قصة سيدنا موسي عليه السلام كامله باللغه العاميه بقلم هبه الله
المحتويات
ما آتيتك وكن من الشاكرين
أية الألواح دي !
الألواح دى كان مكتوب على كل لوح فيهم التعاليم الإلاهية..
وربنا أمر موسي ياخد الألواح دي بقوة وعزم وينفذ كل حاجه مكتوبه فيها ..
ويبلغ قومه بيها وينبههم ان اللي هيخالف اللي فيها هيبقي زيه زي الفاسقين..
وكتبنا له في الألواح من كل شيء موعظة وتفصيلا لكل شيء فخذها بقوة وأمر قومك يأخذوا بأحسنها ۚ سأريكم دار الفاسقين
كان فيه واحد ماشي لقي دهب كتير علي الأرض !!
بيقولوا إنه من اهل مصر ..
وبيقولوا إنه من بني إسرائيل ..
الستات اللي كانوا خارجين من مصر كانوا لابسين ذهب كتير من أملاك المصريين !!
فلما جالهم الأمر من ربنا بالخروج من مصر ماجتش فرصة إنهم يرجعوهم فخرجوا بيهم ..
الراجل دة لم الذهب اللي رموه ده وسيحه ونحت منه تمثال على شكل عجل
واضح إنه كان نحات محترف عشان كدا لما صنع العجل صنعه بمهارة ..
قدر يصنعه بشكل مبهر..
وعمله مجوف من جوا وحطه في إتجاه الرياح .. وضيق الفتحات عشان يسمح بدخول الهوا من فتحته الخلفية وخروجه من أنفه فيعمل صوت شبه صوت العجول الحقيقية
بني إسرائيل زهقوا ..
عمالين يقولوا فين موسى ..فين موسى.. عايزين نعبد ربنا ..هو فين ربنا..
الراجل دة بقي انتهز الفرصة !!
بعد ما خلص صناعة العجل خرج على بني إسرائيل بيه ..
بني إسرائيل سألوه إيه ده !!
قالهم ده إلهكم وإله موسى!
قالوله إزاي ده موسى راح لميقات ربه !!
وهو بيكلمهم جت نسمة هوا جامدة اوي فدخلت في العجل وخرجت منه فطلع صوت خوار كأن صوت بقرة حقيقة ..
بني إسرائيل اندهشوا !!
فصدقوا كلام الراجل و قالوا ده فعلا إله موسى فعبدوا العجل ..
فأخرج لهم عجلا جسدا له خوار فقالوا هذا إلهكم وإله موسى فنسي ..
هارون عليه السلام لما عرف اللي حصل حاول يفوقهم على حقيقة الفتنة اللي هما فيها ..
انتوا اتفتنتوا بسبب شكله إللي من الدهب وصوته اللي بيطلع منه ده..
ربكم هو الله الواحد الأحد اسمعوا كلامي أنا
اسمعوا مني وتوبوا لله الرحمن ..
ولقد قال لهم هارون من قبل يا قوم إنما فتنتم به وإن ربكم الرحمن فاتبعوني وأطيعوا أمري ..
رفضوا النصيحة وقالوا لهارون عليه السلام
احنا هنفضل نعبده لحد ما موسى يرجع!!
لن نبرح عليه عاكفين حتى يرجع إلينا موسى ..
هارون عليه السلام كان شخص
متابعة القراءة
