قصه أم بقلم عبير حسن سليم

الطريقه اللي كان بيعاملها بيها مچروحه من اهانته ليها لكن مبتكرههوش ياأشرف ولو اديناهم فرصه يقربوا من بعض حتطلع كل مشاعرها اللى جواها ناحيته

أشرف مشاعر ايه اللى جواها يااستاذ اسر اختى مفيش جواها اى مشاعر للراجل ده

اسر لاء فى ومبقاش اسر التهامى لو مكنتش اختك لتحبهوهى كمان وبتكابر

أشرف حضرتك بتقول ايه يا استاذ اسر ايه الكلام ده

اسر أشرف انا لومكنتش متاكد ان عقلك كبير وانك بتعرف توزن الامور كويس وتقدرها مكنتش اتكلمت معتك بالشكل ده أشرف انا عاوزك تاخد اختك فى حضنك وټحتضنها وتحسيها بالامان وصدقنى وقتها حتلاقيها بتعترفلك بمشاعرهاناحية امجد وكل اللى هى فيه ده ڠضب منه مش اكتر زعلانه منه قلبها ۏاجعها منه

أشرف وليه حضرتك متاكد اوى كده ان هدير بتحبه

اسر عشان انا اسر التهامى مش اى

حد

أشرف ارجوك متحكمش على امجد من اللى حكيتهولك هدير لازم تقعد وتتكلم معاه ووقتها انت بنفسك اللى حتتمنى تجوزه اختك

أشرف انا مش عارف اقولك ايه والله يااستاذ اسر

استاذ اسر انا مليش غير هدير هى كل دنيتى وكل املى فى الدنيا اشوفهاسعيده ومتهنيه مع اللى قلبها يتمناه

اسر يبقى تحط ايدك فى ايدى ونوفق راسين فى الحلال ايه

وصدقنى حتشوف اختك اسعد انسانه فى الدنيا وعلى ضمانتى

ايه رايك عشان بصراحه كده عاوز اجوزك وافرح بيك انت كمان

أشرف تجوزنى هههههههه اشمعنى يعنى

اسر عشان انت محترم ياأشرف ومتربي وانا يشرفنى معرفتك

أشرف الشرف لية انا يااستاذ اسر

اسر خلاص يبقى نسيبها على الله ياأشرف ومنعقدهاش يسروا ولاتعسروا وبشروا ولا تنفروا وان شاء الله مش حيحصل غير كل خير

يقوم أشرف يرجع لمواصلة عمله بينما يتصل اسر على أمجد ليفهم منه ماحدث بينه وبين هدير

أمجد خلاص يااسر الموضوع خلص خلاص

هدير مقتنعتش بالكلام اللي قلتوهولها وشايفه انى ظلمتها لما اخدتها بذنب غيرها

خلاص يااسر خلاص الموضوع انتهى

اسر هو ايه اللى انتهى ياامجد هو كان لسه ابتدى عشان ينتهى وانت ازاى تستسلم بسهوله كده مكنتش اعرف انك ضعيف اوى كده انت ايه يااخى مبتتعلمش من اخطاءك

انت بتحبها واللا لاء ياامجد

أمجد بحبها والله العظيم بحبها بس حعمل ايه وفى ايدي ايه اعمله هى معاها حق يااسر معاها حق ترفضنى وترفض حبي بعد كل اللى

عملته فيها خليها تفرح وتتهنى مع اللى يتمناه قلبها

اسر بجد انا مش عارف اقولك ايه انت ازاى كده ازاى تفرط فى حبك ليها بالشكل ده امجد صدقنى لو ضيعت هدير حتندم وعمرك ماحتعوضها تانى وانت حر ياامجد

يمر الوقت وتمر الأيام وهدير مصرة على موقفها لا تريد التحدث الى أمجد وكلما حاول الاقتراب مته تصده وتنهره بشده لم تنفع محاولات اسر وحياة معها

