قصه أم بقلم عبير حسن سليم
ياحبيبتي
حياة مروحتش الحفله ياعلا تفتكرى اسر دلوقتى يكون متضايق
واللا يمكن يكون ملخوم مع الناس اللى معاهم وناسي انه قاللى اصلا
علابقولك ايه خليكى فى نفسك متفكريش فى حاجه دلوقتى خالص
حياة ايوة اكيد دلوقتى معاه ناس شبههم من العائلات الكبيرة حيفتكرنى انا ليه
بينما كان اسر متضايق ويتحدث الى نفسه لمح نور وهى جالسه مع شخص لا يعرفه فيقترب منهم
ملك فارس الحق روح بسرعه اسر رايح عليهم
فارس يالهوى اسر حيطين عيشتى رحت بلاش ياعلوان
ويجرى ليدرك الامر
اسرنور
نور اسور حبيبي اعرفك
مؤمن صاحب فارس
مؤمن وهو يمد له يده اهلا بحضرتك زبعا اسر الهامى اشهر من ڼار على علم اعرفك بنفسي مؤمن الشريف صاحب شركة الشريف للمقاولات
اسر اهلا بيك ايوة طبعا عارف شركتك سمعتها ماشاء الله زى الفل فارس معلش ياجماعه اتاخرت عليكم
مؤمن لا ولا يهمك انا كنت مستنيك عشان استئذن
اسرليه مالسه بدرى
مؤمن عشان ماما لوحدها فى والف حمدالله على سلامة الامورة الصغيرة
تاتى سيلين بابي بابي
اسرايوة ياروح بابي
هئ هئ هئ انت عارف صاحب فارس بيقولى انتى بنت نور
اسرطب روحى العبي ياقلب بابي
يسلم مؤمن عليهم ويغادر المكان
بينما اسر فارس تعالى ورايا المكتب حالا
فارس ياليلتك السوده يافارس
جالك المۏت ياتارك الصلاة
يتجه اسر الى المكتب وهو غاضب وينتظر قدوم فارس اليه
فارس بت ياملك انتى ياوش المصاېب الله يخرببيتك على بيت اليوم اللى سمعت فيه كلامك
انا كنت عارف انك حتودينا فى داهيه كان قلبي حاسس ياختييي
ملك مالك ياقلبي عمال تولول ليه فى ايه حصل حاجه
فارس وهو يضرب على خدهحصل يااختى حصل ياسوادك ياقرمط
ملك ههههههه يبقى اسر خد باله من حاجه
اسرايوة ياحبيبتى اخد باله وهو ده فى حاجه بتخفى عليه
وقاللى احصله على المكتب ده مش
بعيد يطربق المكتب على دماغى
ملك ههههههه هههههه
طب
اهدى بس ومتكبرش الموضوع
فارس مكبرش الموضوع لا ياحبيبتى ده هو اللى كبر لوحده كان عقلي فين لما مشيت وراكى كنتى فين يالاءة لما قلت اه
اه اه اه
ملك يابنى اهدى فى ايه مالك شبه التلميذ اللى عامل مصېبه وخاېف من ابوه اكيد اسر مخدش باله
وممكن يكون عاوزك فى حاجه تانيه
فارس مين ده اللى ماياخدش باله ده اسر اللى بيلمحها وهى طايرة
ملك طب ياللا بسرعه انجز احسن مايزعل معاك وتقلب خڼاقه
فارس خڼاقه دى حتبقى معجنه
ملك انت مالك قلبت على القرموطى كده ليه
فارس قرموطى ده انامش ححصل ستى قطاطه
انا حاسس انى حيغمى علية
بصى انتى تصوتى وتقولى انى مت فانا حصعب عليه ويمكن
مايتكلمش معايا
ملك بعد الشړ عنك يا قلبي
فارس ادى اخرة اللى يمشي ورا كلام العيال بقولك ايه انتى حتيجى معايا انا مش حروحله لوحدي
اه مانتى شريكتي
اه انا مليش دعوة دى شورتك السوده جيب العواقب سليمه يارب
ايوة انا عارف حيقعد بقى يبهدل فية ويدينى دروس فى الاخلاق والرجوله ويحسسنى انى كيس جوافه
