قصه أم بقلم عبير حسن سليم

وتكبرنى وتشوفنى وانا بحقق حلمها وحلم بابا الله يرحمه

مابالك بقى لما تتجوز دكتور مصطفى اللى انقذ احب الناس لقلبي من المۏت مكنتش تعرف احنا مين وعملتله العمليه من غيرولا مليم

دكتور انا بقدرك وبحترمك من قبل مااعرف حضرتك مين

تفتكر بقى انا ممكن ازعل ان حضرتك انجوزت ماما وحميتها وضللت عليها

لا يادكتور اطمن انا مش البنت الانانيه اللى حبها لما متها ممكن ينسيها ان امها دى من حقها هى كمان انها تعيش

مصطفى طب انا لية عندك رجاء وحبقى سعيد اوى ياحياة لو عملتيه

حياة حضرتك تؤمرنى يادكتور

مصطفى حياة انا ربنا قدر انى اكون عقيم ومخلفش يعنى عمرى ماسمعت كلمة بابا من حدممكن ياحياة اطمع فى انك تناديني ببابا وبلاش دكتور دى

حياة وهى تبتسم لهحاضر يا بابا

مصطفى وهو يبتسم هو الاخر طب ايه ياحبيبة بابا نروح بقى نصحى ماما عشان نجهز احلى غدا لاحلى عيلة فى الدنيا

حياة حاضر يابابا

مصطفى متنسيش تعزمى اسر هو كمان وياريت لو يجيب معاه البنات الصغيرين انا ملحقتش اشوفهم ولا اتعرف عليهم

حياة انا اسفه يابابا بوظتلكم الحفله وفرحتكم ببراءة مالك

مصطفى حبيبتى رجوعك لينا هو ده فرحتنا الحقيقيه

اسرحبيبة قلبي اخبارها ايه

حياة تمام والله ياحبيبي

اسر الحمد لله ياحبيبتى ان ربنا جمع شملك م على خير

حياة الحمد لله شفت يااسر ماما عارف يااسر لما حتقعد وتتكلم معاها حتحبها اوى

اسراكيد طبعا يا حبيبتى ححبهامش مامتك بس غريبه اوى ياحياة تعرفى انك مش شبهها خالص عشان كده دكتور مصطفى متوقعش خالص ولاجه فى باله انك ممكن تكونى بنتها

حياة هى احلى من بكتير صح

اسرلا ياحبيبتى انا مقصدش و الله ده انتى حبيبة قلبي انا اقصد فرق الشكل بس

بس بردو ده ميمنعش انى اقول انها بصراحه الله اكبر عليهابسم الله ما شاء الله برغم سنهاالا انها زى القمر

حياة هههههه مانا عارفه ياحبيبي طبعا

بقولك ايه ياحبيبي بابا مصطفى عازمك النهارده عالغدا عشان شهد واهلها ماشيين النهارده

اسريعنى اللى اسمه محمود ده ماشي خلاص

حياة ايوة يااسر ماشي

مالك يااسر فى حاجه مضايقاك

اسربصراحه كده لما شفت محمود ده وافتكرت اللى عمله فيكى كنت عاوز اقوم اديله بوكس فى وشه

حياة قلبك ابيض ياجميل تصدق بالله انا والله العظيم فرحتى انى رجعت لحضن امى نستنى اى حاجه فى الدنيا

وبعدين انا بحمد ربنا ان اللى حصل زمان حصل والامكنتش حشوفك ولا اعرفك ياحبيبي

اسرياااه ده انا على كده بقى المفروض اشكره

حياة بس اكتر حاجه فرحتنى لما لقيت شهد مسمية بنتها باسمى لاء والفرحه الكبيرة بقى لما لقيتها مسمية ابنها ذمان على اسمك

اسرانا شفت فرحتها لما شافتك فى عينيها ياحبيبتى واضح جدا انها بتحبك اوى

حياة اوى اوى يااسر

الساعه الخامسه عصرا حيث يتجمع كل افراد العائله على المائده تجمعهم الضحكات العاليه والجميع سعيد وكانت تولين وسيلين موضع اهتمام من جميع افراد العائله

