قصه أم بقلم عبير حسن سليم
ياهنا يابنتى حتفضلى قافله على نفسك كده علطول ومش عاوزة تكلمى حد
هنا من فضلك يابابا انا مش عاوزة اشوف ولا اكلم حد
والدها طب مش حتسمعى كلام جوزك وتروحى تعيشي معاه فى شقته
هنا حاضر يابابا حروح اعيش معاه عشان انتوا الظاهر زهقتوا منى خلاص
والدها ايه اللى انتى بتقوليه ده ياهنا ده انتى نور عينينا ياحبيبتي هو احنا لينا غيرك ده انتى اللى طلعنا بيكى من الدنيا
واحنا اللى طلبنا من جوزك انكم تعيشوا معانا بس هو مصمم انوا ياخدك عالشقه وبيقول انه وضبها وفرشها
ههنا اتصل بيه خليه ييجى ياخدنى يابابا
والدها حاضر يا حبيبتى
تقوم هنا وتحضر شنطها وبعد مده قليله ياتى محمود ليصطحبها الى منزله
محمود ادخلى
هنا تدخل ولا تتحدث بكلمه
محمود يضع الشنط ثم يوجه لها الحديث
دى اوضتنا اتفضلى حطى حاجتك فى الدولاب وياللا عشان تحضريلنا الغدا انا عاوز اكل
هنا ............
محمود انتى متربيتيش ان لما جوزك يكلمك تردى عليه
هنا لاء متربتش
محمود تمام وانا بقى اللى حربيكى من اول وجديد
اتفضلي ياللا ادخلى المطبخ وحضري الغدا وانا حدخل انام ساعتين اقوم الاقى الغدا جاهز
هنا تدخل المطبخ ولاتعرف ماذا ستفعل فتحت الثلاجه واخرجت منها بعض الاشياء لإعدادها
فى منزل اسر التهامى
يجلس فارس فى غرفة نومه واضعا راسه بين يديه
ملك فارس متزعلش ياحبيبي من ماما انت عارف هى بتحبك اد ايه
فارس ملك هو انا وحش اوى كده
ملك ليه بتقول كده يا قلبي
فارس ماشوفتيش الكلام اللي قلته لي ماما مش كنتى موجوده وسمعتى كل اللى اتقال
ملك فارس متزعلش منى هى دى الحقيقه هما مكدبوش فى ولا كلمه
فارس انا دخلت حياتكم من سنين طويله وطول الوقت كنت بشوفك بتعامل نور ازاى بس حبي ليك كان عامينى ومش مخلينى شايفه غير حبي ليك
اوقات كتير كنت بقول لنفسي هو انت ليه بتتعامل معاها بالشكل ده
وكذا مرة كنت بحاول الطف بينكم الجو لكن انت دايما كنت بتضيع اي حاجه حلوة احاول اعملها تقربكم من بعض
لحد مازهقت وبصراحه كبرت دماغى
فارس يااه للدرجه دي كنت وحش معاها
ملك هى دى الحقيقه اللى كلنا شايفينها بعنينا
مواقف كتير حصلت قدامى فاكر مثلا يوم فرحنا لما جت ترقص على البيست وجت تمسك ايدك رحت انت سايب ايدها ومسكت ايد واحده تانيه
ولما ياحبيبتى جت تتصور معانا رحت سايب الكوشه وماشي وقتها شفت الدموع حرت فى عينيها وانا حاولت ادارى الموقف واتصورت معاها شوية صور
لاء وختمت لما جينا نركب العربيات بعد الفرح وكان اسر اخد جنى والبنات
وباباك اخد ماما وروحوا
والكل كان فاكر انك حتاخد نور معانا وهى لما جت تركب انت احرجتها اوى وقلتلها حتركبى فين انتى عاوزة السواق يتعمى وميشوفش الطريق
وواحد من صحابك هو اللى اخدها على سكته
كانت مقهورة منك ياحبيبتى وانا قلتلك وقتها اللى حصل ده ميصحش وانت ولا اهتميت
ومواقف تانيه كتير اوى كلها بتاكد انك عمرك ماحييت نور ولا اعتبرتها اختك
فارس ملك هو انتى ليه عايشه معايا برغم انك عارفه انى اعرف يتات كتير
ملك عشان بحبك يافارس وعندى امل انك تتغير وتبقى كويس