ومركب اريال
ملك ههههههه هههههه ومالها الجوافه
وبعدين ماتسكت بقى مالك بقيت عامل زى البغبغان كده ليه
اهدى يابنى
اصبر دلوقتى نشوف اللى حيحصل وبعدين احنا كان قصدنا خير
فارس على رايك واهى تهزيئه تفوت ولاحد ېموت
ياخذها ويتجه للمكتب بينما كان اسر فى قمة غضبه من عدم حضور حياة وكملت بجلوس نور مع شخص غريب لا يعرفه
يدق الباب
اسرادخل
تدخل ملك وفارس مختبئ خلفها
ملك يادى النيله فى ايه فارس ماسك فى هدومى كده ليه
اسرالباشا جايب معاه المحامى بتاعه واللا ايه
ملك ههههههه دمك عسل والله يااسر
طب ماتشغلنى معاك فى المكتب بقى ههههههه
اسريمسك فارس من قفاه اطلعلى كده واتكلم معايا بتستخبى ورا مراتك طب لما انت خاېف كده تقدر تقوللى ايه اللى انا شفته ده
فارس شفت ايه بس يااسور مش تفهمنى انااصلا مش فاهم فى ايه
اهدى ياراجل كده احسن يجبلك الضغط
اسرفارس انت حتستعبط علية وواقفلى ورا الشجرة وتقوللى تفاحه وبرتقانه
ومقعد اختك لوحدها مع راجل غريب وفى مكان لوحدهم بعيد عن الناس
تقدر تقوللى اسمه ايه ده ياراجل يامحترم
بقى انت راجل انت بزمتك
فارس لا مسمحلكش تشكك فى رجولتى واللا ايه ياملك
ملك يااخى اتنيل هو ده وقته
فارس على رايك انا اصلا بعد الخضه دى مش حنفع لاطبله ولاطار
اسربقولكم ايه انتوا الاتنين انتوا جايين تستعبطوا علية وتغنوا وتردوا على بعض
يااما تفهمونى معنى اللى شفته ده ياما حعلقكم على باب الفيلا
ملك تعلقنا ايه بس يااسر يعنى يرضيك تضحك علينا الشارع والمناطق المجاورة الموضوع مش زى مانت متخيل خالص
بص يااسر انا حفهمك هو فارس كان قاعد معاه عادى والله وانا جيت عليهم ومعايا نور
بابا كان عاوز يسلم على فارس قبل مايمشي فانا قلتله يسلم عليهم ويرجعله
فعشان ميسيبهوش لوحده طلب من نور تقعد معاه
بس هى دى الحكايه
فارس ايوة ايوة صح كده شفت بسيطه ازاى زى شكة الدبوس
ولا فيها حاجه وبعدين ده انسان محترم جدا والله
اسروانت من امتى بتعرف حد محترم يافارس هو انا مش عارف الاشكال اللى انت بتصاحبها
فارس لا والمصحف مؤمن ده محترم جدا غير اى حد
ملك ايوة والله يااسر وبعدين ماخلاص بقى انا قلتلك الموضوع يعنى حاجه متستهلش انك تزعل وتضايق نفسك
وتقول حتعلقنا ليه بس هو انت مسكتنا فى وضع مخل ههههههه خلاس بقى يااسور قلبك ابيض
فارس اه صح معاكى حق ده احنا حتى انا وملوكتى مثال الادب والاخلاق العاليه
واحنا عندنا مناسبه حلوة مبتجيش غير كل فين
وفين
مابلاش نكد بقى يامعلم
اسربقولكم ايه انتوا الاتنين انتوافاكريني عيل صغير حتضحكوا عليه بكلمتين
والله يافارس انت والمتحدث الرسمى بتاعك دى لو مافهمتونى واعترفتم بالحقيقه لحكون زعلان منكم ومفيش بيننا كلام تانى
فارس ليه كده بس طب اهدى
اسرلا مش حهدى مانا مش طيشه فى البيت ده وبعدين نور دى خط احمر انت فاهم واللا تحب افهمك بطريقتى
لازم افهم الحكايه بالظبط ولاحظ انك بتتكلم مع اسر التهامى