بعد تناول الغداء

مصطفى سعيد ياللا نقوم نقعد مع بعض شويه ونتكلم على راحتنا

سعيدحاضر اتفضل

ياخذ مصطفى سعيد ويتجهان خارج الفيلا ويجليان فى الحديقه

بينما كانت حياة فى حالة توتر تريد معرفة رد سعيد

اسرحتموتى انتى انا عارف

روحى ياحبيبتى اقعدى معاهم

عفاف حياة ممكن تسيبينى

عاوزة اقعد مع اسر شويه

تقوم حياة وتخرج سريعا حيث يجلس مصطفى وسعيد

ممكم اقعد معاكم

سعيدتعالى ياحبيبتى اقعدى

مصطفى ايه ياسعيد نروح نجيب الحاجه ان شاء الله وتعيشوا معانا

حياة هاه يا حبيبى رايك ايه

سعيددكتور مصطفى ممكن حضرتك تسمعنى وتفهمنى وتدينى فرصه اقول كل اللى انا عاوزه

مصطفى طبعا ياسعيد اتفضل خد راحتك

سعيددكتور مصطفى اولا بجد انا مش عارف اقولك ايه على تمسكك باننا نفضل معاكم وانا مقدر الكلام ده كويس اوى وعلى راسي وشرف

كبير لية اوى انى اشتغل عندكم حتى مش انى اعيش معاكم

حياة دى مكنتش عندى مجرد ضيفه ولا حاجه عادية حياة دى اختى اللى بحبها وحتفضل اختى مهما راحت اخر الدنيا

طبعا كلكم الحمد لله متمسكين بينا جدا وكلكم مرحبين بفكرة اننا نعيش معاكم بس معلش اعذرنى فى دى الكلمه

الكلام ده كله اتقال عشان خاطر فرحتكم برجوع بنتكم واحساسكم بانى لية فضل وجميل عليكم وعاوزين تردوهولى لكن انا مينفعش استغل ده

اولا كل اللى مر مقدر ومكتوب ربنا كان كاتبه من فوق سبع سموات وربنا سخرنى لحياة من بين كل الناس لانه عليم بكل شئ وكان عارف انى بعون الله حقدر اصون الامانه لكن انا

مقدرش استغل ده وانتهز فر صة فرحتكم برجوع بنتكم

وماصدق واجى وافرض نفسي عليكم واشارككم فى حياتكم الخاصه بيكم

وعلى راى المثل بكرة تروح السكرة وتيجى الفكرة

فكرة مين ده ومين دول اللى جم عاشوا معانا وادخلوا فى خصوصياتنا وعرفوا اسرار بيتنا

ومعلش يعنى متاخذنيش انا واحد مهما رحت واللا جيت معايا اعداديه كنت بشتغل على باب والله وبعد كده بقيت بواب ودلوقتى عندى محل بقاله اللى هو يعنى لما بنحب نخللى صورته حلوة بنقول سوبر ماركت

يعنى اكيد حياتنا مش زى حياتكم يادكتور

ولا عيشتنا زى عيشتكم طر يقة اكلنا ولبسنا حتى الفسح اللى بنتفسحوها مش حتكون زيكم طب ليه نضيق على بعض

مش عايز ييجى يوم احس ان ولادى عايشين عيشه مش عيشتهم

بكرة انشاء الله البيت حيتملى بعيال اختك ربنا بخليهالك وعيال حياة ان شاء الله

والايام تمر ويسالوا عن عيالي ويقولوا مين دول ايه اللى حشرهم فى وسطينا

ده بيتكم انتم وفيه خصوصيتكم احنا نيجى ونقعد ونخدمكم برموش عينينا وممكن كمان ام علا تعملك م اكل عمركم ماكالتوا فى حلاوته

