قصه أم بقلم عبير حسن سليم

ينفع كده انا عاوز اعرف هو فى حد قمر كده ياناس

مريم هههههه هو انت يافارس كل ماتشوفنى تقوللى الكلمتين دول حفظتهم يابنى

فارس أعمل إيه بس مانتى اصل جمالك ينطق الحجر

نور يارب تسمعك ملك عشان تبقى ليلتك سوده ان شاء الله

فارس لا ياماما اخوكى راجل محدش يقدر يهز شعرة فيه ده انا مسيطر أوى وملك عارفه ومتاكده من حبي واخلاصي ليها

فيجد من يتكلم خلفه ماشي ياسي المخلص خد شيل ابنك يافالح عشان اطلع اشوف العروسه وحياة

فارس انا مش فاهم انتى جبتيه معانا ليه مسيبتيهوش ليه مع جورى فى البيت

لازم تجيبيه وتلزقيه فية عشان يوقف حالى

ملك يوقف حالك على أساس انك جاى تدور على عروسه واللا إيه اقسم بالله العظيم يافارس لو شفتك بتكلم واحده واللا عينك تيجي

على واحده فى الفرح لحخللى ليلتلك اسود من قرن الخروب

فارس قرن الخروب بيئه اوى انتى ياحبيبتى ينظر مؤمن ونور ومريم لبعضهم ويضحكون بشده هههههه

مريم مسيطر مسيطر يعنى

ملك مريم حبيبتى منور ة والله معلش ياقلبي اصل الراجل ده حيطير برج من دماغى

فارس برج ايه بس ياحبيبتى انتى مربية حمام واللا إيه

ياللا اطلعى بقى طريقك اخضر خلينا نلقط رزقنا

تتركهم ملك وتصعد لحياة وهدير بينما يعطى فارس ريان لمريم خدي يامريم الواد ده الله يخليكى منك لله ياملك

مريم هههههه هات القمر ده

يتحرك فارس فى الفرح حيث يجد من يتحدث إليه استاذ فارس

فارس ايوة ياأشرف خير

أشرف هى اخت

استاذ مؤمن دى مرتبطه

فارس هههههه انت قصدك على مريم القمر دى

أشرف ايوة هى

فارس مريم مطلقه ياأشرف

أشرف ايه مطلقه معقوله دي

فارس ايوة يابنى وانا حكدب عليك ليه

أشرف لا انا مقصدش اكذبك انابس مستعجب معقوله واحده بالجمال ده تبقى مطلقه

فارس تقول ايه بقى نصيب اكيد كانت متحوزه واحد اعمى

بس انت بتسال ليه هاه قول قول متتكسفش هى السنارة غمزت واللا ايه

أشرف ايه لا ابدا انا بس يعنى كنت بسال مش اكتر

فارس ماشي ياسيدي على كيفك ثم يعدل من هيئته عن اذنك يااخو العروسه

يسأل أشرف نفسه معقوله مين اللى يكون معاه قمر زى دى ويفكر يفرط فيها سبحان الله

بعد قليل تطفا الانوار فى القاعه والسكون التام يحل على المكان استعدادا لاستقبال العروسين

ليله من أجمل الليالي التى تحمل كل معانى الحب ليله تمتلئ بالعشق الذى كان له الكلمه الاخيرة والتاج الذى زين قلوب المحبين والعاشقين

يتحرك العروسان بين الضيوف الذين جاءوا ليشاركوهم فرحتهم كان الجميع يصفق لهم ورغم وجود الجميع حوله الا انه كان يشعر ان سعادته ناقصه لعدم حضور اخيه وأولاده ولكن فجاة يجده يظهر أمامه نعم هو اخيه أسعد ومعه زوجته وأولاده