فارس ماهى دى المصېبة انك اسر خلاص انا حعترف
ملك لا يافارس ارجوك متوديش نفسك فى داهيه انا اللى حعترف
بص يااسر والله فارس ملوش دعوة انا اللى رتبت كل حاجه ولو عاوز تزعل يبقى تزعل منى انا
فارس لا لاياملك انتى ملك يش ذنب انا اللى غلطان عشان مشيت وراكى وسمعت كلامك
اسرليلتكم سوده انتوا الاتنين انطقوا اتكلموا هببتوا ايه من ورايا
فارس والله العظيم احنا كانت نيتنا خير كنا عاوزين نوفق راسين في الحلال
لقيت الواد كويس ومحترم واحنا نفسنا نفرح بنور فقلت اقعدهم شويه مع بعض ونشوف يمكن يحصل نصيب
فين المشكله بقى
اسر تقعدهم مع بعض انت اټجننت يافارس انت ازاى تعمل كده والفيلا بقى هى ملتقى العشاق واللا ايه
وانا وابوك مقرطسنا عاملنا كيس جوافه
فارس عيب يااسر متقلش على نفسك كده كيس جوافه ايه بس ياراجل
اسروياترى نور كانت عارفه
ملك لا والمصحف نور ماتعرف حاجه احنا قلنا نشوف كده لو حصل قبول اكيد هو حيطلبها ولو ماحصلش يبقى خلاص ولا من شاف ولامن دري
اسروهانت عليك اختك تقلل من كرامتها كده
يعنى دلوقتى يبقى شكلنا ايه قدامه يقول علينا ايه بندلل على اختنا وبندورلها على عريس ومقعدينها لوحدها معاه عشان يمكن تنول الرضا السامى
فارس والله ابدا هو اصلا ميعرفش حاجه وكان فاكر اصلا ان نور متجوزة
ده هو اتفاجئ ان نور مش متجوزه
اسرانا بجد مش عارف اقولك ايه وحتى لو مكنش يعرف مااكيد لما سبت اختك معاه فهم ده العيل الصغير يفهمها
حركه هبله مفقوسه متجيش منك يافارس ياواعى يامقطع السمكه وديلها
وانتى ياست ملك ياللى بقول عليكى عاقله تطاوعيه فى حاجه زى دى
ملك لا ماهو انا بصراحه اللى اقترحت على فارس الفكرة دى
بس الله انا كان قصدى خير نفسي افرح بنور يااسر نفسي اشوفها عروسه
بص احنا يمكن نكون اتصرفنا بشكل غلط بس محصلش حاجه والله وكانت نيتنا خير
فارس اه وربنا وانا كنت مراقبهم يعنى لو كان عمل حركه كده واللا كده كنت حضرب فى المليان على طول
اسرټضرب فى المليان ده انت لما بيعدى جمبك كلب بتجرى زى العيال الصغيرة
والله مانا عارف اقولكم ايه ماجمع الا اما وفق
اتنين اهبل من بعض
امشوا انجروا من قدامى بدل ماوالله انا اللى حضربكم دلوقتى امشوا برةبرة
فارس وهو يتحدث لملك بصوت منخفض حاضر حاضر والله بس بالراحه على نفسك ليطقلك عرق واللا حاجه ياللا ياللا قدامى ياوش الهم ياجلابة المصاېب
ملك طيب بس متزقش
يخرجان سريعا من المكتب
ملك ههههههه هههههه ياخواف مكنتش اعرف انك بتترعب من اسر كده
فارس فشړ ده جوزك اسد تحبي اثبتلك
ملك اه اسد بامارة ماكنت مستخبي فية زى العيل اللى خاېف من مدرسه وواخد ولى امره معاه
فارس ياهبله افهمى فارس ده مقامه عالى عندى وانا بحب احترمه لكن لازم تتاكدى من قوة وشجاعة جوزك
ملك ههههههه لا مانا اتاكدت خلاص
بس بقولك ايه تفتكر مؤمن يكون اعجب بنور