لكن اخر الليل لينا باب يتقفل علينا

عندنا عيشتنا اللى ولادى لازم يكبروا عليها عشان ميبصوش لفوق

ويطالبونى باللى مقدرش عليه

ده مش بنسيون عشان كل من هب ودب يعيش فيه

وبعدين يادكتور انا كمان مراتى بتحب تقعد فى بيتها على راحتها

مش حينفع تبقى قاعده متقيده وحسه بالكسوف وطول النهار تبقى طرحتها على راسها ولابسه طبعا واسع وحيبقى فيه حضرتك ودكتور مالك

طبعا والله انا مش قصدي حاجه انتوا ناس زى الفل بس بردو مينفعش

وحتى كمان الست يسر اختك مينفعش تدخل تلاقينى قاعد براحتى وهى كمان عايزة تقعد براحتها يبقى ازاى بقى

فهمتنى يادكتور مش اصول ابدا انى اقعد هنا

احنا الحمد لله عندنا شقتنا وانا كل اللى عايزه من الدنيا الستر لية ولولاد

بس انا نفسي فى حاجه واحده بس

مصطفى اطلب ياسعيد

بامنك امانه لو حصللى اى حاجه وجه قضى ربنا فى اى وقت مر اتى وولادى امانه فى رقبتكم تخللوا بالكم منهم دول غلابه اوى

حياة بعد الشړ عنك يا حبيبي ربنا مايوجع قلبي عليك ابدا يااخويا

مصطفى ليه بس الكلام ده ربنا يمتعك بصحتك وعافيتك وتربي ولادك زى مابتتمنى

سعيدوانا اهم حاجه عندى انى اطمن على حياة واشوفها فى بيت عدلها لكن اكتر من كده يبقى طمع وانا عمرى ماطمعت يادكتور

مصطفى بجد انا مش عارف اقولك ايه انت مخليتنيش اعرف ارد عليك وللاسف معاك حق فى اللى قلته انت راجل اوى ياسعيد وكل مابتكلم معاك بتكبر فى عينى اكتر واكتر

بس بص بقى انا لية رجاء عندك وياريت متكسفنيش

سعيد رقبتى يادكتور

مصطفى ان شاء الله لما فرح حياة يتحدد تجيب الولاد وتقعد اسبوع الفرح لان محدش حيكون وكيلهاغيرك

سعيد وحضرتك رحت فين يادكتور حضرتك الكبير وفى مقام ابوها

مصطفى لا ياسعيد انت لوحدك صاحب الحق ده انت اللى ربيت وعلمت وحميت وصنت

وانت اللى حتحط ايدك فى ايد عريسها وانت اللى حتجوزها بنفسك ان شاء الله

ينظر سعيدالى حياة فيجدها محمرة العينين من البكاء

سعيدليه بس كده يا حبيبتى

حياة كان نفسي تفضلوا هنا ونعيش كلنا سوا

والنبي عشان خاطرى توافق خلينا نتجمع كلنا فى بيت واحد

سعيدبيت واحد ايه بس يا حبيبتى مانتى خلاص كلها فترة وحتبقى فى بيت جوزك ان شاء الله وبعدين ياستى هو احنا يعنى بعيد عنك

وبعدين تر ضي ياحياة ان اخوكى حد يتقل منه احنا مش ملايكه ياحياة احنا بنى ادمين ترضي ان الست يسر اخته او جوزها يقولوا مين البواب ده اللى بقى عايش معانا وراسه براسنا ترضيهالى ياحياة

وسيبك ياحبيبتى من الكلام اللي بيتقال دلوقتى كل ده بعد كده بيتغير واحنا ساعات كتير اوى مشاعرنا بتحركنا

ونعمل حاجه واحنا السکينه سرقانا وفرحانين ونرجع نقول كان عقلنا فين لما وافقنا نعمل كده

خلينا كده نبقى حبايب وصحاب ونسال على بعض ونخاف على بعض

لكن لو جينا هنا وحصل حاجه بعد الشړ حتبقى قطيعه العمر كله يبقى ايه رايك

حياة خلاص ياحبيبى اللى تشوفه بس انا حروح معاك

سعيد طب ودى تيجى بردوياحياة تسيبي امك اللى انتى لسه متقابله معاها وعينيها لسه مشبعتش منك وتيجى معايا ميصحش ياحبيبتي انتي حتفضلي هنا وابقى تعالي ياحبيبتي بيت أخوكى مفتوحلك تنور يه يانور عينيه

