريف زميلهم ف الجامعة
هشام طب تعالي نرقص الرقصة دي
مريم لا لا مش قادرة..
هشام يلا دي فرصة مش هتتعوض وعايز اتكلم معامي شوية .
ببص لبسمة لقيتها بتشاورلي بعينيها اني اروح فروحت ورقصت!
هشام مريم انا عارف اني كنت غلطان بس عايز ندي نفسنا فرصة لو مش عشانا ف عشان بناتنا حتي!
مريم هشام مش وقته الكلام دا
هشام ي مريم اسمعيني انا عايز نرجع تاني زي الاول انا كنت شاب صغير وكنت عايز اعيش حياتي ومكنتش حمل اني يبقي عندي اطفال ومسئولية لازم تعذريني وتعرفي انك ملكيش غيري ولا انا ليا غيرك .
مردتش عليه وخلصت الرقصة وخلصت الخطوبة وروحت فكرت كتير انا غلطانة وغلطة زمان دي نتيجتها وانا لازم استحمل وبناتي ملهمش ذنپ يبقوا من غير أب بس انا اقدر اعيش من غيره واربيهم لوحدي
مش هضحك علي نفسي انا عمري م هقدر اشيل مسئولياتهم لوحدي لازم ابوهم يكون له دور انا عايزاهم يدخلو مدارس كويسه ويكونو ف بيئه سوية مش عايزة حد فيهم يطلع معقد .
نمت من التفكير ومن تعبي كمان
صحيت تاني يوم وخرجت مع بسمة اشترينا لبس وشوية حاجات كدا وبسمة اشترت لنفسها فستان روحت وبسمة طلعت جهزت ناريمان وداليا ونزلت واستنيتهم تحت واخدتهم ووديتهم التمرين وبسمة اخدت جوزها فسحها شوية عشان هترجع شقتها بكرا
ناريمان خلصت التمرين اخدتها وروحت ولقيتهم عاملين ليا مفاجأه مزينيين البيت وعاملين تورتة صغيرة وجايبين بيتزا وعازمين يارا وطارق وأسماء
بسمة مفاااجأه مش كدا
مريم اه بس ليه عملتوا كل دا
بسمة مش احنا دا هشام
هشام قرب مني واداني فستان الي اخترته مع بسمة يلا ي حبيبتي خشي البسي الفستان دا واحنا مستنيينك..
دخلت ولبسته وخرجتلهم واتعشينا وبعدين شغلوا اغاني وقضينا وقت جميل بعد كدا كلهم دخلوا ناموا و يارا روحت هي واسماء واحنا كمان دخلنا نمنا
دخلت البلكونة ووقفت فيها لقيت هشام جاي من ورايا كل سنة وانتي طيبة يا حبيبتي لبسني سلسله دهب وقالي جيبتلك دي وانا مسافر
ابتسمت وانت طيب دخلت غيرت هدومي ودخلت البلكونه تاني وقعدت اقرأ ف الكتب بس الحقيقه ان دماغي مكنتش ف الكتب خالص لحد م لقيته دخل وبيقول مش هتنامي بقي ي حبيبتي الوقت اتأخر
مريم اوعي تفكر ان الي انت عملته دا خلاص هيخليني اسامحك او انسي كل حاجه الچرح بتاع سنين مش هيتقفل في يوم .
يتبع ...
لو عجبكم البارت اعملوا ريأكتاورأيكو
استنو البارت 10 والاخير
_قاصر
P 10
the last part
مريم اوعي تكون مفكر الي انت عملته دا هيخليني أسامحك چرح سنين عمره ما هيتقفل ف يوم
هشام مريم اسمعيني احنا لازم ندي نفسنا فرصة تانيه .
مريم هشام انت لقيت يارا بعدت عنك لقيت نفسك هتخسر كل حاجة لقيت نفسك مش هتعرف تبدأ حياه جديدة ملقتش غير انك تكمل معايا وتكمل ف طريقك الي انت اختارته ومشيت فيه
هشام مريم اسمعيني
مريم اسمعني انت
ي هشام انت سبتني هنا مرمية وروحت تعيش حياتك سيبتني لوحدي ومشيت عشان بس لقيت حاجات حلوة اكتر ف واحدة تانية سيبتني هنا والايام بتدوس عليا كان لازم تفضل معايا كان لازم تقدر اني ضحيت ...
هشام مريم انتي مضحتيش انتي اختارتي الاسهل انا معاكي اني غلطت ف
حقك غلطت لما مشيت وسبتك غلطت لما سبتك ف عز ما انتي محتاجاني بس الغلط الاكبر
كان منك انا كنت جزء م الغلط بس انا مجيتش ضربتك علي ايدك.
مريم معاك حق انا الي غلطت انت ملكش دعوة بحاجة الغلط كله عليا انا وانت ملاك برئ وانا شيطان اخلص من الشيطان دا بقي انا وبناتي عائق في حياتك تقدر تبدأ حياه جديدة مع واحدة تانيه
بس متبقاش تهرب من مسئولياتك المرة دي !
هشام قصدك اي
مريم تطلقني يا هشام انا مبقتش قادرة اكمل حياتي معاك
هشام اطقلك انتي اټجننتي و بناتك
مريم هيعيشوا معايا وهسعدهم وهخليهم ميحتاجوش لحد.
هشام وليه بناتي يعيشوا بعيد عني
مريم ما انت سافرت وسبتنا فرقت اي يعني
هشام ساعتها مكنتش مدرك اوي المسئولية..كنت عايز اعيش حياتي. ومكنتش حمل ان يبقي عندي ولاد ومسئوليه بس خلاص
متابعة القراءة