فارس بقولك ايه متجيبيليش سيرة الموضوع ده تانى الله يباركلك كفايه اللى حصل لحد كده قطيعه تقطع مؤمن على نور
ده احنا كنا حنبقى فى خبر كان
يفتح اسر الباب ليتفاجا بوجودهم وهم يتحدثون
اسر بصوت عالىانتوا لسه عندكم بتعملوا ايه
فارس يالهوى اجرى يابت ياملك وياخذها ويجرون وراء بعص على سلم الفيلا
حتى ان فارس اتكعبل وسحبته ملك
بينما كان اسر ينظر اليهم وهو يضحك على منظرهم
هههههه هههههه اقسم بالله
جوز مجانين
يستعد للخروج فيجد امامه سيلين بابي
اسرايوة ياسيلي عاوزة
حاجه
سيلين حياة مجتش يابابي انا زعلانه منها اوى
وتولين كمان زعلانه وبتقوللى حياة مش بتحبنى
اسرليه بس ياحبيبتي بتقولى كده دى حياة بتحبكم اوى
سيلين مجتش يابابي مجتش حفلة تولين
وانا زعلانه منها ومخصماها كمان
اسر وهو يحتضنها بحبسيلين هو انتى بتحبي حياة
سيلين بحبها اوى اوى يابابي وتولين كمان بتحبها اوى
وكل شويه تضحك علية وتقوللى انا وحياة عندنا غمازة شبه بعض وانتى لاء
اسرلا متزعليش ياروحى انتى جميله اوى وشقيه اوى نفس شقاوة ماما
سيلين مامى جنى
اسرايوة ياحبيبتى ماما جنى الله يرحمها ويغفر لها ويجعلها من أهل الجنه يارب العالمين
سيلين انت ليه سيبتها تروح عند ربنا لوحدها كنت عاوزة اروح معاها
اسربعد الشړ عنك ياحبيبتى اوعى تقولى كده تانى
ده انتى واختك اللى مصبرينى على غيابها عنى
سيلين طيب لو مش عاوزنى اروح عند مامى جنى هاتلى حياة يابابي
حاضر ياحبيبتى ياللا بقى اطلعى العبي مع اصحابك وانا ححصلك
سيلين حاضر يابابي
يدخل المكتب وهو حزين
ليه ياحياة مجيتيش وكمان قافله تليفونك ومقلتيش لفرح ياترى ايه اللى حصل
يارب متكونش زعلت منى انا خاېف وقلقان طب اعمل ايه دلوقتى اوصلها ازاى
نور تدخل عليه المكتب
نور اسور حبيبي انت فين الناس برة بتسال عنك
اسرانا جاى يانور
نور اسر حياة مجتش واتصلت عليها تليفونها مغلق هو مش انت قلتلى انك اكدت عليها
اسرايوة والله اكدت عليها بس معرفش مجتش ليه
نور يمكن تكون محبتش تيجى مع انها والله كانت وحشانى اوى
وتولين كل شويه تسالنى عليها
اسرالله اعلم يانور يمكن عندها ظروف منعتها تيجى
ياللا بينا نخرج للناس اللى بره
فى المستشفى
حياة انا عاوزة اخرج بقى انا زهقت من القعده هنا
علااصبري ياحبيبتى الدكتور قال انك لسه تعبانه ومحتاجه تقعدى يوم كمان وبعدين اديكى شايفه السخونيه طالعه نازله وكده غلط والدكتور قال مش حتخرجى طول مافى حرارة
حياة بس انا زهقت اوى ياعلا
علابصي ياحبيبتى استهدى بالله كده لما الدكتور ييجى ويشوفك
هنا احنا في امان لو فى اى حاجه حيلحقونا لكن لو لا قدر الله تعبتي فى البيت حنعمل ايه
حياة طب عاوزة التليفون الله يخليكى
علاحاضر يا حبيبتى لو على التليفون حكلم سعيد اخليه يجيبهولك قبل مايجيلنا الصبح
يعود مؤمن الى منزله فيجد امه جالسه فى انتظاره
مؤمن سلام عليكم يا ست الكل ويقبل يدها