اضطر اسر ان يترك الامور بعض الوقت لعل الله يحلها من عنده ولعل الابام تستزيع ان تذيب الجليد

بعد مرور عدة أشهر

فارس فى ايه ياعم الحاج ماتقعد كده وتهدى

مؤمن قلقان عليهم اوى خاېف اوى يافارس كانت المفروض متولدش دلوقتى

فارس يالهوى انت كنت عاوزها تستنى اكتر من كده ايه دى بابنى كانت عامله شنبه القنبله الذريه

دول تلاته ياحبيبي تلاته الله يكونك فى عونك يااختى ياحبيبتى أنا مش عارف ايه ده مجوزينك مازينجر

أمجد يااخى ارحمنى بقى انا قلقان على مراتى

فارس عيب عليك يااخى لما انت اللي تقول كده سيب القلق ده للغلابه اللى زينا

عايده حد يخللى البنى ادم ده يقوم من ادامى انا ضغطى عالى ومش مستحمله خلوه يطلع برة

ملك اسكت بقى يخرببيت

فقرك مش كل مانقعد فى مكان يطردونا بقينا شبه العيال الخايبه اللى بيطردوهم من الفصل ويزنبوهم برة

فارس حاضر ادينى حسكت اهوه بس اعمل ايه ماهما اللى ناس مستفزة

فهمى انت يازفت ياتسكت يااما تقوم تمشي احنا قلقانين على اختك وانت مش عاوز تسكت

فارس امشي ده ايه انا لازم اطمن على اختى والفريق بتاعها

لازم اطمن انه وصل لارض الوطن بالسلامه

ميتفعش امشي قبل مااقص الشريط واحضر الاحتفال بوصول اللعيبه الملعب بالسلامه

عايده الله اكبر في عينك ياشيخ يابنى حرام عليك السكر حيعلى علية

ربنا يطمنا عليكى يابنتى يارب

مؤمن يارب ياماما انا قلقان اوى

وفاء اطمن ياحبيبي ان شاء الله ربنا مش حيضيع تعبها

فارس لا ده كله الا اختى وولادها ده انا اۏلع فى ام المستشفى دى

وفاء امال فين اسر وحياة مجوش ليه

عايده اسر عنده قضيه فى الفيوم واخد حياة والبنات معاه

وفاء بس كده غلط عليها تتعب منه

عايده لايا حبيبتي اطمنى اسر سواقته جميله

وفاء ربنا يرجعهم بالف سلامه ان شاء الله

يخرج الدكتور ليطمئنهم

الدكتور حمدالله على السلامه يا جماعه

عايده بنتى يادكتور عامله ايه

الدكتور الحمد لله والله زى الفل

فارس والولاد اخبارهم ايه

الدكتور زى العسل جابتلكم بنت وولدين ما شاء الله عليهم ربنا يباركلكم فيهم يارب

فارس وهو يحتضن مؤمن الف مبروك يا بطل ولدين وبنت ربنا عالمفترى بص بقى انا عاوزك تدينى كورس وتعرفنى عملت ايه بالظبط عشان الانجاز العلمى ده يحصل

مؤمن انا والله ماعملت حاجه

فارس يانهارك اسود امال ومنيل امال مين اللى عمل انا اللى عملت عيب عليك ياراجل لما تقول كده ده انجازك اللى لازم تفتخر بيه

ارفع راسك لفوق انت مصري

ده انا حخللى الاستاذ عمرو اديب يستضيفك بقرعة امه عشان تقولله حققت الانجاز ده ازاى

مؤمن بقولك ايه انا عاوز اروح اشوف مراتى وولادى

فارس حقك يامعلم لازم طبعا تشوف الاشبال بتوعك

فى الغرفه

وفاء الف حمد لله على السلامة يا نور ياحبيبتى

نور الله يسلمك يا ماما

فارس وهو يجلس على السرير مربع قدميه حبيبتى حمدالله على السلامه يا ست البنات ياحبيبة قلب اخوكى