تمام ياحياة

حياة ايوة يااخويا بس

سعيدمفيش بس ياحياة هو اخوكى مبيفهمش فى الاصول واللا ايه

حياة هو فى حد زيك يابوعلا

ده انت اخويا حبيبي وسندى فى الدنيا

سعيد وهو يمسح على شعرهاوانتى حتفضلي اختى وحبيبتى العمركله

بس انا بقى لية طلب صغير عند اختى حبيبتى

حياة انت تطلب عينية ياحبيبي

سعيدعايزك تتحجبي ياحياة انا عارف اخلاقك كويس وانك ست البنات بس الحجاب حاجه تانيه خالص ده بيحمي البنت وبيحافظ عليها انا مش بحرجك والله ياحبيبتى ومليش انى اتحكم فيكى وعمرى ماطلبت منك قبل كده الطلب ده بس انا نفسي ان اختى حبيبتى تبقى متحجبه شايفه صاحبتك شهد وشها منور ازاى فى الطرحه بتاعتها الحجاب بينور الوش وربنا يرضى عنك ويفتحلك ابواب الخير والرزق

حياة حاضر يا حبيبي حتحجب ان شاء الله والله

والله العظيم انا كنت ناويه والله انى حتحجب بس مكنتش عارفه امتى وبعدين هو يعنى شعري حرير مانت شايفه اهوه منكوش وشبه ايد المكنسه

سعيدلاياحبيبة اخوكى انتى زى القمر وشعرك الله اكبر عليه لايق عليكى اوى بس انا عيزه يبقى لجوزك لوحده محدش يشوفه غيره ياحبيبتى

حياة وهى تقبل يدهحاضر ياحبيبي حيحصل ان شاء الله

فى اليوم التالى

ينزل الجميع وهم يحملون حقائبهم استعدادا للرحيل

بدا الجميع يسلمون على بعضهم البعض

خديجهحتوحشينى اوى ياحبيبتى

حياة انتى اكتر والله يا طنط

خديجة زعلانه منى ياحياة قلبك شايل حاجه من ناحيتى

حياة ليه بتقولى كده بالعكس انا طول عمرى بحبك اوى وربنا يعلم غلاوتك عندى اد ايه

ده انتى طول عمرك حنينه علية اوى وعمرك ماجيتى علية او زعلتينى

خديجهخللى بالك من شهد ياحياة انتوا الحمد لله ربنا قدرلكم انكم تعيشوا فى نفس المكان خدوا بالكم

من بعض وربوا ولادكم عالحب اللى جمع بينكم

حياة شهد دى حبيبة قلبي احنا عمرنا ماحتسيب بعض بعد كده

واصلا هى كمان طلعت صاحبة نور اخت خطيبي وملك مراة اخوه يعنى كده كده مش حنسيب بعض ابدا

خديجهان شاء الله ياحبيبتي

والد شهدحقك علينا يابنتى

انا عارف اننا قصرنا معاكى واننا موقفنا كان سلبي ومقدرناش نحميكى

وسيبناكى تغرقى من غير مانمدلك ايدينا

سامحينى يابنتى امانه عليكى تسامحينى

حياة صدقنى لو قلتلك ياعمى انى مبسوطه بكل اللى حصل

حتى والله العظيم بحمد ربنا على اللى عملوه فية اللى منهم لله لان لولا كده مكنتش حقابل الملايكه دول وكانت تشير بعينيها الى سعيد وعلا

ولا كمان كنت حعرف اسر ازاى يعنى فعلا رب ضارة نافعه

وياتى الان دور محمود الذي يخجل من السلام عليها او النظر فى عينيها

محمودحياة انا مهما اعتذرتلك عمرى ماحقدر اكفر عن اللى عملته فيكى

حياة وهى تبتسم ابتسامه دامعهمحمود انت ملك ش ذنب فى حاجه الذنب كان ذنبي انا يوم ماسلمت قلبي لحد عمره ماحبه