فارس كلنا فينا عيوب بس المهم اننا نحاول نصلح من عيوبنا
فارس بس اى واحده مكانك كانت حتطلب الطلاق
ملك طب وقلبي ده اعمل فيه ايه اديه لمين غيرك
ياريت كان بايدى يافارس والله ماكنت عيشت معاك يوم واحد
لكن للاسف حبك بقى لعنه مش عارفه اخلص منها
تنزل الدموع من عيون فارس
ملك فارس انت بټعيط
فارس مكنتش اعرف انى وحش اوى كده
ولا عمرى كنت قاصد ده
يعنى انا اذيت اكتر اتنين المفروض انهم اقرب اتنين لية فى الدنيا اختى ومراتى
ملك
صدقنى يافارس لو قلتلك انى متنازله عن حقى بس عشان خاطرى حاول تصلح اللى بينك وبين نور
دى اختك لحمك ودمك حرام تخسرها يافارس
ياسمين وهى تتحدث الى احدى صديقاتها
ايه انتى متاكده يعنى ان الدكتور حيرضى يعمللى العمليه
ايه ايوة يابنتى متاكدخ المهم بس تحضري المبلغ وبيقولك بسرعه عشان كل ماحتتاخرى حيكون خطړ على حياتك
ياسمين طب انتى حتيجى معايا
ايه اكيد طبعا انا مش ممكن اسيبك المهم بس اجهزى
تغلق ياسمين الهاتف مع صديقتها وتتحدث الى نفسها
يارب انا عارفه انى غلطت بس ساعدنى واقف جمبي
بعد مرور بعض الوقت يقوم محمود من النوم على رائحة شياط
يخرج ليجد هتا فى المطبخ وحولها الكثير من الاطباق والاوانى والطعام مبعثر والدخان يملاء المكان
محمود ايه ده هو انتى بتعملى ايه
هنا حكون بعمل ايه يعنى مانا بعمل اكل
محمود وماله المطبخ مقلوب كده ليه
هوانتى اول مرة تدخلى المطبخ
هنا ايوة
محمود طب ورينى عملتى ايه
هنا معملتش حاجه الاكل اتحرق اتفضل انزل هات اكل او اطلب دليفرى
محمود حرقتى الاكل وعاوزانى اطلب دليفرى
ده انا حموتك فى ايدي النهارده
تخاف هنا منه وتجرى على الغرفه سريعا
بينما محمود يذهب وراءها ويمسكها من شعرها اوعى تفتكرى انك لما تعملى كده انا حزهق وارجعك عند اهلك لاء ياهنا اطمنى انا مش حسيبك غير لما تتعدلى وتبقى ست زى بقية الستات
هنا طب ماتطلقنى وتريح نفسك
محمود لاء ياهنا انا مش حطلقك انا حفضل وراكى لغاية ماتتعدلى انتى فاهمه
تطرق ملك الباب على شيرين
تفتح الباب لتجد شيرين تضع السماعات فى اذنها وتستمع للموسيقى
ملك شيرين
تنزع السماعات من اذنها
ايوة
ياملك فى حاجه
ملك انتى ماروحتيش المستشفى تطمنى على نور
شيرين اتصلت باسر وقاللى ان ملوش لازمه انى اروح
ملك بس المفروض تكونى جمب
جوزك ومتسيبيهوش وانتى عارفه هو بيحب نور ازاى
شيرين بصراحه انا مبحبش جو المستشفيات ده
ملك طب فين البنات
شيرين فى اوضتهم تلاقيهم بيلعبوا
ملك لا تجد جدوى من الحديث معها فتغلق الباب وتخرج
وتتجه الى غرفة الصغار فتحدهم نائمين
فتحتضنهم وتقبلهم
صباح جديد يهل على الدنيا ويحمل معه مايحمل من الالام للبعض والتفاؤل والسعاده للبعض الاخر
فى المستشفى يجلس كريم امام هبه يكاد عقله ان يطير من التفكير فى حال اخته ووضعها
ازاى ماشوفتيش اللى عمل كده فيكى ازاى
هبه وهى تبكى معرفش ياكريم هو النور قطع فجاة ولقيت حد بيشدنى وحاولت اقاومه حط منديل على بؤى بعد كده محستش غير وانا هنا