نور الله يسلمك يا حبيبي عقبال ملك لما ربنا يقومها بالسلامه ان شاء الله

فارس تشكرى يااختى ربنا يخليكى ياام الابطال

هاه اتحفونى بقى وقولولي ناويبن تسموا الجيش بتاعكم ايه

ملك انا مش قلتلك تسكت بقى حيطردونا الله يخرببيتك

فارس لا ياحبيبتي اطمنى طول مافوءة حبيبة قلبي موجوده محدش يقدر يهينا ابدا احنا قاعدين فى حماها

وفاء هههههههه عسل وربنا يافارس

عايده ياختى عسل اسود ومنيل انا مش عارفه انتى بتحبي فيه ايه

وفاء فارس ده شربات ده حبيبي

عايده خديه والله تريحينى منه ومن الدوشه اللى عاملهالنا ليل ونهار

فارس وهو يقبل يد وفاء حبببة قلبي ياناس محدش عارف قيمتى فى البلد دى غيرك انتى يامزة

مؤمن احترم نفسك يافارس ايه مزة دى

فارس لو مش عاجبك تعالى نبدل روح انت ياعاقل عيش مع حماتك انت والفريق القومى بتاعك وانا اخد ريان وملك ونعيش مع فوفه حبيبتى

مؤمن لا انا عندي اقتراح تانى احلى احنا نفتح الفيلتين على بعض ونعمل من النص كبري عشان الناس تمشي عليه

فارس حلوة دى تما انت بتعرف تنكت اهوه يامؤمن ياجوز اختى

عايده يابختك الاسود بخلفتك ياعايده يابنى حرام عليك انت حتموتنى

فارس تموتى ده ايه بعد الشړ عنك ياست الكل

عايده طب ابوس ايدك اهدى شويه اختك تعبانه يابنى عاوزة ترتاح حرام عليك البنت فاتحه بطنها

فارس ايه ده هما فتحوا لها بطنها بس وعرفوا يخرجوا التلانه

فهمى اقسم بالله العظيم يافارس لو مامشيت دلوقتى لحكون رميك برة المستشفى

انا عاوز اعرف مين اللى قال للبنى ادم ده يبجى انا مش قلت محدش يقولله مش عاوزين صداع

عايده وهى تشاور على وفاء هى حبيبته دى اللى قالتله ياخويا والنبى ماتزعل نفسك هو حيمشي دلوقتى

فارس حيمشونى هو انا صرصار عاوزين توزعوه

وفاء لا ياحبيبي دول زى مامتك وباباك متزعلش منهم

عايده وفاء انتى حتعومى على عومه يالهوى انتى اتعديتى منه انتى كمان

الواد نشر عدوته فى المكان كله

فارس هههههههه ده انا فارس ياللا بقى حتسموا الولاد ايه

بس الله يرضى عليكم مش عاوزين اسماء عجيبه بصوا انا اللى حسميهم

وفاء عاوز تسميهم ايه ياحبيبي

فارس بصوا بقى ولاد اختى دول لازم يتسموا اسماء مش عاديه ايه رايكم نسميهم فارس واسر وملك

اظنى مفيش اسماء احلى من كده فى الدنيا

وفاء اه والله فعلا اسماء جميله

عايده لاء انا مش موافقه

وفاء ليه بس ياعايده

عايده مش كفايه علينا فارس واحد نسمي فارس تانى لا والنبي ياجماعه كفايه علينا لحد كده

انا مش حقدر استحمل اكتر من كده

وشهد صاحبة حباة مسميه ابنها اسر وهى تقريبا عايشه معانا كل يومين عندنا يقوم لماتبقى هى ونور عندنا نقعد بقى كل مانقول اسر حنقعد نحدد اسر مين