أمجد معقوله أسعد انت جيت امتى وازاى مش انت قلتلي انك مش حتقدر تيجى

أسعد كنت

عاوز اعملهالك مفاجأه تفتكر انى كان ممكن احرم نفسي من انى اشوفك وانت عريس

يحتضنان بعضهما ويتقدم اولاده ليباركوا لعمهم الوحيد

أسعد وهو يمد يده لهدير ألف الف مبروك ياعروستنا

هدير الله يبارك فيك اانا مبسوطه اوى انك جيت الفرح

أسعد ناويين تقضوا شهر العسل فين ان شاء الله

أمجد حنروح شرم ان شاء الله

أسعد لا شرم ايه انا حجزتلكم فى جزر المالديف ومعاد الطيارة بكرة الصبح الساعه عشرة اوعوا تروح عليكم نومه انا حعدى عليكم واوصلكم بنفسي

أمجد جزر المالديف لا ده كتير أوى يااسعد

أسعد كتير ده ايه وبعد ماتخلصوا شهر العسل هناك حتيجوا بقى علية والففكم اوروبا كلها

أمجد ربنا بخليك لية يارب

يتم تقديم فقرات الحفل والكل سعيد بهذه المناسبه الجميله بينما كانت حياة تجلس بجوار اسر وبجانبهم اطفالهم تولين وسيلين وسليم

ليله من اجمل ليالي العمر تراقص فيها العرسان والجميع على الاغانى

أخذ أسعد وابناؤه أمجد وأحمد بيد أمجد للرقص معه ومشاركته فرحته

كان أسعد غير مصدق نفسه غير مصدق ان الله جمع شمله باخيه الوحيد

كان اسر ينظر لحياة واولاده نظرات حب نظرات عاشق لمعشوقته حامدا الله على نعمه عليه

ينتهي الحفل ويسلم الجميع على العروسين ويحتضن أشرف اخته متمنيا لها السعاده

فارس ياللا ياعم الليله ليلتك ياباشا واد ياامجد انا زى اسر متتكسفش منى لو عاوز تفهم حاجه واللا اتستفسر عن حاجه قول قول متتكسفش

أمجد لا ياعم البروفيسور متشكرين لخدماتك

يصعد أمجد وهدير الى الاعلى

يدخل أمجد وهو حامل هدير الجناح الذى تم حجزه فى الاوتيل حتى الصباح

ينزلها ويحتضنها بشده الف الف مبروك يا حبيبتي

هدير الله يبارك فيك ياحبيبي

أمجد هدير انا مش مصدق نفسي انا مبسوط اوى مبسوطه ياهدير

هدير الحمد لله مبسوطه اوى ياامجد

امجد ربنا يقدرنى واسعدك واعوضك عن كل حاجه

هدير ان شاء الله يا حبيبي ربنا حيعوضنا احنا الاتنين عن كل اللى عيشناه

أمجد طب بقولك ايه مش عاوزين نضيع وقت يادوب كده نظبط امورنا عل ماييجى معاد الطيارة

هدير نظبط امورنا ازاى يعنى

امجد زى ماكل اتنين متجوزين ليلة دخلتهم ثم يحاول الاقتراب منها

هدير لا بقولك ايه اوعى تقرب منى احسن اصوت والم عليك الناس

أمجد تصوتى ده ايه يامجنونه ده الليلادى ليلة ډخلتنا

هدير ايوة يعنى عايزنى اعملك ايه يعنى

أمجد لا مش عاوزك تعملى حاجه خالص انا اللى حعمل ياقلبي ثم يقوم بحملها ووضعها على الفراش ليبدأ معها حياتهم الزوجيه

تنهد كل حصون هدير امامه كل قراراتها التى اخذتها على نفسها بأن تتمنع عليه وتذيقه مما اذاقها لم تستطع ان تمنع قلبها عنه ان تصد ذلك الموج الجارف الذى يحمل كل معانى العشق تركت نفسها لهذا الحب الذى اغرقها فيه حبيبها ومالك قلبها نعم فالحب والعشق لهما لغتهما الخاصه تلك اللغه القويه التى لا يفك شفرتها سوى المحبين

