قصة سيدنا يوسف بن نون عليه السلام كامله باللغه العاميه بقلم هبه الله
وايه المشكلة في يوم الجمعة يعني
المشكلة أن لو غربت الشمس يبقى كده هيدخلوا في ليلة السبت،،،ويوم السبت ده في شريعة سيدنا موسى ويوشع عليهما السلام.. إن بني إسرائيل ممنوع يحاربوا فيه،!!
فدلوقتي لو انسحب يوشع بجيشه ورجع بسبب يوم السبت ،، يبقى الجبابرة هيستعيدوا قوّتهم ويتجمعوا من تاني ويهجموا على جيش يوشع ويخلصوا عليهم،!!
وفي نفس الوقت يوشع عليه السلام مش عايز يعصي أمر ربنا ويفضل يقاتل لحد ما يرجع البلد تاني من إيدين الجبارين، ..
طب عمل إيه؟
يوشع بص للشمس وقالها :
انتِ مأمورة إنك تغربي زي كل يوم ، وأنا مأمور إني أفتح المدينة ومأمور إني ماقاتلش يومَ السبت وقعد يدعي :
يارب احبسها وماتخليهاش تغرب لحد ما أكمل المعركة
ودة اللي ذكرهولنا حبيبنا ورسول الله ﷺ :
"إِنَّ الشَّمْسَ لَمْ تُحْبَسْ لِبَشَرٍ إِلَّا لِيُوشَعَ لَيَالِيَ سَارَ إِلَى بَيْتِ الْمَقْدِسِ"
ربنا أمر بني إسرائيل إنهم ييجوا يدخلوا المدينة عشان يعيشوا فيها،،
يعني أية " حطة"
يعني يارب حُط عنا خطايانا إللي فاتت من إعراضنا ورفضنا إننا ندخلها قبل كده من أربعين سنة
"وَإِذْ قُلْنَا ادْخُلُوا هَٰذِهِ الْقَرْيَةَ فَكُلُوا مِنْهَا حَيْثُ شِئْتُمْ رَغَداً وَادْخُلُوا الْبَابَ سُجَّداً وَقُولُوا حِطَّةٌ نَغْفِرْ لَكُمْ خَطَايَاكُمْ وَسَنَزِيدُ الْمُحْسِنِينَ"
وبني إسرائيل عملوا إيه بقىى
رغم كلللل الآيات للي ظهرتلهم بوضوح على وجود ربنا واستحقاقه للطاعة!
دخلوا زاحفين على مقاعدهم، إللي هي مؤخرتهم بكل أسف وسوء أدب، وقالوا ..
حَبَّة في شَعرة، أو حِنطة في شَعرة
يعني استهزاوا بأوامر ربنا وضحك وتريقة وخلاص !!
يقول النبي ﷺ :
"قيل لبني إسرائيل ادخلوا الباب سُجَّداً وقولوا حِطة، فدخلوا يزحفون على أَسْتَاهِهِمْ، فبدَّلوا وقالوا حبّة في شعرة."
فربنا نزل عليهم الطاعون والعياذ بالله،،وعاقبهم على استهزاؤهم ده وتبديلهم لأوامر ربنا !!!..
"قُلْ أَبِاللَّهِ وَآيَاتِهِ وَرَسُولِهِ كُنْتُمْ تَسْتَهْزِئُونَ"
و قتل منهم ٧٠ ألف بس وهمّ واقفين كده!!
"فَبَدَّلَ الَّذِينَ ظَلَمُوا قَوْلًا غَيْرَ الَّذِي قِيلَ لَهُمْ فَأَنْزَلْنَا عَلَى الَّذِينَ ظَلَمُوا رِجْزًا مِنَ السَّمَاءِ بِمَا كَانُوا يَفْسُقُونَ "
والباقي راح فين !!؟
باقي بني إسرائيل كانوا مع يوشع في بيت المقدس ..
فضل يحكم بينهم بالتوراة لحد ما ماټ
وكان عمره 127 سنة
