قصة سيدنا نوح عليه السلام كامله باللغه العاميه بقلم هبه الله
المحتويات
نوح معاهم يركبوا السفينة فورا..
وفعلا سيدنا نوح لقي ماية بتخرج من التنور...
فجمع المؤمنين و وجمع اهله وركبوا السفينة علي طول..
المطر بدأ ينزل بشدة من السماء.
مطر مش عادي.. مطر شديد جدا... والارض كمان بدأت تفور بماية..
الماية بتخرج من كل مكان!!
البيوت بدأت ټغرق !!
والكفار فين
الكفار بدؤوا يهربوا ويطلعوا علي الأماكن العالية والجبال .. فاكرين انها هتحميهم من الماية..
فسيدنا نوح نداااااه بصوت عالي
تعااالي بسرعة.. تعالي اركب معانا...وماتبقاش مع الكفار..
فاءبنه رد عليه
لا... انا هطلع جبل هيحفظني من الماية...!
ابنه ماكنش مؤمن ولغاية آخر لحظة اتكبر انه يبقى مع المومنين.... واتكبر انه يؤمن بربنا وافتكر انه ممكن حاجة تحفظه غير ربنا ..
سيدنا نوح قاله مافيش حد النهاردة في أمان ولا حاجة هتحمي حد الا بمشيئة ربنا ورحمته..
وجه موج عالي جداااااا... خلا سيدنا نوح مش شايف ابنه..
كل حاجة علي الارض... بټغرق..
طوفان ..
الطوفان يعني ماء بيجري من كل مكان وبيغرق الأرض...الموج عالي جدا... كأنها جبال مش أمواج... والسفينة بس هي اللي في أمان لأن ربنا حافظها وهي بتجري وسط موج زي الجبال..
الارض كلها ڠرقت..حتي الجبال متغطية بالماية...
وكل الكفار اللي كذبوا نوح غرقوا ومتبقاش غير المؤمنين بس وسيدنا نوح علي ضهر السفينة في أمان والمنظر مرعب جدا... موج عالي زي الجبال... وسفينة من الخشب محفوظة بأمر من ربنا..
لغاية لما ربنا أمر السماء توقف مطر وأمر الارض تشرب الماية. والسفينة بأمر ربنا رست فوق جبل..
ونزل سيدنا نوح والمؤمنين من السفينة عشان يبدؤوا حياة جديدة علي الارض بيطيعوا فيها ربنا وبيشكروه..
وابنه الكافر فين
سيدنا نوح سأل ربنا
يارب وعدتني انك تنجي اهلي .وابني من أهلي
ربنا قاله إنه ليس من أهلك لأنه كافر .. فمتطلبش مني أني أنجي كافر .
يعني يا نوح... اهلك هم المؤمنين
سيدنا نوح طلب من ربنا يغفرله ضعفه وخطأه.
لكن سيدنا نوح كبر وقبل مايموت ..قال لابنه وصية .. يا تري قاله ايه
اول حاجة هأمرك .. ب لا إله إلا الله .. في قلبك وعلي لسانك..هي أقوي من كل شيء ..
ولو السموات والارض كلهم اتحطوا في ميزان ولا إله إلا الله في ميزان .. هتكون هي اتقل منهم واعظم وأقوي..
تاني حاجة هأمرك ..ب سبحان الله وبحمده ...لانها تسبيح كل شيء علي الارض.. وربنا بيرزق بيها الناس
ازاي تسبيح كل شيء
كل شيء بيسبح ربنا .. بيسبحوا بطريقة احنا مش عارفينها ربنا قالنا
تسبح له السماوات السبع والأرض ومن فيهن وإن من شيء إلا يسبح بحمده ولكن لا تفقهون تسبيحهم إنه كان حليما غفورا
يعني الكرسي ده والترابيزة دي والعصافير اللي بره... بيسبحوا ربنا
ايوة طبعا وربنا قالنا..
انتم مش هتفهموا بيسبحوا ازاي لكن كل شيء في الكون بيطيع ربنا وبيسبحه.
سيدنا نوح قال كمان..
إياك تعمل حاجتين .
الشرك والكبر
الشرك انك تعبد اي حاجة مع ربنا
طب والكبر
الكبر هو اللي يحس انه اعظم من الناس ويحتقرهم ويتكبر انه يسمع الحق ويقلل منه ويسخر منه ويغتر
متابعة القراءة