كريم وهو يهزها پعنف كدابه انتى كدابه ياهبه قولى الحقيقه ليه مش عاوزة تقولى بتدارى على اللى عمل فيكى كده ليه ليه
هبه انا مش كدابه
كريم لاء كدابه لما انتى كان مغمى عليكى امال الكدمات اللى فى جسمك
دى ايه ها
والطب الشرعى اثبت انه كان اعتداء بالقوة يعنى انتى كنتى بتقاومى يبقى ازاى ده حصل وانتى مغمى عليكى ازاى ازاى
هبه معرفش معرفش
كريم ياهبه حرام عليكى انتى ليه مش عاوزة تتكلمى ليه مش عاوزة تقولى هو مين خاېفه من ايه
خاېفه منه واللا خاېفه عليه اتكلمى انطقى ابوس ايدك
انا حاسس انى حتشل
ليه مش عاوزة تعترفى بالحقيقه
طب هو حد انتى بتحبيه وهو اعتدى عليكى واللا مين بالظبط
حد من اللى بيشتغلوا فى المصنع واللا لاء
هبه وهى تبكي معرفش معرفش
طرق على الباب
كريم اهلا يااستاذ ياسر اتفضل
تلتف هبه بوجهها للجهه الاخرى حتى لاتنظر اليه
ياسر حمد الله على سلامة هبه
كريم سلامه هى فين السلامه دى
احنا اتفضحنا انا مش عارف حورى وشي تانى للناس ازاى بعد كده
والمصېبه انها مش عاوزة تقول مين اللى عمل فيها كده
ياسر مش يمكن متعرفهوش
ياسر متعرفهوش ازاى انا متاكد انها عارفه وبتحاول تحميه ليه مش عارف
ثم يمسك هبه من يدها پعنف بس والله ياهبه لحعرف مين اللى عمل معاكى كده
ويوم مااعرف مين اللى عمل فيكى كده لحكون قاتله ومقطعه بسنانى
وان شالله اروح فى ستين داهية مش حيهمنى
ينظر ياسر لهبه نظرة تفهم معناها
فتبكى ولا تتكلم
ياسر خلاص حرام عليك كفايه اللى هى فيه
وكل شئ حيتصلح متقلقش
كريم يتصلح يتصلح ازاى اللى بيتكسر مش ممكن يتصلح ابدا
ياتى كريم اتصال من داليا خطيبته
يخرج كريم من الغرفه للرد على خطيبته بينما يقترب ياسر من هبه ويهمس لها
شاطرة برافو عليكى شفتى بقى اهو عاوز ېقتل اللى عمل فيكى كده
يرضيكى اخوكى يتعدم واللا ينسجن ويروح مستقبله
وخطيبته اللى هى صاحبتك تسيبه لاء وممكن كمان حد تانى ېقتله وامك كده كده مېته
يعنى تعيشي لوحدك فى الدنيا دى
وطبعا بعد اللى حصلك ده والڤضيحه اللى حصلتلك دى محدش حيفكر يبص فى وشك
يبقى لو فكرتى تفتحى بؤك بكلمه قولى يارحمن يارحيم على امك واخوكى الامور
هبه منك لله ربنا ينتقم منك ويبتليك فى اعز ماتملك بحق ما ضيعتنى وضيعت مستقبلي
انا لو علية عاوزة اقطعك بسنانى عاوزة اشرب من دمك الله يخرببيتك بس انا متاكده ان ربنا حينتقملى منك
ووقتها انا حقول لاخويا ان انت اللى عملت فية كدخ
يدخل كريم فيجد ياسر معتدلا فى جلسته
كريم هبه داليا حتيجى عشان تطمن عليكى والكلام مخلصش ياهبه
وانا حعرف يعنى حعرف ده شرف فاهمه يعنى ايه يعنى تطير فيه رقاب
عند نور فى المستشفى
خلاص ياماما مش قادرة والله ياحبيبتى
عايده حبيبتى دى علبة زبادى مش حاجه لازم تاكليها ياحبيبتى
الدكتور قال مش حيكتبلك على خروج غير لما يطمن انك بقيتى كويسه
يدق الباب
عايده ادخل
يدخل فارس وهو يحمل بوكيه كبير من الورد
تنظر له نور بدهشه شديده غير مصدقه عينيها
فارس وهو يتقدم نحوها يجلس امامها مقبلا يدها وجبهتها
حمدالله على السلامه يا قلبي ربنا يشفيكى يارب ويخليكى لينا
نور ...........