وملك دى حبيبة قلبي مش عاوزة ملك غيرها عشان لما اشتمها مشتمش ملك حبيبتى

عاوزين اسماء جديده بقى

مؤمن انا مختار اسماء ولادى ياماما انا ونور من زمان

فارس طب ماتقول ياخويا خلصنا بس على الله متكونش حتسميهم خوفو وخفرع ومنقرع

مؤمن هههههههه لا انا حسميهم

زين وياسين وايلين ايه رايكم

فهمى الله اسماءهم حلوة اوى

فارس غلبتني ياجوز اختى بصراحه اسماء حلوة

تمام انا موافق على بركة الله

ملك هو كان اخد رايك ياتحفه انت كمان

فيضحك الجميع على فارس

فارس من غير ماياخد رايي الله ماهم دول عرسان وعرايس المستقبل

عايده عرسان وعرايس ايه يااهبل انت كمان

فارس ايوة طبعا لازم يبقى زيتنا فى دقيقنا وعجبنتنا فى خميرتنا يرضيكم ندخل حد غريب بيننا

الواد ريان حيتجوز ايلين

الواد زين ده حاخده لبنوتى حبيبة قلبي اللى جايه

وفاء جايه امتى ياحبيبي

فارس جايه بعد شويه جايبه لعب وحاجات واك واك

عايده الرحمه من عندك يارب

اهدى ياحبيب امك انا خاېفه على الواد عقله حيفوت اعمل ايه ياربي

فارس ايوة كده ياست الحبايب اعترفى بحبك لية

وفاء بس قللى ياحبيبي ياسين مشوفتلوش حد هو كمان

خلاص بقى نسيبوه لبنت اسر

عايده لا ياحبيبتى اسر ربنا حيكرمه ان

شاء الله بولد

وفاء بجد طب الحمد لله فرحتينى والله ربنا يجيبه بالف سلامه أن شاء الله

فارس وهو يضع يده على كتف وفاء اطمنى يافوءه انا وملوكتى بدانا الجوله ومش ناويين نقفل بامر الله والمرة الجايه اجيب لياسين عروسته هو كمان

ماهما الابطال دول مقدرش افرط فيهم لازم انجازاتهم العظيمه متطلعش برة العيله

الجميع هههههههه هههههههه

ربنا يديم الفرح على الجميع يارب

ويهديكى ياهدير يارب الواد امجد صعبان علية والله والنبي لو مكنتش ريماس بنتى صغيرة كنت جوزتهاله ده الواد مز وقمر وحيحسن نسل العيله بس حنعمل ايه بقى ياللا ربنا يقدرنا على فعل الخير

حياة هدير انتى كده بتحكمى على نفسك بالتعاسه العمر كله

هدير هو انا ياحياة لما اتجوز يبقى بحكم على نفسي بالتعاسه

حياة هدير متلفيش وتدورى علية فى الكلام انتى فاهمه كويس انا اقصد ايه يابنتى حرام عليكى ليه مصرة تعملى كده فى نفسك وفى الإنسان اللى بيحبك حرام عليكى والله

هدير وهى تبكي بشده بيحبنى اه بيحبنى ان شاء الله هو فى واحد يعمل فى اللى بيحبها اللى عمله فية ومتحاوليش تلتمسيله اى اعذار الله يخليكى انا خلاص الموضوع ده بالنسبه لي انتهى انا خدت

قرارى وحتجوز اسلام خلاص

حياة هو انتى كل الاعتذارات اللى اعتذرهالك مرضيتكيش ياهدير لا ياهدير والله العظيم أمجد بيحبك وبيموت فيكى اهانك وزعلك منه كتير وداس على كرامتك والراجل شرحلك السبب وبقاله شهور عمال يجرى وراكى فى كل مكان بيحاول يتكلم معاكى نفسه يراضيكى يتأسف لك يفتح معاكى صفحه جديده ليه مش عاوزة تديه ولا تدى لنفسك الفرصه دى خلاص احنا بقينا ملايكه مبنغلطش وهو اللى شيطان فيه كل العبر والمفروض نخليه عبرة لكل الناس ومنسامحش ابدا

