زوجه للايجار الجزء الاول
بعد اسبوع اضطرت مروه للعمل فى محل ملابس عشان تقدر تصرف على نفسها، بالنسبه ليها الأمور بدأت تستقر
هى غريبه محدش يعرف عنها حاجه ومفيش خطر من الشغل
كانت بتتطمن على اهلها وتبعت ليهم فلوس عشان يشترو العلاج
خرج عمر من عند الباشا محطم، منكسر، مز*لول ، غير قادر على السيطره على أحزانه
الأوغاد نكلو به حاول أن يدافع عن نفسه لكنه فشل
ولن يستريح له بال حتى يتخلص منهم ويذيقهم من نفس الكأس
كان قلبه مشغول على مرره، حاول يتصل بيها اكتر من مره تليفونها مغلق
راح عندها البيت وعرف انها بتكلم أهلها، عشان كده ظل منتظر عندهم لحد ما مروه كلمته وعرف انها بخير وعايشه فى الأسكندريه وقرر ان يزورها
خد عربيته فى نص الليل وانطلق نحو الأسكندريه
وصل تليفون للباشا ،عمر خرج من عند أهل مروه وركب عربيته الظاهر عرق مكان مروه ورايح عندها
الأوامر وصلت من الباشا، حطوه تحت عنيكم، متتدخلوش لحد ما يوصل عندها
بعد كده هاتوها متك-تفه مع الكل*ب ده
وصل عمر بعد ساعتين الأسكندريه، الوقت كان فجر لما وصل فكتوريا
كان عارف العنوان رغم كده ركن عربيته وقرر يكمل مشى من باب الاحتياط
تليفون تانى للباشا، ايوه ياباشا، احنا شايفين البنت قدامنا وماشين وراها
لما عمر شاف مروه اندفع نحوها بخطوات سريعه متلهفه وهى بتعدى الشارع، قلبه كان بيدق بشده
كان عايز يعترفلها بحبه الشديد وانه مستعد يتغير عشان يسعدها ويحكيلها عملو معاه ايه وكان عارف ان اقل كلمه منها هتواسيه وتنسيه كل الذل إلى شافه من بعد هروبها
هيحكلها من غير ما يبكى رغم حاجته للبكاء على كتفها فقط لتدرك انه أصبح رجل قوى الشخصيه مثلما كانت تتمنى
وانه لم يعد بعد ذلك الشخص المهزوم الذى تركته لضعف شخصيته
يعرف انه تحمل من أجلها كل الضـ،ـرب والعذـ،ـاب ولم يفتح فمه
مقلش هربت فين
تحمل كل العقاب من أجلها حتى تراه رجل مره أخرى وتفتحله قلبها
كان ينتظر تلك اللحظه منذ هروبها
قرب عمر منها ونادى عليها، مروه؟ مروه؟
مروه مرضيتش تلف، فضلت ماشيه فى طريقها، طول عمرها مستقيمه ومسمحتش لحد يعاكسها
لكن عمر صـ،ـرخ، مروه انا عمر
لفت مروه لقيت عمر ماشى نحوها على وجهه ابتسامه كبيره، لكنها لاحظت ان هناك شخصين يلحقون بعمر بسرعه
بسرعه صرخت عمر خد بالك !!
لف عمر لقى رجلين مسل-حين ماشين وراه وقربو يوصلو مروه
رجع بص لمروه بعيون حزينه وصـ،ـرخ اهربى انا هعطلهم!!
قلعت مرره حذائها، سبته فى الشارع وركضت هاربه وسابت عمر وراها
كانت بتجرى بكل سرعته، لكن وزنها مكنش مساعدها تبقى سريعه كان قريب من ٧٥ كجم
أقسمت مروه داخل نفسها، لو ربنا يسر وقدرت اهرب هخس وأمارس الرياضه
فضلت تجرى وهى بتبص وراها كل شويه
عمر أشتبك مع الرجلين المسل-حين وكانو بيضر-بوه بعنـ،ـف عشان يقدرو يلحقو مرره
لكن عمر مستسلمش رغم الضـ،ـرب والتكـ،ـسير فضل مشتبك معاهم وهو بيتابع مروه عشان يسمحلها باله=رب
فاض الكيل بأحد الرجلين اخرج سكـ،ـينه وغرزها فى معدة عمر
ترنح عمر ووقع على الأرض
اخر حاجه شافها مروه بتختفى داخل زقاق
اترمى عمر على الأرض وعينه بتودع مروه، كان نفسه يقلها كل الكلام
إلى كان حابسه جواه وفقد وعيه
ركضت مروه من زقاق لزقاق، كانت تعلم أن سرعة الرجلين اكبر منها
عشان كده حاولت توقف تاكسى
لكن محدش رضى يقف ليها
الحراس كل واحد منهم خد طريق مختلف عشان يحاصرو مرره جوه الزقاق
جريت مروه عايزه توصل الطريق العام لكنها شافت واحد من الحراس سادد الطريق
رجعت للخلف وركضت لقيت التانى جاى فى وشها
حوصرت مروه داخل الزقاق ومفيش شخص تدخل لمساعدتها
وفجأه وصلت عربيه مرسيدس سوده خرج منها الباشا بنفسه
مشى ناحيت مروه وعلى وشه ابتسامه ساخره متجبره
مروه واقفه فى مكانها بترتعش، عارفه لو قبضو عليها هتعيش ايام سوده
دعت ربنا ينجيها من الورطه دى
سمعت صوت الباشا بيأمرها، تعالى وبلاش شوشره، بدل ما اخلى الرجاله يجرجروكى على الأرض؟
بكت مروه، سبنى ارجوك، انا معملتلكش حاجه؟
الباشا، انتى هربتى منى، تحدتينى، محدش هيقدر ينقذك منى
وفتح باب العربيه اركبى قبل ما افقد صبرى؟
استسلمت مروه مشيت ناحيت العربيه، مفيش مكان للهرب
لكن من خلفها كان فيه شاب ملثم بيضرب الحارس ويوقعه على الأرض وبيركض ناحيتها بكل سرعته
قبل ما الباشا يطلع مسد-سه الشاب كان وصل مروه وشدها من ايدها وكان فى ايده مسد-س
صـ،ـرخ بصوت مكتوم مفيش ضروره نضر-ب بعضنا بالنار ياباشا وسط الشارع
مشى لورا بحذر وهو شادد مروه والمسدس بأسمه، كان فيه عربيه واقفه ركب فيها بسرعه وانطلق بسرعة البرق
الباشا سب، لعن وامر رجالته يلحقو بيه ويقت-لوه ويرجعو مروه
قعدت مرره على الكرسى مش عارفه الشاب ده مين لكن المهم انه انقذها
وعربية حراس الباشا منطلقه وراهم
#زوجه_للايجار