فارس مالك ياحبيبتى ساكته ليه
نور تنظر بجوارها
فارس بتبصي على ايه ياحبيبتى
نور بشوف انت بتكلم مين
فارس بكلمك انتى طبعا يانور
نور بتكلمنى انا ازاى يعنى
فارس ايوة ياحبيبتى مالك يانور
نور حبيبتك
فارس حبيبتى ونور عينيه يانور
نور انا عارف انى زعلتك كتير اوى ومكنتش اخ كويس ليكى بس صدقينى انا ندمان على كل اللى عملته فيكى حقك عليه انا طمعان فى قلبك الكبير يسامحنى ويغفر لى كل اللى عملته فيه
نور وهى تبكى يعنى انا كان لازم اعمل حاډثه او اموت عشان تحس بوجودى وتعرف انى اختك يافارس
مانا ياما تعبت وانت عمرك ماسالت فية ولا حتى قلتلى مالك
اشمعنى المره دى يافارس اللى جيت وافتكرت انى اختك
وكمان بتعتذر لاا نت مش فارس اللى اعرفه
ومن امتى الحنيه دى
مانا عايشه معاك سنين وسنين عمرك مااقتنعت انى اختك اصلا
وياما حاولت اقرب منك واعمل اى حاجه تحنن قلبك علية
وانت ولا هنا بالعكس ده انت كنت بتبعد عنى اكتر واكتر
وياريتك كنت بتبعد وتسيبنى فى حالى
لاء ده انا عمرى ماسلمت منك
كانت تتحدث وهى تبكى بشده عارف يافارس ياما كنت بتمنى انك تاخدنى فى حضنك وتطبطب علية
ليه ليه يافارس القسۏة دى عملتلك ايه اذيتك فى ايه عشان تكرهنى الكره ده كله
فارس حقك علية يانور واوعدك انى عمرى ماحزعلك تانى ابدا ومن النهارده حكون ليكى سند وامان
واوعدك عمرى ماحاجى عليكى تانى
ومش حتشوفى منى غير الحنيه والحضن اللى يحتويكى
بس ادينى الفرصه دى وسامحينى يانور
ممكن يانور تدينى فرصه اصلح الغلط اللى غلطته فى حقك
وننسى اللى فات ونفتح صفحه جديده مع بعض
وغلاوة ماما وبابا واسر تسامحيني
بكى وهو يتحدث اليها ارجوكي يانور انا منمتش طول الليل وكنت مستنى الصبح يطلع عشان اجيلك يانور
نور للاسف يافارس كان نفسي اوى اقولك لاء مش حسامح كان نفسي ادوقك القسۏة اللى دوقتهالى بل للاسف يافارس انا اضعف من كده
مش حقدر غير انى اسامحك يافارس
فارس وهو يقبلها بشده حبيبتى يانور انا مش عارف كان عقلى فين مش عارف كنت بتعامل معاكى كده ازاى
وازاى كنت حارم نفسي من حضڼ الاخت ده
بس والله لحعوضك يانور وحبيبة قلب اخوكى
نور بس انا عاوزة منك طل يافارس
فارس اطلبي ياحبيبتى اللى انتى عاوزاه
كلامك سيف على رقبتى
نور زى مااعتذرتلى وعاوز تفتح معايا صفحه جديده لازم تعتذر كمان لملك وتفتح معاها صفحه جديده دى بتحبك اوى يافارس
وبصراحه اى واحده مكانها عمرها ماكانت حتستحمل اللى هى استحملته منك
فارس انا فعلا اعتذرتلها يانور وهى كمان قالتلى عنك نفس الكلام اللى بتقوليه دلوقتى عنه
واضح انكم انتم الاتنين بتحبوا بعض اوى
نور طبعا يابنى مش عشرة العمر
وتضحك له