عارف يامحمود لو قلبك ده كان عرف معنى الحب وحبنى بجد عمري ماكنت هنت عليك تعمل فية اللى عملته

انا چرحى منك كان أكبر بكتير اوى من اللى عملوه فية اللى من لحمى ومن دمى

معلش اتعشمت فيك بزياده كنت فاكراك سفينة النجاة بالنسبه لى بس صدقنى يامحمود لو قلتلك انى زعلى منك كان وقتها

بس لكن بعد كده فقت لنفسي و منكرش ان تجربتى فى حبك علمتنى كتير وكتير اوى كمان

واطمن يامحمود وطمن قلبك مش عاوزاك تحسس نفسك بالذنب من ناحيتى عارف ليه عشان انا الحمد لله كويسه وكويسه اوى كمان

وربنا عوضني احسن ما كنت بتمنى بكتير اوى

حاجه كانت فوق خيالى وتوقعي

عرفت معنى الحب الحقيقي الحب اللى بيبقى مابين طرفين اصلي اكتشفت ان الحب اللى بيكون من طرف واحد بيبقى ذل مش حب يامحمود

والله مازعلانه منك وغلاوة شهد عندى مازعلانه منك

انت بالنسبه لي دلوقتى اخويا يامحمود اخويا بجد

محمودسامحينى ياحياة ارجوذى تسامحينى من قلبك انا مش عارف جبت اساوة القلب دى منين وازاى قلبي قدر ياسى عليكى كده

انااسف بجد اسف لانى خذلتك ومقدرتش اكون الايد اللى تتمدلك وسيبتك ټغرقي

نفسي اكفر عن كل اللى عملته فيكى ياحياة

نفسي بجد لما الوشوش تتقابل تتقابل من غير لوم ولا عتاب

حياة مسامحاك يامحمود والله مسامحاك كلنا بنغلط احنا مش ملايكه وكلنا لازم نسامح وانا الحمد لله والشكر لله ربنا عوضنى بالاهل والتعليم والزوج الصالح ان شاء الله

وربنا يهنيك يامحمود مع مراتك واضح انها بنت ناس ربنا يهنيكم ببعض

محمودربنا يهنيكى يارب ياحياة وحفرح اوى لو عزمتينى على فرحك

حياة اكيد طبعا يا محمود حعزمكم كلكم على فرحى ان شاء الله ده انتوا عشرة العمر يامحمود ومهما حصل بيننا احنا برضوا بيننا عيش وملح

والان يجىء دور هنا

هناحياة انا سمعت عنك كتير اوى واللى سمعته ميجيش ذرة جمب اللى شفته فى الحقيقه

والله العظيم انا مبسوطه اوى انى اتعرفت عليكي انتي بجد اطيب انسانه شفتها فى حياتى

وعاوزاكى تصدقى محمود فى كل كلمه قالهالك والله العظيم هو ندم على كل اللى عمله معاكى وكان دايما بيدعيلك ان ربنا يعوضك خير وطول الوقت كان حاسس بالذنب من ناحيتك

سامحيه ياحياة سامحيه من قلبك

والله محمود طيب ويستاهل انك تسامحيه بس معلش اوقات شيطاننا بيتغلب علينا وبيخلينا نتصرف تصرفات عمرنا ماكنا نتخيل اننا ممكن نعملها

وانتى قلبك كبير ياحياة

حياة انتى كمان طيبه اوى ياهنا وربنا يسعدكم ياحبيبتى يارب واطمنى انا والله مسامحاه انا قلبي عمره ماعرف الكره ومش شايل ليكم كلكم غير كل حب

اهم حاجه عندى تخللى بالك انتى من طنط خديجه متعرفيش انا بحبها اد ايه طول عمرها بتعاملنى زى شهد بالظبط

هناماما خديجة دى حبيبة قلبي وربنا يعلم انا بحبها اد ايه

بس بجد حزعل اوى لو اتجوزتى من غير ماتعزمينا

حباةطب وافرضي بقى كنتى