حب خارج اردتي الجزء الثالث

يتبع...
الثامنة عشر
شريف : جاوبيني ياغرام ردي عليا

غرام :

شريف: اي للدرجه دي السؤال صعب عليكي

غرام : معرفش اذا كنت هحبك او لاء بس علي الاقل عمرى ما كنت هكرهك عشان قلبي عمره ما كره حد حتي مرات ابويا عمرى ما كرهتها في يوم مهما عملت معايا

بس اللي انت عملته خلاه الكره يدخل قلبي غصـ،ـب عني ياشريف

غرام زقت ايد شريف وبعدت عنه وقالتله

غرام : اللي انت عملته ماقدرش اغفرهولك في يوم مافيش بنت تحب اللي اغتصبها وخلاها عريـ،ـانه بغير ارادتها في يوم انت مرحمتش ضعفي.. ولا قله حيلتي ..كان كل همك شهوتك وبس لكن المتخدره قدامك مرميه علي السرير بتطلب الرحمه دي في داهيه

مكانش في قلبك ذره شفقه ولا رحمه ليا انا فاكره كل حاجه حصلت وانت بتقولهم انا هبدأ بيها عشان مابحبش ادخل بعد غيري ياشريف

( بزعيق وقهره قلب ) فاكر .. فاكر ولا نسيت ..

شريف هز براسه كده وقلها بند ـ،م

شريف : ( والدموع بتلمع في عيونه ) فاكر .. فاكر ياغرام

غرام : طيب فاكر لما كلكم مسكتوني وبقيت في النص ما بينكم انتوا الاربعه .. طيب فاكر .. فاكر لما صحبك اداني الحقنه ياشريف .. فاكر صح وبعدها وقعت في الارض وصحبك دخلني الاوضه وقالك اتفضل انت الاول اكني حشره مش بني ادمه قدامكم

انت عارف.. انا كل ما بص في وشك بشمئز.. بشوفك حاجه مقرفه قدامي.. وببقي عايزه ارجع من كتر القـ،ـرف

وكمان بفتكر كل حاجه بالتفصيل افتكر قد اي انا واحده رخيصه ماليش تمن

انا اللي حصلي مابيرحش من تفكيري لحظه واحده روح منك لله ربنا ينتقم منك علي اللي عملته معايا ياشريف

شريف كان بيبص لغرام وافتكر كل كلمه هي قالتهاله وشاف نفسه قد اي كان حيوان وقتها بيجرى ورا شهوته وبس

غرام من كتر ما كانت بتحكي لشريف وهي بتعيط ومتأثره جدا بالكلام راحت مكانتش قادره تقف وكانت هتقع

شريف جرى عليها بسرعه ومسكها من ايدها عشان يلحقها وماتقعش علي الارض

غرام : ( بزعيق) اوعي .. اوعي سيبني.. اوعي تلمسني تاني ياحقيير انت فاهم

شريف بعد عن غرام ورفع ايده الاتنين وقلها

شريف: خلاص .. خلاص مش هلمسك تاني بس اقعدي .. اقعدي انتي هتقعي .. اقعدي ياغرام

غرام قعدت وسندت علي الحيطه في الارض في الاسطبل وراحت قالت لشريف

غرام: ومن امتي الحنيه بتاعتك دي

شريف: ( شريف قعد قصاد غرام وسند علي الحيطه وقلها) انا عمرى ما كنت كده ياغرام .. عمرى ما كنت بهتم بحد ولا بخاف علي زعل حد مابيهمنيش في الدنيا غير عز ونفسي وبس .. انا .. انا اول مره احس بند ـ،م علي الحاجه اللي عملتها ياغرام ومش فاهم اي اللي حصل ومش فاهم بيحصلي حتي كده ليه

انا واحد اتربى علي ان الستات لينا متعه ومن حقنا ناخد اللي احنا عايزينه منهم وقت ما نحب ..عشان .. عشان هما اتخلقوا لمتعتنا وبس اي بنت بتعجبني كنت باخدها وبرضاها مش غصـ،ـب عنها الفلوس كانت بتجيب اي بنت تحت رجلي مافيش حاجه اتمنعت عني قبل كده عشان كده لما شوفتك ماحسيتش بذره الم لما صحابي اخدوكي غصـ،ـب عنك لان دي حاجه كانت طبيعيه بالنسبالي بس بعد كده .. بعد كده كل ده اتغير ومش فاهم ليه

غرام : ( بغـ،ـل وغي،ـظ ) دي عداله السما ان ضميرك يصحي في يوم ده لو كنت بني ادم طبيعي زينا وعندك ضمير ربك بيمهل بس مابيهملش ياشريف

غرام مسحت دموعها ووقفت وقالت لشريف

غرام : ياريت طول ما احنا هنا سوا ماتحاولش تبان قدامي كتير علي الاقل عشان مافتكرش اللي حصلي منك ده لو فعلا حاسس بالند ـ،م

غرام سابت شريف ومشيت وطلعت اوضتها وقفلت علي نفسها الباب بسرعه بالمفتاح

شريف وقف وبقي يضرب رجله في الحيطه ومخنوق جدا من كلام غرام لي وعرف انها عمرها ما هتسامحه في يوم
( في الشركه )

عز : انا ماشي يامراد

مراد : بدرى كده ياعز

عز : ورايا كام حاجه كده هعملها وبعد كده هروح

مراد : وراك اي الساعه لسه ماجتش ٣ رايح فين

عز : لا ما البركه فيك بقي

مراد : ماشي ياعم

عز شد الجاكيت بتاعه وبيفتح باب المكتب عشان يمشي

مراد : ( بصوت عالي ) اشوفك بكره في الطيااااااره

عز : ماشي .. ماشي سلاااام

غرام كانت واقفه في البلكونه بتاعتها راحت بتبص لاقت شريف ركب الموتوسيكل بتاعه وحط الخوذه علي راسه وطلع من باب الفيلا راحت اتنهدت وفتحت الباب ونزلت لعم حسين

غرام : هتعمل غدا اي ياعم حسين النهارده

عم حسين: انتي عايزه تتغدي اي ياست البنات

غرام : امي الله يرحمها كانت بتعملي كوسه بالبشاميل محشيه باللحمه المفرومه تيجي نعملها النهارده

عم حسين: اللي تشوفيه يابنتي