قصة سيدنا موسي عليه السلام كامله باللغه العاميه بقلم هبه الله
المحتويات
سهلة ونقدر نعملها هنعملها واللي هنحس أنها تقيله وصعبة مش هنعملها!!
سيدنا موسى قالهم إن دي شريعة ربنا وهو دة الدين ولازم يقبلوه كله زي ماهو مهما كان صعب أو سهل ..
تفتكر سمعوا الكلام !!
لأ .. برضو فضلوا يجادلوا ويقولوله إشمعنى ربنا كلمك إنت
ليه مايكلمناش إحنا !!
ونضمن منين إن الألواح دي من عند ربنا فعلا !!
لأ وفيه رواية كمان بتقول أنهم طلبوا يكلموا ربنا عشان يقولهم ان سيدنا موسي هو الرسول فعلا وهو دة الدين اللي بيقولكم عليه !!
وهيستفادوا أية يعني
وقتها هيصدقوا بقي ويؤمنوا ربنا ويطبقوا الأحكام الدينية !
بس بسوء أدبهم مع سيدنا موسي ربنا بعتلهم ملايكة رفعت جبل فوقهم !
الجبل فوق رؤوسهم عامل غمامه عليهم بشكل مرعب..
سيدنا موسي قالهم
لو ماقبلتوش أوامر ربنا كلها على بعضها من غير تفريق في الطاعة الجبل ده هيقع عليكم..!!
وإذ نتقنا الجبل فوقهم كأنه ظلة وظنوا أنه واقع بهم خذوا ما آتيناكم بقوة واذكروا ما فيه لعلكم تتقون
تقبلوا الأمر طبعا وسجدوا وقعدوا يبصوا بنص وشهم على الجبل وهم ساجدين من خوفهم ليقع عليهم!
وإذ أخذنا ميثاقكم ورفعنا فوقكم الطور خذوا ما آتيناكم بقوة واذكروا ما فيه لعلكم تتقون
بعدها سيدنا موسي اختار احسن وافضل سبعين راجل عشان يروحوا معاه الجبل يعتذروا عن قومهم لما عبدوا العجل
فقالهم
يصوموا ويتطهروا ويطهروا هدومهم عشان يستعدوا للقاء المهيب ده
سيدنا موسي يكلم ربنا وهما يسمعوا يمكن تكون المعجزة الأخيرة اللي تأكد في قلوبهم الإيمان ..
عملوا ايه لما سمعوا كلام ربنا مع سيدنا موسي
قالوله خلاص ماشي احنا مش هنعبد العجل لكن برضه مش هنؤمن بإلهك لحد ما نشوفه بعنينا..
وإذ قلتم يا موسى لن نؤمن لك حتى نرى الله جهرة
وكمان بيفرضوا شروطهم بالرغم من كل المعجزات اللي شافوها بعيونهم
فكان جزائهم من ربنا بعد الكلمتين دول إن ال راجل ماټ في وقتها !!
فأخذتكم الصاعقة وأنتم تنظرون
سيدنا موسي حزن جدا .. وقعد يفكر في باقي القوم
لما يرجع هيقول إيه لبني إسرائيل.!
هيقول لهم خرجت بسبعين واحد منهم وكلهم ماتوا ورجعت من غيرهم!
إبتدا سيدنا موسى يدعي إن ربنا يسامحهم ويغفرلهم ومايعاقبهمش بما فعل السفهاء منهم ..
يا رب انت مأهلكتناش قبل كده في يوم المجزرة اللي حصلت مع إن الهلاك ساعتها كان قريب مننا جدا لكن انت برحمتك عصمتنا منه
فيارب زي ما عصمتنا من الهلاك يوم المقټلة اعصمنا اليوم ولا تهلكنا بما فعل السفهاء منا
قال رب لو شئت أهلكتهم من
متابعة القراءة
