رواية حوار مع الشيطان كاااامله
حاتم سند جبينه على جبينها وبياخد نفس بصعوبه ولسه حاضنها باديه ومغمض باستمتاع قاطعتو هنا لما قالت
هنا..احم مشي
حاتم..بتوهان في عيونها هو ايه
هنا بضيق..اخوك سليم مشي مفيش داعي خلاص للي بتعملو ده
حاتم حس على نفسو زقها وقال بغضب شديد..اوعي تقربي مني مره تانيه حتى لو انا طلبت وخرج من القصر بغضب وهو بيلعن نفسو وبيستغرب ازاي كان حابب قربها ضرب على قلبو بقبضة ايده وقال..لا اوعى مش هسمحلك تاني..وطلع عل شركتو وبقى يقنع نفسو انو علشان يغيظ سليم وان ده شيئ طبيعي
بعد شويه هنا كانت قاعده مع اختها ندى وبيتكلمو
ندى باستغراب..هو مش دي صورة سليم الي على الحيط
هنا بحزن..ايوه هيه سليم يبقى اخو حاتم
ندى بصدم#مه..ازاي يعني ايه هو انتي اتجوزتي اخو الي كان هيخطبك
هنا..شوفتي الي انا فيه
ندى انا مش فاهمه حاجه
هنا وحياتك ولا انا فاهمه بس سيبك من ده كلو قليلي بابا وماما اخبارهم ايه
ندي..هما بخير وهيجو معايا المره الجايه لانهم
قاطعهم نزول سليم زي الاعصار قال بحزم..هنا انا طالب ايد ندى اختك قولتي ايه
هنا وندا بصو لبعض بصدم#مه ووووووو
[٢٦/٧ ١١:٥٦ م] Alaa Hosny: الثامن
هنا وندى بصو لبعض بصدم#مه مش مصدقين الي سمعوه
هنا باستغراب..انت قولت ايه تتجوز مين لا دانتو حالتكم صعبه اوي في البيت ده ولاواحد عاقل
سليم بضيق..هنا عايزك لوحدنا عن اذنك يا ندى حمس دقايق
هنا بقلق..اتفضل لما اشوف اخرتها رجعالك يا ندى ندى شورتلها براسها بمعنى حاضر ووقفت مكانها مش فاهمه حاجه خالص
هنا بغضب.. ها عايز تقول ايه وتقول ليه انا فهمت لوحدي مكفاكمش انت واخوك الي عملتوه معايا عايزين تدخلو اختي كمان في لعبتكم بس انا مش هسمحلكم بده ندى صغيره ومش حمل بهدله انت فاهم
سليم بضيق..خلصتي طيب اسمعيني كويس اولا انا مش حاتم علشان يبقى سهل عليا أئذيكي أو أئذي حد من عيلتك انا افديكي بعمري ياهنا لازم تعرفي ده كويس اما بنسبه لجوازي من اختك فده لمصلحتك قبل مصلحتي
هنا باستغراب..ده الي هو ازاي بقى
سليم بحزن..انا فكرت كويس واتوصلت ان طالما حاتم شايفني لسه بفكر فيكي هيأذيني بيكي وانتي الي بتنجرحي بسببي يا هنا وانا كمان مش قادر استحمل خايف اغلط جوازي من ندي هيفكرني دايما انك مش ليا وهيخلي حاتم يعرف ان مش بفكر فيكي واني خلاص نسيتك فيبطل الي بيعمله ده
هنا بزعل عليه..احم لو بتقول كده علشان الي عمله من شويه فده
قاطعها سليم وقال..من غير ما تكملي ياهنا انا فاهم انو مش برغبتك وكمل باسف وكمان فاهم انو حقو وعلشان كده بقولك هتجوز ندي حاتم حيحط في دماغو اني بقاش يدايقني وجودو معاكي وكده ممكن يسيبك في حالك وكمان انتي مستحيل تفكري في جوز اختك وكده تنسيني وتعيشي حياتك انا تعبت يا هنا الي اتحرم عليا امبارح خدو هو بكل سهوله انا حاسس بنار جوايا ساعديني ارجوكي ساعديني انساكي
هنا بدموع..اتجوز اي حد غير ندى ندى لسه صغير حرام اضيع مستقبلها علشان مشاكلي
سليم..انا عمري ما هأذيها ومش هقربلها ابدا انا عايز اتجوز ندى لان وجودها قدامنا كفيل يخلينا نفتكر اننا مش لبعض اناهكلمها ولو وافقت هكلم بباكي لنهارده
هنا..بابا ممكن ميوافقش
سليم سبيها عليا انا هقنعه
سليم.كان هيمشي بس وقف لما قالت..ايه الي بينك وبين حاتم يا سليم ايه سبب الكره ده كلو
سليم بألم..هوصل اختك واقولها هيه وبباكي ولما ارجع باليل هحكيلك لازم تعرفي انا اصلا محتاجك معايا انتي الوحيده الي ممكن تساعديني
سليم خرج هو وندى وهنا قعدت تفكر في كلامو وخايفه جدا على اختها ومستغربه حياتها الي اتقلبت في غمضة عين
حاتم كان في الشركه متعصب جدا وكل ما يفتكر الي حصل في الصبح يتعصب اكتر كل ما يفتكر قربو منها ضعفو معاها يبقى هيتجنن قاطع تفكير صوت الباب
حاتم بزعيق..ادخل
السكرتيره..حاتم بيه ممدوح بيه بره عايز يشوفك
حاتم بضيق..دخليه
ممدوح بغضب.. اقدر اعرف انا عملت ايه علشان توقف الشغل الي ما بننا فجأه
حاتم ببرود..امم مش ضروري تعرف خلاص اناوانت مفيش ما بينا اي تعامل وده اخر كلام عندي فمتضيعش وقتك
ممدوح بغضب..يعني ايه هو لعب عيال فيه عقود و
قاطعو حاتم وقال..قبل ما تهدد او تفكرني بالعقود انا مش بتراجع في كلامي وبنسبه للشروط فانا مش هدفع جنيه واحد وأظن من حقي لما اعرف ان المنتجات منتهية الصلحيه اوقف التعامل ده كويس اني مبلغتش عنك
ممدوح بلع ريقه بتوتر وقال..انت مين قلك الكلام ده كدب صدقني كلو كدب وانا
حاتم..اششش خلاص صدقني مفيش فايده من التفاوض لو هتفضل هنا لبكره مش هغير كلامي اتفضل متضيعش وقتك ووقتي
ممدوح بهدوء..دا
حاتم بمقاطعه..ايوه اخر كلام يالا اتفضل
ممدوح خرج بعصبيه وهو بيتوعد لحاتم
حاتم حس بصداع وانو مش هيقدر يكمل طلع من الشركه واتوجه للقصر
سليم كان بيو صل ندى وساكتين طول الطريق لحد ما وصلها وقف العربيه تحت البيت ندى كانت هتنزل بس سليم قال استني يا ندي عايزك
ندى فضلت مكانها وساكته