طب بزمتك انتى عمرك ماعملتى حاجه غلط فى حياتك عمرك ماكدبتى واللا اتصرفتى بشكل غلط ايه طول الوقت ماشيه خط مستقيم فتتذكر هدير مافعلته فى حقها وكيف ان اسر سامحها ولم يخبر حياة بهذا الأمر

حياة هدير ربنا سبحانه وتعالى بيسامح وبيقبل التوبه احنا نكون مين احنا عشان منسامحش هو مش انا حكتلك على اللى عمله

فية محمود زمان بزمتك المفروض انى كنت اعمل ايه لما اشوفه بعد كده واحده غيري كانت قلعت اللى فى رجلها وضړبته بيه لكن انا قلت الحمد لله وربنا عوضنى وربنا يعلم انى سامحته من قلبي بدليل انى عزمته هو ومراته فى فرحى ومش بس كده لما مراته ولدت وعزمونا عالسبوع رحنا كلنا نبارك ونهنى حتى اسر جه معانا وشاركناهم فرحتهم وعفا الله عما سلف واللى فات ماټ

يختى ده الرسول سامح الكفار اللى اذوه وعذبوه ليه احنا منسامحش ليه

سامح اليهودى اللى كان بيحطله القاذورات ادام بيته وراح زاره كمان لما عرف انه تعب مش الرسول قدوتنا اللى لازم نقتدى بيه واللا انتى عندك رأى تانى

هدير مش قادره ياحياة مش قادرة افهمينى ارجوكى وقدرى موقفى انا مش قادرة انسى كل الاهانات اللى اهانهالى

حياة وهى ټحتضنها حتنسي والله حتنسي ياهدير حب أمجد ليكى حينسيكى ياحبيبتى وحيخليكى تقدرى تفتحى صفحه

هدير انتى كده بتجنى على تلاته بتجنى على أمجد وعلى نفسك وعلى اسلام اللى ملوش ذنب فى حاجه

هدير انا قلتلك اللى عندى ومعنديش كلام تانى اقوله ولا فية صحه اصلا اتكلم تانى انا ماشيه ياهدير ماشيه ياحبيبتى وربنا ينور بصيرتك يارب ويهديكى للطريق الصح

اسر انت حتفضل ساكت كده مبتعملش حاجه البنت حتتجوز خلاص وتروح منك

أمجد سبها يااسر تختار الحياة اللى هى عاوزاها ربنا يكتبلها الخير من عنده انا واحد معقد وممكن مقدرش اسعدها

اسر كده بردو ياامجد هو ده ردك

امجد وعروق رقبته تظهر من شدة الانفعال اعملها ايه تانى اكتر من اللى عملته ده انا اتذللت ليها عشان تسامحنى ومفيش فايده حاولت اتكلم معاها بدل المرة عشرة وهى مش راضيه حتى تسمعنى او تدينى فرصه تانى

ليه مش مقدرة اللى انا عيشته وشفته ليه اخدتها بذنب واحده تانيه عارف هينتها وجرحتها وجيت عليها مبنكرش بس كان نفسي اصلح من كل ده كان نفسي تدينى فرصه بس وانا كنت حعوضها واعوض نفسي عن كل اللى فات لكن هى لا ازاى تسامح وتغفر خلاص بقيتوا كلكم الملايكه وانا الشيطان

اسر خلاص يااسر الله يخليك انا مش عاوز اتكلم تانى فى الموضوع ده سيبها يااسر سيبها تختار الطريق اللى هيا عاوزاه

اس غريبه اوى ياصاحبي انك واخد منها موقف عشان رفضت تتكلم معاك او تسامحك مع انك عملت نفس الشئ مع اخوك زمان

أمجد اسر متخلطش الامور ببعضها انت عارف كويس ان كل اللى حصلي ده بسببه هو

اسر هو ممكن يكون معاك حق بس هو بردو طلب منك انك تسامحه وانت رفضت حتى تسمعه وفى الاخر مشى وسابلك الدنيا كلها وربك بيسلط ابدان على ابدان ياصاحبي

أمجد