بعد مرور عدة أيام

فى فيلا مؤمن

مؤمن انا مش عارف انتى ليه مصرة على موضوع الشغل ده

مريم زهقت يامؤمن من قعدة البيت مؤمن انا بقالي سنين محپوسه نفسي اخرج نفسي اشوف الناس نفسي اتعامل مع ناس جديده وبعدين انا من يوم مارجعت وانا تقريبا مبشوفش حد

مؤمن خلاص تيجى تشتغلى معايا فى الشركه عندى

مريم لا مش عاوزة اقعد على مكاتب انا عاوزة اشتغل فى مكان واسع كبير يكون فيه ناس كتير بتتحرك واتحرك وسطهم عاوز اشوف الوشوش اللى بقالى كتير محرومه منها

وفاء خلاص ياحبيبتى روحى لمى الكور من ورا اللعيبه وهما بيلعبوا الكورة واجرى فى وسط المشاهدين وهما بيشجعوا

تفتح الخادمه الباب لفارس

وفاء فارس انا زعلانه منك متكلمنيش انا مخاصماك

فارس يالهوى الا مزتى مقدرش على زعلها ياناس

وفاء كده بردو بقالك اسبوع مجيتشولا سألت

فارس اعمل ايه بس يافوفه بقيت ابو العيال الاتنين والله كانوا تعبانين وسخنين وملك كانت قارفانى فى عيشتى كل شويه ريان سخن جورى عنده رشح وقرف لما قرفت من عيشتى

وماصدقت راحت عند مامتها وانا جيتلك جرى يامزتى

وفاء سلامتهم ألف سلامه ياحبيبي

ثم ينظر لمريم ست الحسن والجمال بتاعتنا مالها مكشرة ليه

وفاء عاوزة تشتغل شوفلها شغلانه اقولك خليها تقف تنظم المرور فى الشارع وتسلم على كل عربيه معديه

مريم انتى بتتريقى علية ياماما

وفاء لا والله ابدا ياحبيبتى بس انا مستغربه انك عاوزة تفضلي تلفى بين الناس حاجه غريبه

فارس متفهمونى ياجماعه انا مش فاهم حاجة

يفهمه مؤمن ماتريده مريم

فارس خلاص بسيطه محلوله تاهت ولقيناها ايه رايك تشتغلي فى سلسلة المحلات بتاعت اسر ومازن وسعيد وحتبقى طول النهار فى وسط الزباين وحتشوفى ناس من كل مكان ايه رايك

مريم تمام موافقه

تذهب مريم للعمل فى سلسلة المحلات ولحسن الحظ ان يطلب اسر من أشرف ان يكون بجانب مريم ويعلمها طبيعة العمل فى هذا المكان وكيفية التعامل مع كل المتواجدين

ينجذب أشرف تجاه مريم وبشده ليس لجمالها فقط وانما لحسن أخلاقها وادبها فى التعامل مع الجميع

يبدأ كلاهما فى الحديث مع الاخر حتى يشعر أشرف بحبه لها ورغبته فى الزواج منها ولكن هل يمكن له ان يرتبط بها مع الفارق الاجتماعى بينهما فهو أشرف الذي يسكن فى منطقه شعبيه وهى مريم صاحبة الحسب والنسب التى تسكن الفلل والقصور

فى شقة هدير وامجد

هدير مالك ياأشرف فيك ايه ياحبيبي من وقت ماجيت وانت سرحان

أشرف مفيش ياحبيبتى طمتينى انتى عليكى جوزك عامل معاكى ايه مبسوطه يا هدير

هدير مبسوطه اوى ياأشرف انا بحمد ربنا كل لحظه انه نور لي بصيرتى والا كنت حندم العمر كله

أمجد بيحاول يسعدنى بكل طريقه بيفهمنى من قبل مااتكلم مبيسيبنيش لحظه طول الوقت جمبي انا بجد حسه انى أسعد انسانه في الدنيا كلها