وفاء وعليكم السلام ورحمة الله وبركاته
حمد الله على السلامة يا حبيبي
مؤمن الله يسلمك يا ماما
وفاء انبسطت فى الحفله يامؤمن
مؤمن والله ياماما انا مااخدتش بالى من الحفله اصلي معظم الوقت كنت قاعد كنت قاعد مع نور اخت فارس
وفاء قاعد معاها ازاى يعنى
مؤمن قاعد بتكلم معاها ياماما
وفاء وجوزها كان قاعد معاكم
مؤمن لا ماهى طلعت مش متجوزه انا كنت فاهم الموضوع غلط اتاريها لما كانت بتتكلم فى التليفون كانت بتكلم اخوها اسر والبنات اللى كانت بتسال عنهم كانوا ولاد اخوها مش ولادهاهى
وفاء ايوة بس انا فاكرة انك قلتلي انها كانت زعلانه عشان هما مش بيبعدوا عن حضنها
مؤمن ايوة ياماما مانا اللى فهمته ان اسر مراته متوفيه وان نور هى اللى مهتميه بيهم وبتحبهم اوى
وفاء ياحبيبتى دى تبقى حنينه اوى
بقولك ايه هى عندها كام سنه
مؤمن ايه يافوءه دماغك راحت فين
وفاء ياواد متتعبش قلبي وقللى
مؤمن والله انا مااعرف بس شكلها حوالى ٢سنه
وفاء حلوة
مؤمن ههههههه مشكله انتى ياماما
بصي انا شايفها عاديه زى اى بنت بس هى عينيها حلوة اوى يمكن دى الحاجه المميزة فيها
بس هى قلبوظه شويه
وفاء ارتحتلها فى الكلام
مؤمن اوى ياماما تعرفي وانا قاعد بتكلم معاها كنت حاسس كانى اعرفها من زمان
لدرجة انى قعدت اتكلم
معاها من غير مااحس بالوقت
وفاء طب وانت ايه اصلا اللى قعدكم مع بعض
مؤمن فارس بعد مااستقبلنى جت علينا مراته واخته نور
وبعد كده مراته قالتله انها عاوزاه وسابونا لوحدينا
بس فاتكلمنا لحد ماجه اخوهم الكبير اسر التهامى
وفاء اسر التهامى
وفاء ماشاء الله ده انا سمع انه محامى شاطر اوى
وبعدين ياحبيبي
مؤمن ولا حاجه ياماما استئذنت ومشيت
وفاء طب وهى عجبتك ياحبيبي
مؤمن عجبتنى ازاى يعنى ياماما
وفاء مؤمن فى ايه يابنى ماصاحبك سابك تقعد مع اخته عشان لو حصل بينكم نصيب
مؤمن ايه ياماما الكلام الي حضرتك بتقوليه ده لا طبعا الموضوع مش كده خالص
وفاء هو ايه ياحبيبي اللى مش كده ماالموضوع واضح زى الشمس
مؤمن معقوله دى
وفاء ومش معقوله ليه المهم بقى قوللى بقى رايك فيها ايه ريح قلب امك ياحبيبى
مؤمن والله ياماما هى كانسانه كويسه جدا
بس كزوجه مش عارف بصراحه
وفاء ليه بس ياحبيبي يعنى هى مش حلوة خالص واللا تخينه اوى
مؤمن لا
والله ياماما هى مش وحشه انا زى ماقلتلك عاديه مفيهاش حاجه مميزة غير عينيها بصراحه حلوة اوى
وبالنسبه للتخن هى يعنى مش مبعجرة ولا شكلها مستفز
لا والله هى بس قلبوظه شويه بس القلبطه المقبوله يعنى لو عملت دايت شويه حتبقى جميله بجد
وفاء وايه يعنى ياحبيبي مانت اخدت القمر المانيكان وكل اللى كان يشوفها كان يحسدك على جمالها
وبعدين ماهى طلعت استغفر الله العظيم مش عاوزة اتكلم عن حد والحمد لله انها راحت لحالها
المهم الأخلاق يامؤمن البنت لما تكون بنت اصول واهلها ناس طيبين ومتربيه تحافظ عليك وتشيلك فى عينيها وتبقى معاك فى حزنك قبل فرحك