يحتضنها فارس بشده وهو يقول لها حبيبتى يانور ربنا يخليكى لية
نور ويخليك لية يااخويا يارب
كانت عايده تستمع اليهم ولكن دون التفوه بحرف كانت تريد ان يفتحوا قلوبهم لبعض دون تدخل منها ولكنها عندما وجدتهم يحتضنون بعض فرحت من قلبها واخذتهم فى حضنها وهى تبكى
ولادى حبايبى ربنا ميحرمنيش منكم ابدا
يفتح اسر الباب ياسلام وانا يعنى ابن البطه السوده واللا ايه
نور وهى تضحك ههههههه انت الحب كله يااسور
ثم تجد من يجروا عليها
نور نور وحشتينا اوى
نور حبايب قلبي ياناس وحشتونى اوى
تولين رجلك شكلها عامل
كده ليه يانور
سيلين مکسورة ياتولا مکسورة انتى مش فاهمه واللا ايه
نور حبايب قلبي ياناس
ملك عامله ايه يانور النهارده
نور الحمد
لله والله احسن
هو انتوا جيتوا مع بعض
ملك وهى تنظر لفارس پغضب اعمل ايه الاستاذ فارس مهنش عليه يستنانى لما البس سابنى ونزل وانا قمت لبست البنات وقلت اجى مع اسر
فارس وهو يضع يده على كتفها معلش ياقلبي اصلى كنت مستعجل اوى عشان اجى لنور
ملك سماح المرة دى عشان خاطر نور بس
يضحك الجميع
عايده ربنا يسعدكم ياحبايبى يارب ويجعل ايامكم كلها هنا وسعاده يارب
ثم يجدون طرقا على الباب
تفتح الباب وتدخل وعلى وجهها ابتسامه جميله هادئه
صباح الخير
يرد الجميع صباح النور
تسلم عليها ملك بحرارة
ازيك ياحياة ياحبيبتي عامله ايه
حياة الحمد لله والله وانتى ازيك ياملك
يجرى عليها الصغار حياة حياة
فتقبلهم حياة حبايب قلبي عاملين ايه وحشتونى اوى
سيلين انا زعلانه منك ومخصماكى
حياة زعلانه منى انا ليه ياروحى
تولين ترد عشان انتى وعدتينا حنخرج معاكى تانى وانتى نسيتينا
حياة اسفه والله ياحبايبي المذاكرة والشغل ىنسونى حقكم علية
بصوا اول مانور تخف حنخرج ونلعب ونجرى ونطنطط ايه رايكم
سيلين ماشي موافقه بس تجيبي معاكى محمد
فينتبه اسر لاسم محمد
حياة بس
محمد نونو صغير ولازم مامته تكون معاه عشان ميعيطش
تولين خلاص هاتى مامته وعلا انا بحبها اوى
سيلين وعمو اللى معاهم ده طيب وادانى شيكولانه وبسكوت
تولين وانا قشرلي اللب
عايده حبايبي انتوا لسه فاكرين كل ده
ملك الاطفال ذاكرتهم قويه وعمرهم مابينسوا ابدا
عايده ربنا يديكى ياحبيبتي يارب
فارس وهو يضع يده على كتفها ان شاء الله ياماما ربنا حيدينا
فتبتسم ملك لكلام فارس لها
بينما كان اسر لايشاركهم الحديث وانما كان يحدث نفسه ويتذكر انه سمعها تكلم شخص اسمه ابو علا
فيقول بينه وبين نفسه ايوة انا كده فهمت يعنى محمد ده ابن الراجل اللى كانت حياة بتكلمه
يااه الحمد لله
فيبتسم تلقائيا
عايده تلاحظ ذلك
ايه بااسر ياحبيبي اللى واخد عقلك
اسر ها لا ابدا مفيش حاجه
حياة استاذ اسر انا اسفه انا عارفه انى