أشرف ربنا يفرح قلبك ويسعدك يا حبيبتي يا رب

هدير أشرف ممكن اسالك سؤال ومتخبيش عنى حاجه

أشرف خير ياهدير

هدير أشرف انت بتحب

أشرف ايوة بحب ياهدير بس حب تحقيقه صعب اوى

هدير ليه بس ياحبيبي ايه المانع

أشرف الفرق الاجتماعى

بيننا كبير اوى ياهدير وخاېف لو صارحتها بمشاعرى تصدنى وقلبي ينكسر

هدير بس اللى اعرفه ان مريم انسانه طيبه اوى ومحترمه

أشرف انتى عرفتى منين انى اقصد مريم

هدير اسر اخد باله من حبك ليها وانت عارف انه مبيخبيش حاجه عن حياة وحياة قالتلي

وهما نفسهم اوى انك تتكلم وتعلن عن حبك ليها

أشرف خاېف ياهدير

هدير متخافش حاول قبل ماتروح منك البنت الله اكبر عليها واللى سمعته ان بيجيلها عرسان كتير اوى وهى مش موافقه

الحقها ياأشرف قبل ماتندم

أشرف ححاول وادعيلي ياهدير

فى اليوم التالي يقرر أشرف ان يفاتح مريم فى رغبته فى الارتباط بها

أشرف مريم انا بحبك وعاوز اتجوزك

مريم أشرف انت بتكلمنى أنا

أشرف ايوة يامريم بكلمك انتى مريم انا حسيت ناحيتك بمشاعر حلوة من اول مرة شفتك فيها وكل يوم بحس بحبك بيزيد جوايا اكتر واكتر ونفسي ارتبط بيكى ايه رايك

مريم انا آسفه ياأشرف طلبك مرفوض

أشرف بحزن رافضانى عشان انا فقير مش كده

مريم لا والله العظيم مش ده السبب خالص انا عمرى مااهتميت بموضوع الفقر والغنى ده اهم حاجه الأخلاق

أشرف يبقى انتى مبتحبنيش مش كده

مريم أشرف انت انسان كويس جدا واى بنت تتمناك وانا والله بعزك اوى وجوايا مشاعر حلوة ناحيتك بس مينفعش ياأشرف مينفعش ارتبط بيك

أشرف طب فهمينى

قوليلي السبب اللى مخليكى رافضانى

مريم أشرف انت لسه فى بداية حياتك من حقك ترتبط ببنت تبقى انت اول راجل فى حياتها مش واحده مطلقه

أشرف مش مهم عندي الموضوع ده المهم انى بحبك

مريم ومش مهم عندك برضو انك تتحرم من انك تكون اب ويكون عندك اولادانا مش حخلف مش حقدر اكون ام ياأشرف عرفت ليه انا مش موافقه

أشرف مبتخلفيش

مريم شفت بقى انت وشك تعبيراته اتغيرت ازاى عن اذنك ياأشرف

أشرف مش مهم انا مش عاوز ولاد انا عاوزك انتى يامريم بحبك انتى

حبك عندى اهم من اى حاجه تانيه

مريم أشرف الكلام ده انت بتقوله دلوقتى بس عشان لسه فى الأول لكن بعد كده حتشتاق تبقى اب حيبقى نفسك يكون عندك ولاد ووقتها حتسيبنى وحنجرح وانا كفايه علية تعب قلب لحد كده أشرف ارجوك روح شوف حالك وانسى خالص الموضوع ده عن اذنك ياأشرف

أشرف ارجوكى يامريم ده مش قرارك لوحدك وانا بحبك ومصر على اختياري ليكى مهما كانت ظروفك

مريم وانا قلت لاء يا أشرف لاء

تصر مريم على موقفها رغم الحاح أشرف عليها مما يضطرها ان تترك العمل وتتفرغ لتربية اولاد اخيها مع نور

تمر الأيام والشهور والسنوات بربيعها وبخريفها تمر لحظات الحزن وتاتى لحظات السعاده يحيا الجميع ويعيشون وهم سعداء والكل فرح بما قدر الله له فى هذه الحياة

فى احدى المستشفيات

اسر ماتتلقح بقى تقعد جتك القرف قرفتنى

فارس والله ماحد اتقرف فى عيشته غيري هو انا ياربي كان مكتوبلي ده كله فين ممش كفايه علية ريان وجورى لاء كمان التالته جايه دلوقتى الطم

