اسكربت روح كامل

اسر بص لعبد الله وقال له روح للدكتور يا عبد الله واعرف منه التكاليف العمليه وحول الفلوس واحجز لها اول طياره مسافره او طياره خاصه ليها مخصوص عشان ما تتاخرش في العلاج اكتر من كده وفعلا عبد الله خرج مع الدكتور يظبط التفاصيل دي
واسر قعد جنب روح وبدا يطبطب عليها ويقول لها انا اسف بسبب كل اللي حصل انا دخلت حياتك لخبطتها وانا ما اعرفش حاجه وفعلا انا اسف وهفضل جنبك لما لما تبقي كويسه

روح.. ممكن اطلب منك طلب
اسر..اطلبي 
روح..طلقني 
اسر.. حاضر بس مش دلوقتي لما اطمن عليكي
روح.. ارجوك لو هتساعدني ساعدني ان انا طلقني انا مريضه مش عايزه ام@وت وانا مرات حد انا عايزه اعيش لوحدي ولو خفيت افضل عايشه حياتي اللي انا اتحرمت منها ارجوك طلقني وفعلا اسر نفذ لها كلامها وطلقها وكمان صممت انها تسافر لوحدها تعمل العمليه واسر ما يروحش معاها ولا عبد الله

واسر دفع لها كل فلوس العمليه وسافرت وعملت العمليه واسر فضل في مصر يكمل شغله وشركته
وطبعا موضوع الفرح وكل حاجه اتلغت ولما مامته جت اتكلمت معاها حكى لها اللي حصل وقال لها ان هو غلط في حقها وانها مريضه وطلقها وسفرها تتعالج
وراح لخليل يتاسف له في المكتب ان هو ساء الظن فيه
وبقى هو وخليله أصحاب 

وهي عملت العمليه وبدات تتعالج وفضلت بره مصر وكان اسر دايما يتصل بيها يطمن عليها ويتصل بالدكتور ويتابع حالتها وكان بيبعت لها فلوس باستمرار لانه حس بالذ!نب من اللي هو عمله معاها 
واللي حصل معاها بسبب روح علمه درس كويس ان هو ما يحكمش على حد غير لما يسمع منه وهي فضلت بره تتعالج وعاشت حياتها
وخلصت حكايتنا

#روح  الاخيره 
لوجي احمد 
اتمنى ان الروايه تعجبكم