رواية تاج الفهد كامله

تاج قربت منه ومسكت ايده: مش هتسبني يافهد
فهد وهو بيمسك ايدها التانيه: اسيبك هسيب روحي انتي تاجي.. انتي* تاج الفهد *
مقدرش ابعد عنك انت ف ضهرك وسند ليكي مهما حصل.
بصتله تاج بحب وهو خدها ونزلوا المخزن…
********** *مريم مصطفي الجلاب*
سليم وهو بيخبط ع وشه بالقلم: احييه الساعه 12
سيا بدلع: اهدا يا حبيبي
سليم وهو بيدوس ع شفيفه: اهو دلعك وحلوتك دي اللي جبتنا ورا
سيا وهي واقفه جمبه وحاطه ايدها ع بطنها: خلاص مش هدلعك تاني
سليم بيلبس الكوتشي: هنشوف الموضوع ده بعدين.. انما دلوقتي حسام هيعلقني
موبيل سيا رن وكان حسام..
سيا بضحك: الحق ده حسام
سليم: احيييه
سيا بضحك اكتر وهي بترد: الو ياحسام
حسام: ايوا قاعدين تتضحكوا طبعا والبغل ورا شغل
سيا وهي بتدي الفون لسليم: مش قادره من الضحك خد كلمه انت
سليم: اهدا ياحسام خمس دقايق وهتلاقيني ف ديلك
حسام:خمس دقايق لو ملتقش هفجر د.ماغك بالسلاح الي معايا
قفل حسام ف وش الخك وسليم عمال ياكل ف نفسه وبيستحلف لحسام انه هيربي بس مش دلوقتي..
سيا وهي بتاكل موز ببرود: هتنزل من الباب ولا الشباك
سليم بغيظ:من الشباك سلام…
نزل سليم وسيا واقفه بتبص عليه..
سليم: بحبك ياسيا
********
سماح: اهلا يامصطفي باشا مواعيدك متاخره ليه كده
مصطفي بتوتر: ياريت ندخل ف الموضوع ع طول
سماح: من 20سنه كده اتفق معاك السيوفي جوزي ونصار صاحبه ع صفقه ولما جوزي عرف ان شركتوا بتاجر ف السلاح نبه نصار منكوا بس هو رفض وقال انه هيخلص صفقه الادويه ويبعد.ف الوقت ده السيوفي رفض حتي التعامل ده وصفوا الشركاء بينهم ونصار كمل معاكوا لحد ماحس بالخطر معاكوا فاقرر يتراجع عن كل ده بس انتو هدتوا باابنه ومراته فاكمل السيوفي كان مراقبه خوفنا عليه حتي بعد الي حصل بينهم خد مراته وخبها ف مكان بعيد عن عيون نصار نفسه لحد مايخلص منكوا بس للاسف لما راح يجبها علشان يطمن نصار عليها لقيها مقتوله بس مش جوزي اللي قت.له انت اللي قت.لتها…
مصطفي بصد.م#مه: ياسماح هانم…
سماح بعص.بيه: اي كنت فاكر اني م هفتكرك مثلا لما اشوفك بس سكت علشان بنتك تاج اللي هي مرات ابني ملهاش ذنب هي كمان مسلمتش من شرك ورمتها انت شيطان؟
حسام وسليم كانوا قاعدين بيرقبوا مصطفي من قب.ل مايروح لسماح واتفاجوا انه رايح يقابلها…*سمع 

سليم كلامهم وفقد اعصابه تماما زق الكرسي اللي كان قاعد عليه وبصوت عالي..
سليم وهو ماسك مصطفي من بدلته: انت اللي قت.لت امي وفرقتني عن صحاب عمري انت السبب ف كل ده
سماح بصد.م#مه: سلييييم
*************
فهد واقف ف المخزن حوالين رجلته وتاج واقفه ماسك ايده وبتبص ع فارس اللي وشه بينزف من كل مكان
فارس وهو شبه فاقد الوعي: ارحمني يا بيه انا عملتلك ايي
فهد: كده صفيني الحساب القديم ده يروح امك حق كل وجع وذل عيشت تاج هانم مراتي في
فارس بص لتاج برجاء: حقك عليا بس خلي يسبني ع قد ماذليتك بس قعدتك ف بيتي وحميتك من كلاب السكك
فهد بسخريه: حميتها علشان كده خطفتها م بيت اهلها زمان
فارس بصد.م#مه وارتباك : خ.. خطفتها هخطفها ليه انا لقتها مرميه قدام جامع
فهد وهو بيعض ع شفيفه: اممم رعد شوف شغلك
رعد: اومرك يابشا
فارس بصر.اخ: لاااااا خلاص هتكلم هقول كل حاجه
فهد: هااا
فارس بتوتر: ابوها بيكون مصطفي الدالي انا كنت شغال عنده سواق للمدام بتاعته التانيه وف يوم قب.لتني وادتني مبلغ كبير اويي علشان افتح بي الكباريه بتاع مقابل اني اخطفهم
فلاش بااااك
فارس: خير ياقدريه هانم
قدريه: سمعت ان انت نفسك تفتح كباريه وتشتغل لوحدك
فارس: حصل ياهانم بس هنعمل اي ظروفي ع قدي
قدريه بخبث: طب واللي يديك تمن الكباريه كله
فارس بسعادة: ده يبقا اتفتحتلي طاقه القدر
قدريه: تؤتؤ بس كل ده بمقابل اكيد
فارس: اومري ياست الناس هعمل اي حاجه لو هقت.ل مراتي حتي المهم الفلوس
قدريه:تخطف ولاد جوزي البنتين التوأم مقابل 2مليون
فارس:اي اخطفهم؟؟
قدريه:وتقت.لهم كمان مش عايزه امحيهم من الوجود
فارس:بس ليه ياهانم
قدريه بعص.بيه:انت هتناقشني؟ لو مش هتقدر تعمل كده براحتك بس وقتها هقت.لك لانك عرفت سري
فارس: لا انا موافق بس فلوسي الاول
قدريه: مليون دلوقتي ومليون بعد ماتنفذ
فارس: حلو… هنفذ النهارده بليل
جه اليل والكل نام قدرت اني ادخل الڤيلا بسهوله لان عار ف المداخل كويس ودخلت ع اوضه الاطفال كان وقتها نايمين شلت واحده وجيت اشيل التانيه صحيت وفضلت تصر.خ لانها كانت ذكيه وفهمت اني حرامي خدت اللي فضلت نايمه وطلعت اجري لحد مالڤيلا كلها صحيت وساعتها كنت انا نفدت بجلدي…
باااااك…… *مريم مصطفي الجلاب*
تاج ماسكه ايد فهد وبد.مع من كلام فارس.