واللا اجيب لطامه بالكهربا

عايده هو مش انت بابنى اللى قلت عاوز تحصل اخواتك زعلان ليه دلوقتى

فارس عيل حد ياخد على كلام العيال

اسر وهي مراتك بس اللى بتولد مانا مراتى كمان بتولد

فارس انا مش فاهم ازاى بيعملوها مع بعض كل مرة

اسر لا ياحبيبي ده معاد ولادة مراتى لكن مراتك كان لسه فاضل عليها شويه هى اللى شبطت وقالت اولد مع حياة فاكرين نفسهم طالعين رحله

بعد مرور ساعه فى الجناح المخصص لهم

اسر وهو يقبل يد حياة ألف حمد الله على السلامة يا قلب اسر من جوه

حياة الله يسلمك ياحبيبي شفت الولد

اسر زى القمر ياحبيبتى تعرفى حسه شبه مامتك بالظبط يالهوى ده حيلم علينا البنات

فارس طبعا مانت حماتك تحل من على حبل المشنقه انا نفسي اعرف لما اهى جميله كده وهى كبيرة امال وهى صغيرة كان شكلها ايه دى اكيد كانت صاروخ يابنى

اسر اخرس ياحيوان ياسافل

حياة هى فين صحيح يااسر

اسر كلهم جايين ياحبيبتى فى السكه

فارس كلها نص ساعه وحتلاقى ابشوارع كلها اتقفلت والمرور وقف

فارس ملوكتى ساكته ليه انتى متتى ياحبيبتى ملك ملك يالهوي البت مبتردش علية

ملك تعبانه يافارس الله يخرببيتك اسكت بقى ارحمنى

فارس بقولكم ايه فرصه والدنيا هاديه نشوف الولاد حنسميهم ايه قبل الفرح بتاع كل مرة

حياة انا عاوزة اسمي ابنى أدهم

اسر اشمعنى أدهم ياحبيبتى

حياة على اسم ابن الكاتبه عبير سليم مش هى صاحبة الفضل علينا فى اننا نبقى مع بعض وهى اللى خلتنا نحيب الولاد الحلوين دول

اسر لا لو كده يبقى معنديش مانع ده كله الابيرو ده كفايه خفة ډمهاميرسي والله يا استاذ اسر كلك ذوق حقيقي

طلعتى اصيله والله ياحياة ربنا يخليكي ياحبيبتى يارب وعقبال المرة الجاية ان شاء الله وتجيبي بنوته وتسميها ريماس

حياة لا والنبي يابيرو كفايه كده انا تعبت اوى عاوزة اعرف اربيهم هما واخواتهم

انا بقى اللى انتى عاوزاه ياقلبي الروايه روايتنا ونعمل اللى احنا عاوزينه المهم عندي تبقى مبسوطه ده انتى البطله ياروحى و انا كاتبه الروايه دى عشانك ياقمر

اسر وانت يازفت حتسمى البنت ايه

فارس وهو يوجه الحديث لملك ردى يازفته على الاستاذ

ملك لمار ايه رايكم

فارس لمار مش عارف رايك ايه يامربي اولادى العزيز

اسر لمار اسم جميل

فارس مادام الاب الروحى قال تمام يبقى تمام

سيري يانور ماندى على بركة الله

فجاة يجدون من يقتحم الغرفه نعم انها العائله الكريمه

فارس يالهوي الفرنجه قادمون التتار التتار

اغلقوا الابواب واضربوا الدفوف واعلنوا حالة الطوارئ فى المستشفى فلقد جاء القوم أجمعين

ياهلا ياهلا بالاحباب والأصحاب

بعد مرور عدة سنوات

تلعب طفله على شاطئ البحر بالاسكندريه ثم تجرى على مامتها مامى مامى

الأم ايوة ياتمارا عاوزة حاجه حبيبتى

تمارا راسي بتوجعنى يامامي

الأم راسك بټوجعك من ايه